السلام عليكم
الحمدلله اننا في دبي والامارات بدينا نصير مثل امريكا وبريطانيا ، في شركات العلب ،
اللي يتابع البلوقر او اليوتيوبرز ب لاحظ العدد الكبير جدا من العلب واللي توصل لهم كل شهر
انا مشتركه بعلبه للميك اب ، بس فجاه شفت هالشركه واستانسسسست انه صار عندها بوكس للايف الستايل
لاشياء عامه ، لانه مو الكل يحب الميك اب او اشياء العناية ، يحب الاشياء الثانية ،
وصار عندنا بوكس ثربي Box Therapy
دخلت موقعهم واعجبني انك اول ماتشتركين تحطين كل معلوماتك اسمك وعمرك ووزنك وقياساتك
والاشياء اللي تحبيها او لا ، وعلى اساسها يرسلون لك اشياء تناسبك ..
انواع الاشتراكات :
- شهر = ١٦٢ درهم
- ٣ شهور = ٣٩٦ درهم
- ٦ شهور = ٧٦٢ درهم
- ١٢ شهر = ١٣٩٢ درهم
تختارين الاشتراك اللي حابته و الدفع بالفيزا او عند الاستلام ، انا اخترت ٣ شهور ووصل لي البوكس ودفعت كامل
لمده ٣ شهور ، استلمت شهر وباقي لك شهرين ...
شكل العلبه جميل وكبيره بصراحه وشوي ثقيله ، حبيت كل الرسومات اللي عليها ولونها الجذاب
العلبه هالشهر ثيمها رياضي وحياه صحيه ، وهذا غالبا اللي نشوفه في اي مكان او اي شخص يقول ببدايه السنه بنزل كذا وهذي اهدافي
سوتر رياضي من فكتوريا سيكرت ، صراحه ماتوقعت انهم يجيبون ملابس بس شي حلو ، وصدفه كنت قبلها بكم يوم في فكتوريا سيكرت وشفتها وشفت السعر حوالي ال ٢٥٠ درهم ، فشي حلو انهم يجيبون اشياء ماركه ومرتبه
قسائم لدخول ٤ كلاسات في النادي ، تحمسسسست عليها وان شاء الله بروح لها
دفتر صغير للالغاز وبحث عن الكلمات ، احب هالاشياء ايام المدرسه اذا طلعنا وشفنا اي مكتبه امي كانت تخلينا نشتري
من هالدفاتر اللي فيها الغاز وكلمات وارقام ...
فلم كلاسيكي ،متحمسه اشوفه
عصير او شوت علي كلامهم عصير شمندر ، ومعروف بفوايده الممتازه للجسم ، حلو اني اجربه خصوصي اني حاليا
اشتغل علي نفسي اني انزل من وزني ٥ كليلو ...
برواز جميل من لايف ستايل ، ترى احب البراويز جدا .. فرحت لما شفته
+ اللي حاب يشترك عندي كود خاص يرسل لي ايميل وراح ارسله الكود
بشكل عام حبيت البوكس الفكره جديدة وشي مميز ومنوع يناسب الكل مااتوقع اني يجي شي بالعلبه ومايناسب اي شخص ..
باقي لي شهرين من اشتراكي لشهر فبراير ومارس ، واول ماتوصلني بكتب عنها عشان تشوفون شنو فيها ..
...
ليست هناك تعليقات:
إرسال تعليق