Thursday, 28 July 2016

Guess Double Dare

Guess Double Dare 



ماركة قس المعروفة لها خط انتاج خاص بالعطور فيه عندهم عطور حلوه ومميزة بس مو الكل يلتفت لها 
وهذا واحد من هالعطور اللي حبيتها .. 



نوتات العطر 
العليا : فراولة - ليتشي - برتقال
الوسطى : زنبق الوادي - اوراق البنفسج - الياسمين 
القاعدة : فانيلا - عنبر - نجيل الهند " نبته من الهند ولها ريحة "

شفتوا المكونات وعلى طول راح يكون ببالكم عنه عطر فواكه وورد ، وهو العكس تمااااامااا ابدا ابدا ماتشمون ريحة الفاكهه 
ريحته جدا جدا حلوه .. خليط من النواع الورود مع فانيلا شوي وعنبـــــر تخيلوا الريحة .. 

رائحة جميلة جدا وناعمة .. العطر ابدا مو فواح بشكل كبير بس اللي قريب منج راح يشمه .. 

علي الجسم تشمين ريحة العنبر اكثر ، وعلى الملابس تشمين ريحة الورد اكثر .. 

والمميز بهذا العطر انه ثباته عالي جدا تقريبا من ٦ - ٧ ساعات .. ويعتبر هالشي بطلل .. 

العطر صباحي ونهاري  وحلو لكل يوم وللدوامات .. 

سعر ال ٥٠ مل = ٢١٥ درهم 
وممكن تلاقونة ارخص بعد .. 

Tuesday, 26 July 2016

My Little Pleasures علبة السعادة الشهرية

My Little Pleasures


السلام عليكم 

الفترة الاخيرة بدت تنتشر عندنا اكثر خدمات العلب الشهرية اللي توصل لمشتركينها، وMy Little Pleasures احد هالشركات الجديدة في الامارات ومن العلب المميييزة جدا .. 

لانهم يشتغلون عليها صح ، كل شهر لهم ثيم معين يختلف تماما عن الشهر اللس قبله .. ممكن تشوفون كل العلب السابقة وشنو قدموا فيها .. 


بصراحة انا اول شي لفت نظري في العلب هو التصاميم اللي يقدمونها وهالفن الجميل اللي انا شخصيا اعشقة 
ف كل شهر ادخل واشوف تصميمه لاني احب هالنوع من الرسومات الجميلة .. 

هالشهر كان للعيد و لماركتي العشق لوكستيان .. فشي طبيعي اني وقعت في حب محتويات العلبة ... 

اول شي العلبة قوية وتنفع انج تخليها ك ديكور وتخزين بعد ، واول ماتفتحين العلبة راح تشوفين رسالة منهم ومع بروشور 
فيه شرح لكل منتج .. 


أعشق التفاصيل الصغيرة في التغليف .. 


حبيييييت راح ابروز هالورقة واعلقها في مكتبي .. 

...




Néroli & Orchidée Eau de Toilette


هالعطر الفتنة اللي احبه ووقعت في حبة بعد مااستخدمته اكثر واكثر ، عندي من قبل مجموعة السفر الصغيرة وخلصتها
وحبيت انهم حطوا هالعطر لانه جميييل جدا .. حجمه ٣٠ ميل 



ميدالية جميلة جدا من لوكستيان .. حبييييتها 


شنطة صغيرة فيها ٣ منتجات 

كريم اليدين باللوز ، جميل جدا هالكريم وناعم على اليدين .

شامبو لاصلاح الشعر الجاف والتعبان ، جربته من قبل وهالجحم جدا حلو .. 

ومنتج للشفايف جديد علي تحسسست اجربة ، مرطب للشفايف وفيه لون ..

..


واخر شي هالجماااال كله ، تحطين فيها الشاي الورق وتحطينها بالكوب وتستمتعين بطعم الشاي اللذيذ 
حبيت الفكره والشكل جدا حلووو .. 

..


حبيت العلبة ومحتوياتها كلها بصراحة ، ومافيه اي سامبل صغير بالعكس كله شي بالحجم العادي او الحجم الاصغر 
العلبة تستحق انج تشتركين فيها .. 

الموقع فيه كل التفاصيل .. والاشتراك شهر .. ٣ شهور .. ٦ شهور او سنة كاملة ..