الخميس، 27 فبراير 2014

طلبيتي من موقع lavenderic

السلام عليكم 

مين فينا ماحب البيوتي بلندر بعد ماسمع الاصداء الجميله عنها 





طلبتها من موقع اماراتي جميل ومميز فيه منتجات ثانيه غير البيوتي بلندر 

الموقع يوفر " سيقما - افون - منتجات للجسم  - عطور " 

واشياء غير انا طلبت بس البيوتي بلندر وعندها عروض حلوه 

٦ حبات بيوتي بلندر مع المنظف الخاص فيها ب ٢٦٥ درهم 
وانا اخذت عرضين منهم بعطي اهلي منهم بعد لانه السعر ممتاز بصراحه 



واقل وحده شفتها تبيع بهالسعر 





العرض الواحد = ٢٦٥ درهم 
وانا اخذت ٢ يعني = ٥٣٠ درهم 
وسعر التوصيل للبيت = ٣٥ درهم 

المجموع كامل = ٥٦٥ درهم وممتاز السعر 


بصراحه التعامل روعه والانسانه اللي تواصلت معاها قمه في الاخلاق " الله يحفظها يارب " 

وسريعين بالتعامل طلبتها بتاريخ ٢٤ - ٢ 
واليوم وصلتني ب ٢٧ - ٢  ومن الصباح الارامكس متصلين لتوصيل الطلب . 

حبيت الموقع وتعاملهم واكيد لي طلبات ثانيه 





 الموقع اماراتي  http://www.lavenderic.com


وهذا الفيس بوك  https://www.facebook.com/lavendericfb 

وطبعا الانستقرام  http://instagram.com/lavenderic_com  


الاثنين، 24 فبراير 2014

Organize My Makeup‎



السلام عليكم 


ذكرت في تدوينه سابقه " الحياه الصحيه ٤ " اني برتب حياتي وانظمها 
واحد هالاشياء هي الميك اب وترتيبه بالادراج 

قبل اشتري كثير اشياء وانساها ومااستخدمها اما حاليا اشتري على قد اللي احتاجه 
او اعرف اني فعلا راح استخدمه 

انا احتفظ بالميك اب في درجين بالتسريحه عندي مااحب اعرضهم برآ فخصصت لهم درجين فقط
وتعمدت يكونون ٢ عشان استخدم كل شي عندي .


اول صورتين لشكل الادراج قبل 






طبعا واضح اني كل شي على بعض وغير مرتب 


....

نجي لبعد الترتيب 



خليت البالييتات اللي عندي على جنب
العلبه الاولى حطيت كل شي له علاقه بالاساس والكونسيلر + بقمنت 

والعلبه الثانيه 
اي شدو - بلاشر - برونز - اضاءه يعني كل شي بعلبته 

وفي الخلف خليت المكان للرموش خصوصي اني مااستخدمهم دائما 


...

والدرج الثاني 



العلبه البنفسجيه 

فيها اقلام الكحل و الجل لاينر - الماسكرات - واقلام تحديد الشفايف

ولترتيب الارواج استخدمت الزجاج من شموع باث اند بودي وقسمت فيهم الارواج والقلوسات 

وباقي الدرج حطيت فيه الفكس بلس ومنظف الفرش من سيفورا 


...


والحمدلله عاجبني الترتيب ومريحني اكثر من اول 
واشوف كل شي عندي حاليا عشان استخدم كل شي .. 

طبعا قبل الترتيب رميت كل شي منتهيه صلاحيته او اي شي ماعجبني .

الجمعة، 21 فبراير 2014

Review Evian Brumisateur Facial Spray



Review Evian Brumisateur Facial Spray






- ماء بدون جلسرين " فيه ناس تتحسس من الجلسرين " فهذا شي جيد 
- يرطب البشره ومناسب جدا في الشتاء 
- مناسب جدا للبشره الجافه يعطيها الترطيب المطلوب
- ممكن استخدامه بعد التونر ممتاز 
- ممكن استخدامه بعض وضع البودره على الوجه عشان يخفي منظر البودره الزياده 
- احب استخدمه بعد اي حصه متعبه في النادي 
- حبيت ادات الرش نفسها تعطي رش متساوي تقريبا اقدر اشبها ب رش السبريه للشعر
يكون كله متساوي 
- غير مثبت للميك اب لمده طويله " فيه ناس تستخدمه كمثبت للميك اب انا ماحسيته ينفع لفترات طويله " 
- حبيت العلبه انها من الالمينيوم لانها تخلي الماي بارد ومنعش طول الوقت 
- متواجد في جميع السوبرماركت 
- سعره تقريبا من ١٥ الى ٢٢ درهم على حسب حجم العلبه .

