Monday, 21 December 2015

Typo | محل تايبو


Typo | محل تايبو




السلام عليكم 

زيارتي لمحل تايبو ، محل جدا جدا جدا جميييل ، وبتعرفون ليش اصلا هو جميل .. 

هالمحل من دخلته وحسيت اني طفلة في محل العاب ، اعشق هالنوعية من المحلات ، اللي فيها كل شي 
ديكورات و دفاتر واقلام واشياء للبيت .. 

خل نشوف جولتنا فيه 


شوفوا الجمال ، مخدات واكواااب و حتى مفارش للطاولات والسرير .. شي رائع ماشاء الله


هالاحرف الجميلة ، حلوه ك ديكور للغرفة ، او حلو الحرف الواحد تضيفينة مع اي هدية بتهدينها لاحد .. 

...


اكواب وصحون حلوه حيييل وغريبة شوي بس اشياد جميلة وبالطبيعة بعد احلى من الصور


اكواب للقهوه ، وساعات ، كروت و علب


شوفوا اخر رف بالصورة ، كلها اشياء للاكسسوارات ، تساعدك انك تنظمين الاكسسواررت اليومية على التسريحة ..

..


جزء من مفارش السرير ، وشموع 

..





عندهم دفاتر بتصاميم جدا جدا انيييقة وناعمة ، وبتناسب كل الاذواق .. انا اخذت منهم البلانر او منظم الوقت اللي دايما تسالوني عنه بالانستقرام .. عندهم اشكال واحجااام منه فيه نفس الحجم اللي عندي وفيه اصغر وفيه اكبببببر ، الكبير جدا جدا حلو .. 



وعندهم بعد كل شي تفكرون فيه ، الات حاسبة - مقالم - شنط - دفاتر - اقلام اي شي يخص القرطاسية والمكتبات بتلاقونة متوفر وباشكال جدا حلوة .. 





...

ونوصل للديكورات





عندهم لمبات للزينة ، للعيد ميلاد او لاي حفلة ، قطاعات - طوابع - اختام - حروف خشب باحجام صغيرة 






المحل ماشاء الله فيه وايد اشياء حتى مو كلها طالعة بالصور ، وبالحقيقة اجمل من الصور بوايد لانه من كثر اللي فيه 

ماعرفت شنو اصور.. يبي له زيااااارة 

عندهم محلين في دبي ، الاول البوكس بارك في شارع الوصل 
والثاني شوي اصغر في دبي مول في الطابق الثاني في مدخل المترو

7 comments:

  1. جميل هالمحل و انا اساساً عشقي هالنوع من المحلات
    من جد تحتارين يحمسك تاخذين اشياء و انتي تدرين
    ماراح تستخدمينها انا عرفته لما كنت بماليزيا و ما كنت
    اعرف انه ب دبي الحين تحمست اروح له اكثر ❤️❤️

    ReplyDelete
    Replies
    1. هلا بالزين ،
      اضييييع بالمحل مااعرف شنو اشوف ولا شنو اخذ وغالبا ادخل واطلع وانا ماشريت شي
      روحي له وان شاء الله يعجبك اكثرررر

      Delete
  2. مافي له فرع ثاني بالسعودية ؟

    ReplyDelete
    Replies
    1. هلا والله ،
      للاسف لا ماله فرع الا في دبي حاليا ، يمكن بعد فترة يفتحون في الخليج

      Delete
  3. قد تكلمت عنه مبتعثه لنيوزيلندا وحيل عجبني وفقدت الأمل انه القاه بمكان قريب بالخليج ولا بحثت عنه واليوم ادخل مدونتك والقاك متكلمه عنه جداَ اسعدتيني ربي يسعدك ❤️3❤️ ربي يعطيك العافية ي جميلة

    ReplyDelete
  4. هاي حنان انا اعرف ان السوال شوي متاخر بس يمكن تقولي كم اسعار الشنط والكتب والاقلام ؟يعني جميع مستلزمات المدرسه لاني رحت لمحل ف دبي اسمه بيبرجيس حق المدرسه واسعااارهم مبالغ فيها يعني دفتر ع 80 ��

    ReplyDelete
    Replies
    1. هلا حبيبتي ،
      لا عادي يالغالية ، هو شوي ارخص من المحل اللي ذكرتيه ، يعني فيه دفاتر ب ٥٠ الكبيرة والاصغر طبعا شوي ارخص وغالبا فيه عرض على الدفاتر

      مو ذاكره اسعارهم كلها بس يعتبر افضل شوي من هذاك المحل

      Delete