Tuesday, 27 May 2014

Review The Body Shop All in One Instablur كريم انستبلير من ذي بودي شوب


السلام عليكم 


اليوم بتكلم عن منتج جديد من محل بودي شوب ، The Body Shop All in One Instablur
ونزلت خبر عنه هنا في المدونه تقرون توشوفونه من هالرابط  هنااااا



1- يتميز بتركيبة فريدة من نوعها تحتوي بودرة حبيبية عاكسة للضوء عن سطح البشرة فتعطيها اشراقة طبيعية كما ان تركيبته تتميز بخصائص في ملء الفراغات بشكل ذكي.
2- يحتوي على فيتامين E لترطيب البشرة وحمايتها من الشوائب وعوامل الجو المؤذية.
3- تركيبته الفريدة تعمل على تصغير المسامات واخفائها بشكل كبير.
4- له تأثير فعال في اخفاء البثور.
5- يوحد لون البشرة ويثبت المكياج لفترة طويلة دون الحاجة الى تعديله من وقت الى اخر خلال النهار،
يستخدم على البشرة بعد وضع الكريم اليومي المعتاد وقبل المكياج من اجل خلق اساس ثابت للمكياج واعطاء مظهرا صحيا للبشرة.

....

رايي فيه بعد التجربه وكذا مره وبكذا مكان 



- شكل العلبه انيق وحلو وملسمها قريب انه يكون مات يعني اسم على مسمى،  اسم العلبه وملمسها .
- ملمس الكريم نفسه ، غير ان اي برايمر جربته ، جل جامد، ثقيل ،لونه شفاف ومطفي .
- مافيه ريحه تذكر ريحته خفيفه جدا جدا جدا وماتشمينها ، يعني مناسب للي مايحب الروايح بالمنتجات .




- يوضع بعد الكريم المرطب الخاص فيك ، وقبل الكريم اساس . 
- التحكم بالدهون رائع " انا بشتري مختلطه " ولاحظت انه مافيه اي لمعان بمنطقه التي زون .
- ثبات المكياج جدا حلو ، البلشر والكنتور واضح وثابت الي اخر اليوم مااحتجت اني اعيد عليهم ،
وثبات الكريم اساس ممتاز . 
- يخفف من المسامات ، مايشيلها بشكل نهائي بس ماتكون واضحه وبارزه .
- كميه قليله من المنتج تكفي ، ماتحتاجين كميه كبيره " ممكن بس على التي زون "
- منتج مناسب لسعره ، لانك بحتاجين كميه قليله منه ، وصالح للاستخدام لمده سنتين . 
- مناسب لاستخدامه مع او بدون المكياج .
- لونه شفاف ويناسب جميل الوان البشره .
- جربته مع كريم اساس ميك اب فور ايفر HD ، الBB كريم من بودي شوب ، وممتاز مع الاثنين . 
- ومناسب للكل مااحس فيه وحده ماتحتاجه . 
- اذا كان عندك مكان فيه جفاف انصحك ترطبين بشرتك قبل زين ، او يفضل انه ماتحطين من البرايمر عليها ،
عشان ماتطلع لك بقع جفاف على البشره . 

رايي فيه 
منتج جدا حلو وماعندي شي يشبهه فاكيييد راح يكون من ضمن مكياجي الدائم 

عتبي الوحيد عليه انه مايخفف المسامات بشكل كبير ، طبعا هذا بالنسبه لي انا ممكن مع غيري يكون ممتاااااز
ومايشتكون من شي .


سعره = ٨٢ درهم اماراتي

وعشان كذا تقييمي له ٤،٥ من ٥ . 

9 comments:

  1. ابغا اشتري برايمر بس محتارة ايش افضل ل بشرتي عشانها مختلطة
    ايش افضل حقت بنفيت ولا بودي شوب ؟

    ReplyDelete
    Replies
    1. هلا يالغاليه ،
      والله انا ماجربت الا هالاثنين ، بودي شوب وبنفت وعن نفسي احبهم هم الاثنين
      واستخدمهم مع بعض

      بينيفت احب استخدمه اني اغطي في المسامات ، اما حقق بودي شوب للوجه كامل ويثبت الميك اب

      لانه ماغطى لي المسامات مثل مااحبها عشان كذا استخدم الاثنين

      اذا ماعندك مسامات جربي منتج بودي شوب جدا حلو
      مثبت ميك اب ويشيل لك اي لمعه بالوجه من التي زون

      Delete
  2. جربته بس ماحسيته ثبت لي الميك اب يعني بعد وقت مو كثير حسيت وجهي تشرب الاساس ابد كأني مو حاطه مره حزنت ماعرف
    انا استخدمت معاه اساس من ريمييل لندن

    ReplyDelete
    Replies
    1. هلا حبيبتي ،
      غريبه انا مناسبني وحلو معاي ، هو اكيد مافيه منتج راح يكون مناسب لللكل
      بس حاولي جربيه بطريقه ثانيه او خففي الكميه اللي تستخدمينها يمكن ينفع

      Delete
  3. هو مفيش منه في مصر ؟؟؟؟؟؟

    ReplyDelete
    Replies
    1. اهلا الاء
      اكيد فيه منه في مصر في اي محل بودي شوب

      Delete
  4. شوفي انا يا اني ما عرفت استخدمه يا انه ما ناسبني لاني يوم حطيته ما كني حطيت شي !

    ReplyDelete
    Replies
    1. اهلا ملك ،
      تحطين منه كمية قليلة جدا ، اذا كثرتي راح يتكتلل
      هو شفاف ماراح يبين يوم تحطينه

      Delete
    2. اهلا ملك ،
      تحطين منه كمية قليلة جدا ، اذا كثرتي راح يتكتلل
      هو شفاف ماراح يبين يوم تحطينه

      Delete