Thursday, 16 October 2014

Review Volume 1 seconde Mascara By Bourjois - مراجعة ماسكرا برجوا كثافة بثانية

السلام عليكم 


صار لي فتره طويله وانا اجرب هالماسكرا ، وبصراحه مو انا اللي اشتريتها 
ارسلوها لي وحبيت اكتب تجربتي معاها 



..

- اول شي عجبني شكلها ولونها ، وبسرعه الاقيها في شنطه الميك اب بسبب لونها اللماع ..
- اللي معاي اللي ضد الماي ويمكن تكون ثاني ماسكرا عندي ضد الماي ، مااحب هالنوع عشان مااتعب رموشي ..
- اللي ضد الماي فيها الخط لونها ازرق و العاديه برتقالي او وردي مااذكر بس كانه برتقالي ...

- السر كله اقدر اقول بالفرشه شكلها غريب وجديد ، شوفوا شلون ، شعيرات من النايلون وبينهم كور 


حاولت اوضح قد مااقدر 



- بسس شكل الفرشه اول مافتحتها حسيت اني بمعركه على مااطلع الفرشه من العلبه ، بس يعني مو بسهوله الماسكرات الثانيه . 

- حجم الفرشه شوي كبير .

- الماسكرا تعطي حجم خفيف وحلو + طوول جميل جداااا .. يعني الحجم يكون من الجذور مع طول حلو .. 
 وعن نفسي احب هالشي وكنت اتمنى حجم اكثر ، لانه رموشي متوسطه الكثافه بس طولها حلو فاحتاج كثافه اكثر من الطول ، بس ماانكر انها تعطي طووول جميل جدا ... 

- احسها حلوه اللي رموشها شوي قصيره وتحتاج طول مع كثافه شوي من الجذور ... 

- افضل احط طبقه وحده بس من هالماسكرا ، اذا حطيت طبقتين تعطي شكل اوفر ويمكن البعض يحب هالشي بس تبدا تتكتل شوي .... بس ترى تكتلها لطيف يعني 

- ممكن تحطين طبقه ثانيه بس تاكدي انك تشيلين الزايد من الماسكرا وتحطين شي خفيف ...

- تمسك الرموش بشكل حلو و رموشي ماتنزل او تنام  بعد فتره ويبقى شكلها مقوس وجميل ... 



- سوادها حلو بصراحه ، ولانها تعطي حجم في جذور الرموش تعطي احساس انك مكحله عينك .. احب هالشي 

- احسها تناسب لوك كامل ماتنفع لشي صباحي خفيف .. هذا رايي طبعا 

- سعرها ٧٠ درهم ، ومتواجده باغلب المحلات . 

بشكل عام الماسكرا حلوه ، وممكن ارجع اشتريها بس بجرب النوع العادي مو اللي ضد الماي .

+ اللي يناسبني يمكن مايناسب غيري ، حطي في بالك هالشيء  

No comments:

Post a Comment