الأحد، 7 سبتمبر 2014

Kerastase Elixir Ultime Beautifying Oil Masque Review -ألكسير أولتيم من كيراستاس


Kerastase Elixir Ultime Beautifying Oil Masque

السلام عليكم 

ريفيو صغير وسريع عن هالماسك من كيراستاس 

من فتره قصيت شعري ورتبته في صالون باتشي اند لوتشي في جميرا في دبي ، احب هالصالون في القص
واثق فيهم ، ودائما اقص عن نانسي لبنانيه وشاطره ، ونصحتني بهذا الماسك خصوصي انه اطراف شعري جافه 
وفروه راسي دهنيه وصحيه ، خصوصي اني ابي اطول شعري وابيه صحي ومايكون جاف ، اخذت بنصيحتها وشريته .





- علبته جميله ذهبيه وحلوه ، فيه غطى اضافي لحمايه الماسك .
- العلبه حلوه ولا تنكسر بسهوله لو طاحت منك .
- الماسك هذا مسوينه انه ماسك فخم فيه زيوت منها الارغان و زيت زهره الكاميليا وزيت حبه الذره .
- الماسك ثقييل وقوامه سميك شوي ، تحتاجين كميه قليله جدا منه مو مثل باقي الماسكات .
-ريحته تهبل عشقت ريحته وقويه تعتبر ، بس بعد ماتغسلينه مااشمها بشعري .
-حجمه ٢٠٠ ملي .
- اذا شعرك جاف فهو خيار ممتااااز لك .
- فيه شمر خفيف بس بعد الغسيل مافيه اي شي على الشعر .
-مناسب لفروه الراس ومايسبب اي تهيج .
- خلى اطراف شعري ناعمه وزبده . 

طريقه الاستخدام : 
١- تغسلين شعرك بالشامبو وبعدها جففيه بالمنشفه عشان تشيلين الرطوبه الزايده من الشعر 
٢- تاخذين كميه قليله من الماسك وتحطينه على الشعر على حسب اذا شعرك جاف لكل شعرك او بس للاطراف .
٣- خلي الماسك على الشعر من ٥ - ١٠ دقائق ويغسل . 


مو متذكره السعر بصراحه بس اسعار كيراستاس  شوي مرتفعه . 
ومنتجات كيراستاس متوفره باي صالون معتمد . 

هناك 4 تعليقات:

  1. تسلمين عالرفيوو
    عيببني احس ابا استخدمه عسب شعري جااف
    بس مافي اماكن ثانيه اقدر احصله ؟؟
    وسلمتي

    ردحذف
    الردود
    1. هلا بالغاليه ،
      منوره ، اذا شعرج جاف جربيه وايد حلو ، هيه تحصلينه باي صالون بس المهم يكون معروف
      حتى في المولات فيه دوم اشوفه بالصالونات اللي في دبي مول فيه كم صالون قريبين من ستار بكس
      حتى حاطين لك المنتجات على الواجهه

      منورتني حبيبتي

      حذف
  2. شكله فخم من جد
    مدري موجوده عندنا منتجاتهم والا لا

    يعطيك العافيه ياجميله

    ردحذف
  3. هلا نوره ، الزين كله ،
    ايه فخم وحبيت لونه

    اتوقع موجود بس شوفي مشغل معروف وتكون عندهم منتجات لوريال وكيراستاس لانهم دايما مع بعض بحكم انهم نفس الشركه

    الله يعافيك يالغاليه

    ردحذف