Saturday, 7 February 2015

January Empties 2015 || اشياء خلصتها في شهر يناير



January Empties 2015 || اشياء خلصتها في شهر يناير

السلام عليكم 

موضوعي اليوم عن الاشياء اللي خلصتها في هالشهر ، احب هالنوع من المواضيع
لانها تبين فعلا اذا المنتجات حلوه او لا ... 




نوريني معاهم 


...





من اليمين : 
- ديودرنت بخاخ من شركه فرنسية ، وصل لي من علبة زانيدو ريحته جمييييله جميله جميله عطر فرنسي روعه ، بس ابدا 
ماله علاقه انه ديودرنت ، ريحته تقلب على الجسم .. ماحبييييته ابدا ... 

- سائل الاستحمام من فازلين المرطب الكامل ، هالنوع جميل بصراحه يرطب الجسم بشكل خفيف حلو للي بشرتها عاديه 
وتحب انها تزيد ترطيبها .. ريحته حلوه .. 

- صابون سائل من فازلين بريحه الرمان ، ريحته بروحها شي ، ريحته فواحه وتعطر الحمام معاها ، خلصت من قبل الشور جل والحين خلصت الصابون .. 

- مقشر بالملح بريحه البابايا ، تكلمت عنه في مفضلاتي من قبل ، وحبيييته لانه ينظف من قلب ، برجع اشتريه ، بس بخلص
المقشرات المفتوحه اول وبعدها بجيبه .. بس روعه ...

...



شهر يناير كان شهر الفيتامينات بالنسبه لي .. 

- فيتامين برايورين للشعر اخذته من صيدليه بوتس ، كلمه رائع شويه عليه بكتب عنه موضوع ان شاء الله في سلسله العناية بالشعر ، يستحق التجربه .. يعيبه بس ارتفاع سعره ..

- فيتامين دال ، اه من هالفيتامين واعراض نقصه ، لازم لازم لازم كل وحده تروح تحلل وتشوف شنو ناقصها من فيتامينات
انا حللت تحليل دم شامل و طلع انه ناقص عندي فيتامين دال الى ٢٠ و الطبيعي ٣٠ ، طبعا هذي مو اول مره يكون ناقص عندي بس هالمره اخف بواااايد " اذا حابين بكتب عن نقص فيتامين دال " ... 

- فيتامين Theravim-M ، هو فيتامين كامل او ملتي فيتامين ، عطتني اياه الدكتوره مع فيتامين دال ، لاني كنت اقول لها 
عن شعري اللي يتساقط وابي مكمل مناسب لي خصوصي انه اكلي مو مثل اول مع التقويم ، عادي بس شوي حبته كبيره ف بمابرجع اجيب منه .. 

...



- زيت للجسم بالشيا من بودي شوب ، عشق هالزيت احبه واحب ريحته ويرطب جسمي ، انا اخلطه مع اي كريم للجسم 
كريم او لوشن او زبده ، اخلطه وبعدها ادهن جسمي ، ترطيب عجيب ليوم كامل .. اذا خلصت الزيت اللي عندي برجع اشتريه ...

- محلول للعدسات ، جميل ومناسبني مايسبب لي حساسيه او يحرق عيوني من قوته ... 

- عطر ، تعرفون يوم بالغلط تشترون عطر من القريه العالميه ويطلع معاه ٦٠ الف عطر هديه ، ايوا هذا منهم ، ريحته خفيفه جداااااا ومااشمها الا بعد مااتسبح فيه .. صرت ارشه بالغرفه وعلى الملابس بالكبت .. 

- رموش من دايسو ، اللي كل حبه بروحها هالنوع الوحيد اللي اعرف احطه لنفسي ، اما الباقي فاشله فيهم وبعنف 
مااعرف احط الرموش الكامله ، هذي سريعه وسهله وماتبين كانها رموشي الطبيعيه ، انا احبها عشان تعطيني كثافه فقط ..

...


سامبلززززز 

- كريم لليدين من ديرمالوجيكا ، هذا شي شي شي شي شي ، الكريم اللي يرجع الحياه للايد ، حبيته جدا وتحسفت اني خلصته ، بس عندي كريمات للايدين ابي اخلصهم قبل مااشتريه ، سعره فوق الميه بس يستاهل كل فلسسس ..

- واقي الشمس من Eucerin ، مافيه ريحه قويه و حلو ملمسه على البشره .. 

- عطر من ايرمس رجالي بصراحه ، بس رشيته في الغرفه وخلصته .. 

- عطر للشعر من Herra , جميل جدا ريحته حلوه وهاديه ، حبيته ... 

- مقشر كريمي للجسم من Elemis ، حيلو يعني يعطي ترطيب حلو بس ماحسيت باي تقشير ... 

....


وهذا كل اللي خلصته هالشهر 

...

3 comments:

  1. This comment has been removed by the author.

    ReplyDelete
  2. عجبتني فكرة زيت بودي شوب ع اي لوشن ان شاء الله اجربها عندي الي بالفراوله وماحبيت ريحته ابد
    ومع انه زيت جاف بس يدهن وماكنت عارفه شو اسوي فيه
    مشكوره حبيبتي :)

    ReplyDelete
    Replies
    1. هلا نانسي ،

      جربيه مع اي كريم للجسم وجدا حلو ، يعطي ترطيب قوي ويتغلل الي الجسم اكثر

      العفو حبيبتي ، نورتيني

      Delete