الجمعة، 14 فبراير 2014

REVIEW: BLISTEX LIP BRILLIANCE



REVIEW: BLISTEX LIP BRILLIANCE








مرطب ملون للشفايف ، بطعم ورائحه الفراوله ، بس شي حلو و فاخر عجبني شخصيا 
من محتوياته زبده الشيا ، زيت بذور العنب ، فيتامين E وحمايه من الشمس ١٥ . 
يعطي لون حلو للشفايف لونها الطبيعي بس احلى كانها متورده ( حبيته ، ومايفارق شنطتي ) 





حبيت انه فيه حمايه من الشمس خصوصي جو الخليج مشمس دائما .
مع الشرب والاكل اللمعه اللي تشوفونها تروح بس يبقى الترطيب وتحسون فيه على الشفايف 
حبيت شكل العلبه انها انبوب وهالشي مفضل عندي ، لاني مااحب المرطبات اللي تجي بعلب واخذ منها باصبعي
مااحب تتكون عليها جراثيم . 

منتج اعطيه ٥ من ٥ 


السبت، 8 فبراير 2014

مشترياتي من بودي شوب

السلام عليكم 






مشتريات من محل بودي شوب صار لي فتره طويله ماشريت منهم شي
وكان فيه تنزيلات على وقت مهرجان دبي للتسوق 
واستغليت هالشيء  واشتريت ٣ اشياء فقط



 من اليمين دائما وابدا ..


زيت الشيا  SHEA BEAUTIFYING OIL

انا احب الزيوت لترطيب الجسم واحب اخلطها مع اي لوشن للجسم استخدمه لانه يعطيني ترطيب اقوى ويدوم لفتره طويله 

والشيا معروفه فوائدها ووريحتها جميله ولهالاشياد اخترت الزيت 

سعره الاصلي ٦٥ درهم وبعد الخصم ب ٤٩ درهم 

..


زبده الشيا للجسم  SHEA BODY BUTTER

انا وحده اعشق الزبده على جسمي ترطبه ونعومه وتبقى على جسمي ثابته اكثر من اي شي واحب استخدمها اي وقت وخصوصي بعد اي شور شبه اغرق نفسي فيها والترطيب يبقى لمده يوم ونص تقريبا 

وهالشي احبه لاني فعلا احس انه جسمي يترطب 

وطبعا اخترت الشيا لنفس اسباب اللي فوق 

سعره الاصلي ٧٥ درهم وبعد التخفيض ٦٢ درهم 
..


مقشر بالملح AFRICA XIMENIA & SALT SCRUB

دايما اسمع المدح عليه وكل مره اقول لا عندي مقشرات غيره
ودام اني دخلت للمحل باخذه وخصوصي اني ماراح اشتري اي مقشر لمده سنه من كثر اللي عندي 
وحلو اني اغير من فتره لفتره 

اذا جربته وعجبني اكيد بكتب تجربتي هنا ومتفائله فيه على كثر المدح 

سعره = ١٣٠ درهم 

وبس هذي مشترياتي .

الاثنين، 3 فبراير 2014

ZANEDO Life style Beauty Box - January


ZANEDO Life style Beauty Box - January


عوده ل هالعلبه الرائعه اللي توصلني كل شهر وكأنها هديه كل مره شي جديد ومميز

وهالشهر حبيت علبتهم جدا 





نشوف محتوياتها من اليمين 





قناع الطين ويستخدم من مره الى مرتين بالاسبوع ( كان في نفسي بصراحه بقناع طين من زمان وعيني على قلام قلو بس بجرب هذا و بكتب تجربتي معاه بعدين ) سعره هذا لوحده ١٦٠ درهم  " غطى على قيمه العلبه كل شهر وزياده " 

بودي لوشن " حبيت انهم كتبو على العلبه ايش محتواها لانه اخر مره جابو كريم ولا عرفت لايش يستخدم " 

شامبو و بلسم للشعر هو مفيد للتساقط ويطلع الشعر الجديد وريحته مميزه ريحه نعناع قوي مثل معجون الاسنان 
بجربهم بكتب رايي فيهم خصوصي اني اصلا ادور اشياء توقف تساقط الشعر 

وسعر الشامبو والبلسم الحجم الاصلي ٩٠ درهم للواحد . 

واخر شي مزيل للعرق برائحه جدا جميله عن نفسي ماكنت بشتري ديودرت بريحه عطر فرنسي بس من باب التجربه بجرب وبالبيت  اما بره وغيره افضل ريكسونا . 


بشكل عام حبيت المنتجات وجاري التجربه الكامله واي شي يعجبني اكيد بخصص له موضوع .