Friday, 19 August 2016

Huil Prodigieuse Nuxe | زيت نوكس


Huil Prodigieuse Nuxe | زيت نوكس 

السلام عليكم 


نوكس Nuxe ماركة فرنسية مشهورة ومعروفة في العالم كله ، تعرف هالماركة انها تستخدم كل شي من النباتات 
وهذا شي جميل ... 

وهالماركة عندهم منتج مشهور جدا وهو افضل منتج مبيعا .. 

زيت نوكس متعدد الاستعمالات ..Huil Prodigieuse Nuxe




من احب الزيوت على قلبي ... 

زيت نوكس هو الزيت الجاف المكون من زيوت نباتية وهو زيت متعدد الاستخدامات وآمن على الاطفال 
الزيت هذا خليط من ٦ زيوت اهمها المكاديميا ، البندق ، واللوز الحلو ، ايضا فيه فيتامين اي الممتاز للبشرة . 

يستخدم للجسم ، الشعر وبشرة الوجة  .

شخصيا افضل استخدامه فقط للجسم .. 

ارشه على كل جسمي وخصوصا بعد الشاور ولانه زيت جاف بسرعه الجسم يتشربه ولا يترك اثر دهني علي الجسم 
وممكن بعدها شوي من اي كريم للجسم عندك .. وخلاص الترطيب والنعومة ليوم كامل باذن الله 
احب ترطيب هالزيت ويخلي البشرة فيها حيوية 


ووايد جربوا هالطريقة وحبوها .. اصلا اذا حطيتي الزيت وبعدها كريمك المفضل الكريم بسرعه يمشي علي البشرة ويدخل فيها .. 

وفيه نوع ثاني من نفس هالزيت يكون فيه لمعة للجسم وحلو هالشي للسهرات .. 




هالزيت فيه ميزة بعد انه ريحته جدا جدا جمييييلة واللي شخصيا افضلها واحبها .. 
مزيج بين زهرة البرتقال والخوخ ك نوته علوية و الوسطى ورد ومسك والماغنوليا و القاعدة 
جوز هند و الفانيلا .. 

خلطة جميلة جدا والريحة ناعمة ... 

ومن كثر ما الناس حبت ريحة الزيت ماركة نوكس نزلت عطر بنفس ريحة هالزيت .. 



Prodigieuse le perfum
وطبعا لازم يكون عندي .. لاني احب ريحته .. 


ماركة نوكس متوفرة بكل الصيدليات و ايضا في سيفورا 

Saturday, 6 August 2016

Project Pan All L'occitane \ Update 2


Project Pan All L'occitane \ Update 2 


السلام عليكم 


انا تاخرت جدا في هالموضوع واللي المفروض ينزل من شهر بس كنت كسوله واعترف بهالشي 
وللاسف ماكملت والتزمت اني استخدم منتجات لوكستيان كلها اللي عندي بس خلصت ٦ منتجات 

المجموع الاصلي كان ٤٩ منتج .. واخر موضوع هنا خلصت ١٤ منتج 
واليوم خلصت ٧ ف المجموع النهائي  اللي عندي ٢٨ منتج ، صح وايد لحد الحين بس ماعليه خلصت 
٢١ منتج وهذا يعتبر شي جميل جدا والحمدلله .. صح تمنيت اني خلصت اكثر بس ماعليه 

بخلصهم باذن الله .. 



- كريم الجسمNÉROLI & ORCHIDÉE
انا اولا اعشق هالريحة فحبيت كريم الجسم هو خفيف وسائل شوي بس ترطيبة حلو للجسم ومعطر ، مناسب للاستخدام مع العطر . 

- كريم القدم من لوكسيتان فيه زبدة الشيا بنسبة ١٥ بالمية ، وهالرقم جدا حلو ، انا استخدمه تقريبا يوميا 
ترطيبة حلو يرطب القدم وابدا مو ثقيل .. غير دبق 

..


- مرطب للشفايف ، بنسبة الشيا ١٠ بالمية ، ترطيبة خفيف بس يعطي شويه لمعة للشفايف .. 

- عطرNÉROLI & ORCHIDÉE ، جميل جدا ومن العطور اللي احبها وافضلها في لوكستيان .

..


- شور جل من مجموعةVERBENA حلوه جدا هالمجموعة ومنعشة .. 
اذا بشتري باخذ الشاور جل بس الكريم حسيت ريحته قويه شوي واصدع منها ..
وبعد خلصت صابونه اللي على شكل ورقة حبيتها لانه فيها مقشر بعد .. 

- صابونة الحليب ، هذي جدا جدا جدا حلوووووه ومن احلى الانواع اللي عندي ، ريحتها هادية جدا وترطب الجسم 
جدا جدا حابتها .. 

..

وبس هذا كل اللي خلصته في هالفترة من لوكستيان 

واذا خلصت شي منهم بعد راح تشوفونه في مواضيع الاشياء اللي خلصتها .