Monday, 24 February 2014

Organize My Makeup‎



السلام عليكم 


ذكرت في تدوينه سابقه " الحياه الصحيه ٤ " اني برتب حياتي وانظمها 
واحد هالاشياء هي الميك اب وترتيبه بالادراج 

قبل اشتري كثير اشياء وانساها ومااستخدمها اما حاليا اشتري على قد اللي احتاجه 
او اعرف اني فعلا راح استخدمه 

انا احتفظ بالميك اب في درجين بالتسريحه عندي مااحب اعرضهم برآ فخصصت لهم درجين فقط
وتعمدت يكونون ٢ عشان استخدم كل شي عندي .


اول صورتين لشكل الادراج قبل 






طبعا واضح اني كل شي على بعض وغير مرتب 


....

نجي لبعد الترتيب 



خليت البالييتات اللي عندي على جنب
العلبه الاولى حطيت كل شي له علاقه بالاساس والكونسيلر + بقمنت 

والعلبه الثانيه 
اي شدو - بلاشر - برونز - اضاءه يعني كل شي بعلبته 

وفي الخلف خليت المكان للرموش خصوصي اني مااستخدمهم دائما 


...

والدرج الثاني 



العلبه البنفسجيه 

فيها اقلام الكحل و الجل لاينر - الماسكرات - واقلام تحديد الشفايف

ولترتيب الارواج استخدمت الزجاج من شموع باث اند بودي وقسمت فيهم الارواج والقلوسات 

وباقي الدرج حطيت فيه الفكس بلس ومنظف الفرش من سيفورا 


...


والحمدلله عاجبني الترتيب ومريحني اكثر من اول 
واشوف كل شي عندي حاليا عشان استخدم كل شي .. 

طبعا قبل الترتيب رميت كل شي منتهيه صلاحيته او اي شي ماعجبني .

6 comments:

  1. حلوو الترتيب اختي حنان
    سؤال فديتج : من وين خذتي الصناريق ؟؟ الي فالادراج ؟؟
    وسلمتي

    ReplyDelete
  2. هلا حبيبتي
    الصناديق عندي لاني مشتركه بشركه zando كل شهر توصلني علبه وفيها منتجات وتكودت العلب عندي وعجبني حجمهم
    للادراج

    حاولت مااشتري شي واستفيد من اللي عندي

    ReplyDelete
    Replies
    1. ايوااا

      zando الموقع الي فيه عطور صحيح والا انا غلطانه !!

      Delete
  3. http://www.zanedo.com/

    هذا هو الموقع وفيه كل شي عطور وكريمات وميك اب ويبيعونهم ويوصلونهم للامارات

    ReplyDelete
  4. تمام موقع واايد حلووو
    ابا اجربه
    جم ياخذ عسب يوصل ؟؟
    وهل جربتي العطور اصليات والا لا ؟؟
    وسلمتي

    ReplyDelete
  5. هلا بالغاليه
    اسفه حبيبتي بس توني انتبه على ردك ، التوصيل حسب مااعرف خلال ٣ ايام والعطوز اصليه لانه الموقع مضمون
    وعندهم ماركات جديده على السوق الاماراتي

    ReplyDelete