Tuesday, 25 October 2016

THEY'RE REAL BIG GLAM LIP KIT



THEY'RE REAL BIG GLAM LIP KIT


السلام عليكم 

ماركة بنفت دايما تعودنا على المميز دائما وابدا ، كل فترة يطلعون لنا بمنتج جديد
هالمرة مجموعة جميلة من الارواج ، لكن تشبة شكل الماسكرا 



تحمست جدا يوم وصلت لي العلبة عشان اجربها واكتب رائي عنها .. 
اول شي مثل ماتشوفون علبة وبداخلها ٤ أرواج ب ٤ درجات مختلفة .. 

الشي المميز في هالارواج انها ٢ في ١ ، روج ومحدد للشفايف بنفس الوقت 
الروج اصلا ك فكرة اعطيه ١٠ على ١٠ لانه عملي وسهل وسريع ، وبعد الروج يعطي شكل امتلاء للشفايف .. 



انا من الناس اللي اقدر محددات الشفايف واحبها ولا استغني عنها مهما كان ف شي حلو ..

Flame game


Pink thrills

Revved up red

Lusty rose




مدة الثبات الى ٨ ساعات / انا بالنسبة لي ٤ ساعات .. وطبعا اللون يخف مع الاكل والشرب 
بس الحلو انه الشفايف تظل مترطبة طول الوقت .. وهذا الشي جدا حبيته .. 



اكثر لون حبيته هو Lusty rose  اللي هو اخر واحد مناسب انه يكون روجك اليومي .. 

باقي الالوان حلوه بعد بس انا مااحب الارواج البرتقالية ف ماناسبني Flame game للاسف  .. 

الارواج متوفرة في موقع وجوه الاكتروني من تاريخ ١٥ اكتوبر 
و في محلات وجوه من تاريخ ١ نوفمبر 

وسعر العلبة ب ١٤٥ درهم 

#DoubleMylips 

Thursday, 20 October 2016

زيارة لصيدليات المنارة


السلام عليكم 

زيارة سريعة لصيدلية المنارة القريبة مني .. الصيدلية ماشاء الله شاملة كل شي
الأدوية جميعها وبعد كل منتجات العناية 
" اطفال - رجال - نساء " 

نبدأ الجولة .. 












وبس هذي كانت الجولة ، الصيدلية فيها كل شي تقريبا واللي رحت لها تعتبر صغيرة في صيدليات اكبر 
وفيها منتجات اكثر .. 

..


Sunday, 9 October 2016

أماكن للفطور في دبي


السلام عليكم 


دبي مدينتي الجميلة .. دائما توصل لي اسئلة وين افضل مكان ووين هذا المكان 
ف قررت اني ابدأ سلسلة عن دبي وكل مره راح اتكلم عن شي معين 


اليوم اخترت اماكن للفطور في دبي 

بكتب لكم الاشياء اللي جربتها شخصيا واللي عندي لها صور عشان تشوفون كل شي .. 

١- ذا براس The Brass 

اولا الكوفي صاحبة اماراتي وفخوره بهالشيء ، المكان هذا قهوه ويقدم فطور وغدا وعشا وحلى ايضا 
الحلو في هالمكان انه مكان مختص بالقهوه بكل انواعها من الذ انواع القهوه اللي شربتها 
اولا لانه القهوه تطحن عندهم وحسب الطلب وثانيا لانه تحميص القهوة يكون اسبوعيا 
عشاااق القهوه راح يفهمون كلامي .. عندهم نكهات بالقهوه ممكن ما تلاقونها في اماكن ثانية مثل كابيشينو الافندر
او بجوز الهند ..

 

انا زرت الكوفي ٨ مرات ٢ منها للفطور و الباقي للكوفي طبعا 


اخترت هالطبق الذيذ  
كرواسون محشي بالبيض  ويقدم مع سلطة ، حبيت هالطبق جدا .. 
اختي جربت الاومليت بس نوعا ما كان ثقيل لانه فيه جبن واختي مو اي نوع جبن تحبه .. 
بالنسبة لها ماكان خيار موفق .. بس بالمرات القادمة قالت بجرب بدون الجبن .. 

