Tuesday, 23 December 2014

ابدأ نهارك بفطور مدلل ! جبنة كيري بمذاق اللبنة


السلام عليكم 

صباح الخير .. صباح الورد .. 





..

وجبة الفطور اليوميه من اهم واحبب الوجبات على قلبي ، وماعندي مشكله عشاي يكون فطور احب هالاشياء ، بيتنا من عشااق جبنه كيري وشي اساسي في ثلاجتنا ، من يوم كنا صغار واحنا نشتريها دائما وابدا ، وعندنا اختي مستحيل تاكل اي نوع جبن الا كيري ...



من فتره نزلوا نوع جديد و هو جبنه كيري بطعم اللبنة ، ولاني احب اللبنة حبيت اجربها ، تجي بنفس علبة جبنة كيري اللي متعودين عليها بس لون الغلاف اخضر ..



الطعم ...

لذيذه صراحه ، انا حبيت الطعم ، طعمها تقريبا نفس طعم الكيري بس اضافه نكهه لبنة ، نفس القوام والثقل ،
يعني مو مثل اي لبنه عاديه اللي متعودين عليها لا لا ، غير طعم اثقل ومركز ... 

طعمه بروحه لذيذ ، ومع رشه زعتر امممم يم يم .. واحسها بتكون ممتازه في المعجنات والخبز ، لانه قوامها ثقيل
وحلوه انك تفردينها على العجين ...  



فيه طريقه دايما احنا نسويها " عجينه مفروده وبعدها لبنه وزعتر وسماق " بتكون حامضه وحلوه واحس هاللبنه 
ممتازه معاها خصوصي انها مو حامضه او مالحه وايد ... 

وامي اعجبتها ، لانها مافيها ملح زايد عن اللزوم ، ويناسبها لانها عندها ضغط ... 

... 



سعر العلبه اللي فيها ٦ حبات = ٤،٥ درهم 
سعر العلبه اللي فيها ١٢ حبه = ٩ دراهم 

ومتوفره باي سوبرماركت 

4 comments:

  1. احب جبنه كيري بس بالمعجنات
    يبالي اجرب هااي عسب انا بعد احب اللبنه ^^

    ReplyDelete
    Replies
    1. هلا بالغاليه ،
      جربيها وان شاء الله بتعجبك

      Delete
  2. دايما نفطر الصبح بعجينة كيري ومرات مع زعتر وزوجي يحبها شكلي بجرب الي باللبنة ان شاءالله بعد مدحك لها

    ReplyDelete
    Replies
    1. اهلا يسرى،
      نورتيني حبيبتي ، ايه كيري وزعتر يمي يمي ومع كوب شاي ياسلام ، جربي اللبنة واكتبي رايك
      اذا اعجبتك
      وان شاء الله تعجبك يارب وتتهنين فيها انتي وزوجك

      Delete