Thursday, 26 February 2015

Roberto Cavalli Paradiso || عطر روبيرتو كفالي باراديسو

السلام عليكم 

انا انسانة اعشق العطور وبشده ، بس مااعرف ليش هالجانب ماطلعته في المدونة من اول
بس ماعليه كل مره نطلع بشي غير ونجدد المواضيع والافكار 

.. 

عطر اليوم من روبيرتو كفالي Paradiso
يعني الجنة 

دايما عطور روبيرتو كفالي مميزه ، خصوصي اللي فيها عود تميز فيها وبشدده ، وهذا مختلف تماااما .. 
منعش وانيق .. 
مااقصد بكلمه منعش انه على ريحه ليمون او شي من الحمضيات لا لا ، انتعاش جميل يخليك تشمين نفسك
اكثر من مره عشان تحسين بفرح وانتعاش 

- حبيت العلبة انها تدرجات من الذهبي والاصفر الى الازرق ، حسيت اننا بالصيف 
وعلى البحر 




زجاجة العطر جمييييله وفخمه وثقيله بس شي راقي بصراحه والغطا كرستاله وعليها حرفين R و C 

نوتات العطر : 

المندرين - حمضيات - برغموت - ياسمين - صنوبر - غار 

ريحه هالعطر مو من العطور اللي دايما اروح لها ، انا احب الاشياء الهاديه بس شوي ثقيله للصباح ، وللمساء
احب الشي الثقيل القوي الغريب شي بالراااس .. 

هذا من العطور الحلوه الخفيفه وماعندي شي مثله في مجموعتي ، واقتنائه شي جديد علي .. 

فيه ياسمين وانا ابدا مااحبهفي العطور بس بهذا مااعرف ليش عجبني ! 
عطر بارد انيق صباحي صيفي ومنعشششش ...



ثبات العطر حلو تقريبا من ٣ - ٤ ساعات ، حبيت العطر على جسمي اكثر من ريحته على ملابسي 
على الملابس اشم ريحه الياسمين اكثر ، اما علي جسمي غير احلى بوااايد ... 

الحجم اللي معاي سعته ٥٠ ميلي ب ٣٧٥ درهم ، وفيه ٧٥ ميلي ب ٤٦٥ درهم .. 


5 comments:


  1. مااحب الياسمين لكن من وصفك حبيته وحمسني اروح اشمه
    وعلبته فخاااااااامة يكفي شكلها
    يعطيك العافيه ذوقك راقي

    ReplyDelete
  2. فيه فرق بينه وبين الازرق؟

    ReplyDelete
    Replies
    1. هلا همس ، ايه فيه اختلاف
      اعتقد الازرق جديد ، بس ماعندي فكره شنو مكونات الجديد

      Delete
  3. عطر روعه جابه لي زوجي وهو لسى ما نزل فالاسواق جابه من الاسواق الحرة فدبي مرة جنان ادمان اعتقد جابه لي قبل سنتين

    ReplyDelete
    Replies
    1. هلا زوز،منوره

      تتهنين فيه يارب ، وجدا حلووو العطر انا عجبني
      انتي تستاهلين كل خير

      Delete