عادي جدا ارجع اطلب هالطلب اكثر من مره .. لانه عجبني جدا 
الاكل لذيذ بصراحة اللي انا جربته يعني وايضا الحلى او المخبوزات ، لانه كل شي يسوونه داخل الكوفي . 

مكانهم في السيتي ووك التوسعة الجديدة 
و في ذا بيتش 

...

٢- تشيز كيك فاكتوري

طبعا هالمطعم مشهور معروف بالاكل واطباقة الذيذة و الكبيرة بالحجم 
بدون مبالغة مااذكر كم مره رحت له ، احب اروح له اذا بسوي شوبغ في دبي مول لانه اكل واشبع ولله الحمد وبعدها اتسوق ومااتغدا بعدها .. لانه اطباقهم حجمها كبير .. 

عندهم كذا طبق للفطور ويوم الجمعة والسبت فيه اطباق غير عن باقي ايام الاسبوع 



طبقي المفضل عندي وعند اختي هو بيض باي طريقة انتي تحبيها ومعاه بطاط بالفرن وتوست لذيذ جدا ومشبع 

وجربنا مره منهم الوافل حلو طعمه بس حجمه كبيييير جدا ماقدرنا نخلصه انا واختي .. 

مكانهم في دبي مول - ذا بيتش - فستيفال سيتي - مول الإمارات 

...

٣- Mo's كافية 



احب فطورهم جدا ورحت له ٤ او ٥ مرات وعلي فترات متباعة وماشاء الله ولا تغير طعمه 
القهوه عندهم لذيذة انا احب القهوه الامريكية .. وبعد التوست الاسمر عندهم لذيييييذ جدا .. 


طبقي المعتاد بيض مع بطاط ومعاه بصل وفلفل احمر بارد هذا بروحه لذيذ 
يقدمون مع الطبق سلة التوست مع الزبدة والمربى 



لذيذ جدا ومكان هادي وبعيد عن الزحمه وخدمتهم بعد حلوه .. 

مكانهم الوحيد في السيتي ووك مقابل النافورة 

...

٤- المخبز الفرنسي 

معروفين طبعا بالخبز والحلويات 
بس بعد الفطور عندهم حلو منتوع .. طبقي المعتاد بيض و بطاط بالفرن 
الكمية ممتااااازة جدا .. وتكفي وتخلصينها كلها .. 



ويقدمون لج مع كل طلب سلة خبز انتي تختارينة و مربى وزبدة .. 
والقهوة عندهم جيدة .. 

فيه عندهم فطور عربي وامريكي وعندهم عروض فطور رخيصة .. بس ماجربت شي غير هالطلب .. 

مكانهم اللي اروح له دايما في الوصل فيتا في شارع الوصل 

...

٥- كافية دوم 

من الاماكن القديمة والمعروفة في دبي .. اكلهم حلو من الاماكن اللي تروحين لها وانتي تبين تغيرين جو 
ليش ؟ لانه مكان هادي جدا وخدمتهم جدا حلو وابدا مايزعجونج .. احب اروح لفرعهم اللي في دبي مول
والصبح طبعا .. لانه يطل على التزلج وتشوفين الناس  وهي فعلا مرتاحة ويلعبون 

طبقي دايما البيض ، صراحة احبه سواء بره او بالبيت بس افضل بره يعني لانه الصبح مالي خلق اسوي شي
يحتاج حوسه لاني مااقدر استوعب صح الا بعد كوب قهوه .. ولاني مااقدر اشرب قهوه على معدة فاضية 
ف اكل اسهل شي .. جبن وتوست وهالاشياء .. 



عندهم انواع من البيض .. وبعد وافل وبان كيك بس ماجربتهم بصراحة .. 

بس الكرك عندهم لذيذ جدا جدا احببببه وساعات اروح عشانه .. 

