Monday, 9 February 2015

سلة على مكتبي + شويه سواليف


السلام عليكم






سلة دايما متواجده على مكتبي ونشوف وش فيها مع كم لقطه لمكتبي عشقي الابدي

اول شيء دايما وكل صباح اصحى ،على طول للحمام نغسل  وارجع لغرفتي افتح ستارتي اشحن جوالاتي
اوزن نفسي ... بنفس هذا الترتيب ولا احس انه فيه شي غلط ...

انزل اسوي فطوري وارجع لغرفتي ، افتح الابتوب وعلى طول احط اذكار الصباح و بعدها سورة البقرة ب صوت
مشاري العفاسي ، اجمل صوت يقرا القران بالنسبه لي صوته يعطيني هدوء وراحه وسكينه وامان داخلي ونفسي

ارتاح كثير لصوته ، قبل اقول شلون بحفظ هالسورة طويله ، بس مع التكرار اليومي لسماعها بديت احفظها
وصرت ارددها معاه ...

جربوا هالطريقة ،لاني بكل يوم احفظ لي شي بسيط ، وبكل يوم اكتشف معنى اية كنت ارددها بس مااحس بمعناها
اعترف اني مقصره بحق حفظي للقران وقراتي له ، بس بتغير ، وان شاء الله الكل يتغير للافضل ويوصل لكل شي هو حاب
انه يوصل له ويحققه ...

وربي ماينسى عباده ...


خلوا الاذكار دايما في الجوال وانتوا فيه طريقكم للشغل تقرونها بسرعه وبعدها استغفروا لين توصلون دواماتكم
تغيير نفسيتكم وتفتح لكم ابواب من حيث لا تعلمون .....

....



مكتبي .. احبه واعشقه واقدر اقول انه اساس ابداعي ...

المكتب اخذته من ايكيا وكنت ابيه ابيض لانه هاللون مريح ونظيف ويعطي ايحاء انه المكان كبيييير ...

اشياء دائما على مكتبي ، هالمره عندي فازه وفيها بوكيه ورد من جميلتي نهله " بلوقر جميله جدا " يكفي انها بنت خالتي

ماء - كوب " قهوه - شاي - شاي اخضر - كرك " - سلتي الجميله اللي بتكلم عنها بعد شوي - لابتوبي - جوالاتي نوت وبلاك بيري

...

احرص دائما انه يكون عندي ماي على المكتب لاني من النوع اللي ينسى يشرب ، احط على مكتبي غالبا علبتين
واحاول اخلصهم قبل الغدا ، لانه احاول اشرب لتر كامل في الصباح وغير باقي اليوم او مع الوجبات
احاول اوصل لترين باليوم ، بس ان شاء الله اقدر

واذا صار قدامي اشربه بدون وعي وهالشي جميل طبعا ...



الجهه الغير مرئيه  كوب فيه اقلام والرسومات اللي عليه انا رسمتها - علبة ولها غطا بنفس الرسمه رسمتهم في كافيه سيراميك .. مكان يطلع الحس الفني في اي شخص بس انا فاشله للاسف بالرسم " بس مااكسر بخاطر نفسي اروح وارسم " - دفترين واحد فيه افكار للمدونة والثاني اكتب فيه المواضيع كامله اذا كانت لريفيو " يس انا اكتب كل شي على ورق وبعدين على اللاب ...

الشي الوردي من دايسو حامل للصقه ، وفيه علبة ورى حاطه فيها وايرات وحوسه للكاميرا و فوق العلبة برواز و علبه لقلم
و عصفورين ...

طبعا مكتبي بالصوره جدا مرتب ، بس ساعات يكون فيه اعصاااار وهو حاليا اعصار وانا اكتب الموضوع ..
بس ماعليه كل حوسه فيه وراها ابداع جميل

....


اخذت هالادراج من ايكيا بعد وحطيتها تحت المكتب على جنب ، لانه نوع المكتب فيه طاوله اضافيه وهذي الادراج تدخل بالضبط تحت الطاولة الجانبيه ، والادراج شايله بلاوي صراحه ، اشياء المكتب واوراق و٣ ادراج منهم الميك اب

ف يعني شكرا لهذي الادراج تشيل كميه كبيييييره ومريحه صراحه ..

...



سلتي الجميلة والصغيرة ، اخذتها من بودي شوب كانت مع مقشر وزبدة للجسم واستخدمتها
احط فيها الاشياء المهمه لي خصوصي انه اغلب وقتي وانا على المكتب ، نشوف محتوياتها




كريم للايدين من لوكستيان ريحته ليمون منعش خفيف لانه جل مو كريم ثقيل " مااحب كريم ثقيل على ايدي وانا
استخدم اللابتوب والجوال مااحب انه يطبع "

بخاخ ايفيان للوجه ، استخدمه على وجهي عشان الترطيب

كريم للوجه من سوب اند قلوري ، ماحبيته كثير على الوجه ، وصرت استخدمه ليديني لانه فيه حمايه من الشمس
ولانه مكتبي جنب الشباك ف الشمس قويه علي وعلى ايدي ..

كريم للاقدام من لوكستيان ، جميييل جدا احبه وترطيبه حلوو ...


علبة صغيره حاطه فيها كريم للعيون من مراد صورته تحت ، حطيته في هالعلبه عشان استخدمه كل ماشفته
لاني ساعات انسى كريم العيون فخليت واحد جنبي استخدمه كل ماشفته لاني ابي المنطقه تترطب زين ..
والعلبه الاصليه خليها على التسريحه مع باقي الكريماات

مرطب للشفايف من Essentials ,ارسلوه لي عشان اجربه ، ترطيبه وسط وريحته حلوه ، بس عيبه انه مايطلع من العلبه
بسرعه لازن احرك اصبعي وايد ويالله يطلع لي شي .. مو كثير حابته للاسف

زبدة الشيا من شيا ميراج من مفضلاتي بصراحه ، زبدة ناعمه جدا جدا استخدمها على شفايفي جميله جدا وترطب من قلب

اخر شي زيت للاظافر من ايسنس تكلمت عنه من قبل هنا، رائع باختصار


هذا كريم العيون


ادوات احب استخدمها ، الورديه مااعرف اسمها بس اخذ فيها المرطب للشفايف بما انه مايطلع بسرعه
واصلا مااحب اخذ شي ب ايدي لانه يدخل باظافري ...

مقص للكيوتكل ، للجلد الميت اذا شفت اي جلد ميت اقصه بس شي بسيط مااقص كثير واعور نفسي
عشان شكل الاظافر يكون حلو ومرتب ..

واخر شي ملقط ، متعدد الاستخدامات ...

وبس هذا كل اللي على الحب مكتبي ...


2 comments:

  1. حببببببببببيت عليج بالعافيه تنسيقج جممميل
    صار بخاطري اجرب منتجات لوكيستان ماجربت منهم شي المحل عندنا بالكويت ممل صغييير

    ReplyDelete
    Replies
    1. هلا حبيبتي ،
      تسلمين ياعسسل انتي ، جربيهم روعه وماندمت علي شي للحين من اللي جربته
      تحسين اشيائهم ترطب من قلب

      Delete