الأحد، 23 أكتوبر 2022

La Roche-Posay Cicaplast Baume B5 سيكابلاست بوم بي ٥


La Roche-Posay Cicaplast Baume B5
سيكابلاست بوم بي ٥


كريم متعدد الاستخدام ل تهدئة وحماية البشرة
للكبار الاطفال الرضع
كريم يغذي ويرمم البشرة ✨
:
هالكريم اقدر اسميه سحر ✨✨ في علبة
:
انا بشرتي مختلطة دهنية في منطقة ال تي زون والباقي عادي الى جاف ، عندي مناطق حساسة خصوصي اعلى الخد ، هذي اكثر منطقة عندي تحسس تتهيج و تتقشر وتحرق 🔥
:
كنت احتاج كريم علاجي عندي كريمات احبها بس ماتعالج القشور ، ممتازة لباقي الوجة بس المناطق الحساسة بعدها تحرق وتتقشر
:
هالكريم ممتاز فعليا بعد ٣ ايام بشررتي رجعت طبيعية ومافيه اي نوع من انواع الحساسية او اي شي كنت اشوفه
:
- الكريم يرطب بدون اثر دهني
- عالج لي اماكن الحساسية
- القشور اختفت
- ملمس البشرة افضل
- استخدمه بعد على الشفايف قبل النوم ممت👍🏻

:
الكريم ممكن تستخدمونه لكل جسمكم
- تحطونه على اماكن اللي فيها حبوب يخففها
- اي مكان فيه احمرار او حرارة
- اي مكان جاف او شبة جاف
- للشفايف او حول الشفايف
- بعد الليزر للبشرة
- بعد اي كريم مقشر او علاج مقشر ، او تقشير للبشرة ( لانه يرمم الجلد ) ويعد بناء نفسه
- للاطفال الرضع مناسب لهم
- مافيه عطور

:
يستاهل التجربة و هذا بيكون من الاساسيات عندي ❤️

الأحد، 22 سبتمبر 2019

مشترياتي الاخيرة من موقع ايهرب




مشترياتي الاخيرة من موقع ايهرب 




موقع ايهرب من المواقع المميزة والمشهورة مايحتاج تعريف ، طلبت من فترة ووصلت الطلبية 







من ماركة Steripod اخذت غطا معقم ل فرشة الأسنان ، دايما اشتريه وانصح فيه
سعره = ٢٢ درهم 


وبعد اخذت اداة لتنظيف اللسان ، اول مره اخذ هالنوع من هالماركة وان شاء الله سكون شي حلو
سعره = ١١ درهم

...





ومن ماركة بكسي

اخذت غسول للوجة Glow Tonic cleansing Gel
بجربة خصوصي اني احب التونر من نفس النوع
سعره = ٦٧ درهم

وبعد اخذت بخاخ مرطب للوجة
Hydrating Milky Mist
حلو لزيادة الترطيب قبل المكياج ، او خلال اليوم
سعره = ٥٥ درهم 
...



اخذت ماسك للعيون للترطيب وتبرد منطقة العيونسعره =٥١ درهم 


ومن ماركة سكن فود اخذت قناع ومقشر للبشرة بالسكر الأسود
سعره = ٣٧ درهم 

....





من ماركة Arm & Hammer
اخذت منعم للملابس على شكل أوراق ، هو مخصص للغسيل ، بس انا اخذته عشان أحطه بين الملابس في الكتب يعطي ريحة فرش 😍😍😍
بصراحة الريحة جمييييلة جدا ريحة نظافة وكأنه الملابس توها طالعة من الغسالة
سعره = ٢٢ درهم


...




زيت الافندر متعدد الاستخدام 
سعره = ١٦ درهم 


اخذت فرشه للدمج من ماركة bdellium
رقمها ٧٧٦
سعرها = ٢٤ درهم 
...





وآخر شي اخذت مجموعة من الماسكات
لليدين .. للقدم .. والوجة
واسعار الماسكات ماتتعدى ال ١٠ دراهم 

وبس هذي كل المنتجات اللي طلبتها هالمره 

وممكن تستخدمون كود الخصم هذا

AMV3225 

الاثنين، 26 أغسطس 2019

جدول احصائي للمنتجات |Inventory Template







السلام عليكم 


اتمنى تكونون بخير وعافيه ، هذا الجدول اللي تكلمت عنه في السناب للمنتجات 
يكون بشكل كامل ومكمل باذن الله 

برجع ان شاء الله اكتب شرح موسع عن الفكرة بس حاليا هذا رابط لتحميل الجدول 

وعليكم بالف عافيه مقدما 



حطيت لكم مجال لاي تعديل انتوا حابينه 


وشكرا لكم 

الاثنين، 8 أكتوبر 2018

Fendi Furiosa | عطر فندي فيوريوسا



Fendi Furiosa | عطر فندي فيوريوسا 

سلسلة عطر الاثنين 



السلام عليكم 

كل اثنين نكتشف معاكم عطر يديد ، مثل ماتعرفون سلسلة عطر الاثنين مستمرة باذن الله 
عطر اليوم من فندي ، طبعا ماركة فندي عندهم مجموعة من العطور 
بس ماتعتبر عطورهم مشهورة او معروفة بين الناس 

وهالعطر بالذات مو الكل يعرفة او منتبه له ، قلت يمكن بس عندنا و بس بحثت بالنت والكل مايعرف انه فندي عنده هالعطر ، الدعاية كانت قليلة بحق هالعطر ، لانه ريحته حلوه وثباااااته قوي قوي 


Fendi Furiosa | عطر فندي فيوريوسا 

حبيت تصميم زجاجة العطر ، واللي عرفته انه مصمم مجورهرات صمم لهم هالتصميم الجميل

نوتات العطر :
العليا : فلفل وردي - برغموت 
الوسطى : زهر الجدار- ياسمين - غاردينيا
القاعدة : عنبر -خشب الغاياك 

العطر اول ماترشينه ماراح تحبين الريحة ، بس عطية كم دقيقة ويبدا يبرد ويطلع الريحة الجميلة ، كل مايبرد راح يكون اجمل واعمق ، من العطور اللي افضل ترشينها قبل بفترة اذا بتروحين لاحد ، يعني مو عند الباب لالا ابد ماينفع لانج ماراح تحبين الريحة بس يبرد راح تعجبك ريحته ، اكثر ٣ روايح راح تشمينها ، الياسمين العنبر الغاردينيا ، اكثر ٣ روايح بتشمينها
والفلفل الوردي يعطي حده حلوه للعطر 


العطر يمكن مايعجب اي شخص ، ف الافضل تشمينه في المحلات وانتي تقررين بعدها 
بس بالنسبة لي عجبني ، لانه مميز ، وثباته قوي على الجسم والملابس 

جربته اكثر من مره على الجسم ، وتقريبا الريحة تبقى ل ٦ ساعات واكثر ، اما على الملابس ف تقريبا ١٢ ساعه واكثر 


سنة اصدار العطر ٢٠١٤ 
اودوبيرفيوم ، ٥٠ مل و ١٠٠ مل