Thursday, 11 September 2014

Zanedo September 2014


السلام عليكم 

مثل كل شهر توصلني هالعلبه الجميله ، ووصلتني من فتره بصراحه وتوني افضى اني احطها 
هالمره العلبه ريحتها جميله حتى فتحتها ومعاي اختي تقولي فيه شي ريحته حلوه ، نشوف وش فيها ..




مجموعه مختاره من جويل بالتعاون مع ماكس فاكتور ...

علبه ظل بدرجات البنفسجي - مناكير بلون ذهبي وحجمه صغير انا احب هالحجم - قلوس ذهبي شفاف - ماسكارا 

والشي الاجمل في العلبه كلها شور جل من دولشي اند غابانا ريحته جميييييييله وانا كنت شامه العطر قبل وعاجبني

بس عندي مجموعه عطور كبيره وابي اخلص شوي منها بس افكر اني اشتري هالعطر بعد مااخلص كذا شي عندي ...


....

المجموعه هالشهر حلوه ، بس احس صار عندي اكتفاء ذاتي من الماسكرات عندي ٥ جدد ولا فتحتهم بس ماعليه عشان مااشتري شي ، بحكم اني حاليا بفتره ماابي اشتري ولا شي الا اذا خلص تمااااما ... 

...


ونشوفكم على خير يارب 

9 comments:

  1. ماشالله تجنن محتويات العلبه من جد
    تتهني فيهم قريب ان شالله راح اشترك معاهم

    ReplyDelete
  2. ايهم الافضل هذي والا glambox ؟؟

    ReplyDelete
    Replies
    1. هلا نوره ،
      والله الاثنين حلوين ، يعني هذي تقريبا كل اشيائها بالاحجم الاصلي او حجم صغير مش سامبل
      بس اللي اعرفه انه بس للامارات

      اما قلام بوكس ساعات تلاقين منتجات بالحجم الاصلي والاغلب سامبلز
      بس يجيبون اشياء غريبه وماركات ماقد مرت علي

      فعاجبيبني الاثنين
      واتوقع هالشهر اخر شهر لي مع Zanedo
      وودي اجدد الاشتراك ، مع اني قايله مابشتري شي
      فبشوف شلون

      Delete
    2. ايوه فتحت موقعهم فعلا بس للامارات :( غشاشين

      شكلي بجرب قلام بوكس
      مشكوره حنان يعطيك العافيه ^^

      Delete
    3. هلا نوره ،
      جربيهم بس استخدمي كود الخصم يوفر عليك ،

      والله يعافيك حبيبتي

      Delete
    4. طيب اخر سؤال ازعجتك
      الشحن مجاني؟ ويوصلونها للبيت؟

      Delete
    5. هلا بالزين ، لا ازعاج ولا شي انتي تتدلييين وتامرين
      ايه عندنا مجاني ويوصلونها لي لين باب البيت من ارامكس
      مادفعت الا قيمه الاشتراك السنوي وبس

      بس ان شاء الله يكون نفس النظام عندنا وعندكم

      Delete
    6. حبيبتي كلك ذوق يلموني ياختي
      والله كويس ماشالله السعر مره رخيص مقابل الاشياء اللي يرسلونها
      انا ادخل الصيدليه اخذ ثلاث اشياء احاسب بميتين ريال هههههه

      Delete
  3. عزيزتي بسالك اقدر اشترك وانا بالسعوديه؟؟
    واقدر احدد المنتجات مثلا اريد فقط اي منتج للبشره الدهنيه مهما يكون تجميل اوعنايه وشكرا

    ReplyDelete