الاثنين، 9 سبتمبر 2013

مشترياتي من نزيه



السلام عليكم 

مشترياتي من نزيه .. فرع الظهران مول


حبيت اجرب مجموعه الماكاديما واخترت شغلتين 

الماسك و الزيت بعد التجربه اكيد راح اكتب رايي فيهم 




واخذت فرشه للشعر للسشوار وصراحه ممتازه 


الاسعار

الماسك الحجم الكبير ب ١٨٠ ريال
الزيت ب ٢٤ ريال
وفرشه الشعر ب ٢٨ ريال


ونراكم قريباا

الخميس، 5 سبتمبر 2013

Products I Regret Buying



السلام عليكم

طله جديده من بعد غيبه طويله في منتجات وبكل صراحه فاشله بالنسبه لي









بالبدايه هذي المنتجات ممكن تناسب غيري بس معاي للاسف مانفعتني 

نبدا من اليمين 

اللي هو بيبي كريم من غارنيه والدرجه الفاتحه اولا الدرجه غامقه علي وثانيا كان هال bb يسبب لي مشكله
يطلع لي حبوب كبيره وبصراحه مؤلمه 
يعني فكرت من شي ثاني او متحسسه من كريم بس اكتشفت انه منه 

وهل راح اشتريه مره ثانيه ؟ لاطبعا 


المنتج الثاني كونسيلر من DEBORAH اخذته من سنتربويت 
والسعر مااذكر للاسف بس اقل من ١٠٠ درهم 

تغطيته قويه بس عيبه انه ثقيل وصعب بالمد على الهالات يعني طريقه الطبطبه ماتنفع معاه للاسف 
يعني لازم امسح واوزع ومنطقه تحت العين تحتاج لطافه ورقه بالتوزيع وهذا للاسف مااعطاني المطلوب

هل راح اشتريه مره ثانيه ؟ لا 



المنتج الثالث والاخير لليوم هو كريم العيون من بوندس




ككريم فكره حلوه وهي اللي جذبتني لشرائه
علبه ومقسومه من الوسط جزء لونه وردي و جزء ابيض 

الوردي ملمسه سيلكون مخملي وهو خاص بالكولاجين تحطينه على الجفن العلوي للعين وتمدينه شوي لبره
عشان يمنع الخطوط الرقيقه هذا حبيته 

والجزء الثاني هو الابيض 
ل الهالات او تحت العين .. اولا لونه ابيض ابيض حتى بعد التوزيع يبين اللون الابيض  مايروح
وثاني شي فيه ذرات تلمع جدا جدا ماحبيت هالشي 
وحتى ماكملت العلبه لانه ازعجني اللون الابيض وذرات تلمع ماحسيت انه هالشي يناسب كريم للعيون 

بس كترطيب ماشي حاله مو وااااو 

هل راح اشتريه مره ثانيه ؟ طبعا واكييدا لا لا



هذي منتجاتي اللي ماتوفقت فيها هالفتره 
اذا جد جديد اكيد راح يكون لي بوست هنا