لهم افرع وايد في دبي 


وبس هذا الجزء الاول واكيد كل فترة بكتب حزء ثاني  

Tuesday, 4 October 2016

مجموعة Mythic Oil من لوريال



مجموعة Mythic Oil من لوريال 



السلام عليكم 

مجموعة ال ميثيك أويل  MYTHIC OIL من لوريال ، تم تطويرها للأفضل 

هالمجموعة مميزة من اول مانزلت من قبل ٥ سنوات وتم تطويرها لشكل الحالي ، وايضا مميزة لانه فيها زيوت طبيعية
واهم زيت في المجموعة هو زيت الارغان .. وايضا هالمجموعة فيها ١١ نوع من الزيوت .. 

وكل نوع من هالمجموعة يتميز بريحة غير .. رمان .. ازهار مصرية .. الباتشولي .. 

اذا تلاحظون على العلب فيه الوان / احمر / ازرق / ذهبي .. كل لون لنوع شعر .. 

هذا الزيت هو نجم المجموعة واللي بعدها وسعوا المجموعة وصار عندهم شامبو وبلسم وماسك من نفس الخواص 

الزيت هذا انا جربته من قبل وهذي ٢ او ٣ علبة لي .. 

هذا النوع العادي وفيه ٣ انواع بعد .. فيه بزيت الافوكادو .. زيت الماغنوليا .. زيت الارغان 
انتي ممكن تختارين الريحة اللي تحبينها .. 

ريحته جميلة جدا واصلا كل منتجات لوريال ريحتها رائعة 

الزيت له اكثر من استخدام :

- ممكن تخلطينة مع اي ماسك عندك للشعر عشان يزيد الترطيب بالشعر 
- ممكن استخدامه لاطراف الشعر بعد الشاور 
- لمسه بسيطة منه بعد تصفيف الشعر عشان يشيل النفشة الخفيفة 

...


شامبو الشعر .. هالنوع اللي بالخط الاحمر مناسب للي شعرهم جاف جدا والشعره نفسها سميكة 
انا للاسف ماناسبني لانه شعري غير .. انا شعري دهني وخفيف 
 ويوم سالت النوع اللي يناسبني اكثر اللي الخط يكون ذهبي .. 

هذا الاحمر ناسب اختي وااااايد ووايد حبته لانه ناسب طبيعة شعرها .. وهي شعرها جاف ف كان ممتاز لها ..

..


المنتج هذا العجيب والمتعدد الاستعمالات .. 

جدا جدا جدا حبيته .. كريم مناسب للشعر الجاف انا اشوف انه مناسب لاي شعر لانه كريم مرطب 

استعمالاته :
ممكن تحطينه لفترة قبل الشامبو عشان يرطب الشعر 
او بعد الشامبو كبلسم .. 

او بعد الشاور ك كريم مرطب تخلينه على الشعر ماتغسلينه .. 

حبيته بكل الحالات وجدا مرتاحة عليه وناوية اخذ لي واحد جديد اذا خلصته ..  يستاهل التجربة

...


ماسك الشعر .. روووووعه بمعنى الكلمة ترطيب ونعومه ولا اروع .. 
مثله مثل اي ماسك تحطين منه كمية على شعرك المغسول بالشامبو وبعدها الماسك 
وخليه فتره على شعرك وبعدها اشطفيه بالماي بس .. نعومة ولا اروع وشعر مترطب من قلب .. وريحته تجنن 

يستاهل التجربة .. 

بشكل عام انا وحدة احب منتجات لوريال وارتاح عليها من زمااااااان .. والمجموعة جدا حلوه 
وممكن اخذ الشامبو اللي يناسب شعري عشان تكتمل المجموعة .. 

طبعا منتجات لوريال الأحترافية موجودة بالصالونات فقط .. 



الاسعار :

Mythic Oil for Normal to Fine Hair الشامبو85 د.إ، الماسك 115 د.إ
Mythic Oil for Thick Hair الشامبو85 د.إ، الماسك 115 د.إ، البلسم 85 د.إ

Mythic Oil Crème Universelle 85 د.إ