Sunday, 12 October 2014

منتجات ممتازة ب ٣٠ درهم وأقل

السلام عليكم 


نجرب الرخيص والغالي ، بس ساعات نكتشف اشياء جميله جدا بسعر رخيص او معقول 

جمعت كذا شي جربته وحبيت نتيجه وتقريبا كلهم اسعارهم ٣٠ درهم او اقل بعد ...




...

ملاحظه صغيره " اللي يناسبني ممكن يناسبك وممكن لا " فحطي هالشغله في بالك من البدايه 
انا اكتب تجربتي ، ويمكن تعجبك ويمكن لا ..

اذا جربتو منتجات حلوه بهالسعر ياليت تشاركوني فيها ... 

...

المنتجات اللي بحطها من كذا مكان ، وفيه محلات عندها اشياء باسعار حلوه وممتازه 


- ماء ميسيلار منظف  " مزيل للميك اب " من لوريال ، هالشي ممتاز بالنسبه لي ويشيل المكياج ولا يسبب حساسيه لعييوني وسعره تقريبا ٢٦ درهم . يختلف حسب المكان ...

- مناديل نيتروجينا لازالة الميك اب ، مااذكر من مره شريت هالشي والمشكله لحد الحين مااحفظ كم سعره بس كانه ٢٢ درهم .

...


- من ذا فيس شوب لصقات للانف للرؤوس السودا ، وشريتها على نصيحه بنت خالتي و من احد البلوقرز بعد سعرها ٢٩ درهم .

- مانيتكس ، مناديل لازاله المناكير ، كل منديل مغلف بروحه ، وتشيل المناكير كله ممتاااازه بصرحه وسعر العلبه ٦.٥ درهم رخيصه جدا بس ممتااااازه جدا ... 

...


- عاقصه للرموش من محل موجي الياباني ، حبيت اجرب منهم لاني اسمع دايما انه العقاصات للرموش اليابانيه ممتازه 
جربتها وحلوه والله ، وسعرها ب ٣٠ درهم بالضبط .. 

- ريكسونا حبيب قلبي ، مااستغني عنه ابد ، وهذا بريحه الشاور ريحه نظافه حلوووه ، مااذكر سعره بس اقل من ٢٠ درهم ..


....



- ليفه للجسم احب هالقفازات من بودي شوب عشق ابدي بصراحه ، قويه وممتازه وسعرها ٢٦ درهم 


....


- زيت الماكاديميا حلو واستخدمه لاطراف شعري النهايات بس لانه ثقيل شوي ، سعر هالعلبه ب ٢٤ درهم ..

- زيت العنايه بالاظافر من ايسنس ممتااااااااز وشبيه ل زيت الاظافر من ايسي ، وهذا سعره ب ١١ درهم ، لازم يكون عند اي بنت ... 

- برايمر للعين من ايسنس حلو بصراحه ويثبت لون الايشدو ، سعره ب ١٥ درهم .

...


محددات الشفايف .. 

اول واحد الفوشي من برستيج هالماركه حلوه بس ماادري ليه مااشوف وايد يتكلمون عنها محدداتهم حلوه وادواجهم المات راااائعه ... نرجع للفوشي ، اللون ثابت ثابت ثابت لانه ضد الماي بس صراحه روعه وبطل بس كانه سعره ٣١ او ٣٢ درهم شي كذا بس يستااااهل ... 

اللون الاخير الاحمر من برستيج بعد ، هاللون وهالدرجه عشششق مع الروج الاحمر المات من عندهم روعه لون قوي وااضح ب ٢٥ درهم .. 

ولون احمر على عنابي من ايسنس هو اللون بروحه روعه والكريمي وسلس بسرعه ترسمين فيه وممكن يكون روج بروحه وحلوو واضح ، وسعره بس بس ب ٩ دراهم ، ودايما الستاند فاضي ماالاقي كل الدرجات ... 

.....



- مناديل انا استخدمها للشنطه ، هالنوع عجيييب ريحته تهبل نظافه وبودره وريحه اطفال وبراءه 
هالنوع من الروايح تدوخني ، المهم انه شي حلو وممتااااز ، وسعره ب ٣.٥ درهم رخيص جدا .. بس الريحه تجنن 


....


وبس هذا كل اللي عندي حاليا ، ممكن ارجع اسوي هالموضوع مره ثانيه اذا لقيت شي جديد وحلو بهالسعر 
او اجرب منتجات ب ٥٠ درهم ... يعني واحد منهم 

...


وخلكم قريبين الايام الجايه في قيف اوي من شركتين ....

2 comments:

  1. ماششاء الله جداً جممميلة اختياراتك
    سمعت كثير يمدحون مناديل نتروجينا وبعد البوست هذا حمسستيني مره أجربها، أنا عادةً ما أستعمل غير جونسون
    برايمر ايسنس كل ما اروح احصله مخلصصصص "فيس يبكي" هههههه
    ماننحرم من هالجمااال ياربي ❤❤

    ReplyDelete
    Replies
    1. هلا بالغاليه ،
      تسلمين حبيبتي والله ، جربي نتروجينا وبتنسين جونسن ، انا مااقدر على جونسن تحرق عيني وومااقدر امسح المكان اكثر من مره،
      ويحسس وجهي منها ، جربت نيتروجينا ونصحت فيها وكثير حبوها

      والبرايمر دايما خالص وصاير الستاند فاضي اغلب الوقت

      فديتك والله والله لا يحرمنا منك يالغاليه

      Delete