الخميس، 11 ديسمبر 2014

Granny's Waffles || غرانيز وافل دبي مول



السلام عليكم 

اليوم خميس الونيس ، اعشق يوم الخميس ، كل خميس باذن الله بحط عن مطعم او كوفي زرته ..

هالمره وقع الاختيار على كافيه غرانيز وافل في دبي مول .. انا وحده اعشق الوافل ومايعجبني اي نوع 
احب اللي يكون مقرمش ، ولحد الحين ٣ اماكن في دبي هي اللي تجيبه مثل مااحب ، على حسب اللي زرتهم ..


..


...

غرانيز وافل هو محل متخصص في الوافل البلجيكي مع الككاو 

البلجيكي الخيالي ، ويقدم بعد البان كيك والكريب .. جلساته حلوه

 ومريحه

تطلع علي الشلال في دبي مول ، مكان

 رايق وهادي جدا بعيد عن ازعاج المول  ... 

..

زرته مرتين او ٣ وكل مره تجربتي معاه جميله جدا ، الحلي لذيذ

 لذيذ ، وكميه كبيره وراهيه ، يعني يفضل المشاركه  وكل شي فرش

وتقدرين تروحين تشوفيهم وهم يسوونه قدامك ... 


المنيو كبير ومنوع جزء للوافل ، البان كيك و الكريب تحت كل صنف 

فيه تشكليه كبيره من الخيارات .. 

...


اخترت الوافل البلجيكي مع الدارك تشوكليت ، يعني شيين احبهم 

واجتمعوا في مكان واحد ، لذه لا تقااااوم ، ككاو فاخر مو اي كلام 





الطبق يجي بهذا الشكل وزياده عليه كريما ، انا مااحبها ف اقولهم

 من البدايه يشلونها لانها تخرب علي كل شي ، 

قطعتين وافل ومغرقه بالككاو الدارك ، وبعدها شرايح لوز محمصه 

شوي ، وعلي الجنب ايسكريم ككاو دارك ، هذا بروحه شي ثاني من

 لذته ، الكميه كبيره انا واختي فيه وماخلصناه ، انا وياها مو 

اكلييين حلى بزياده فهذا يعتبر وايد علينا ، بس الناس العاشقه

 للحلى لهم كلام ثاني ... 





لذيذ من الذ ماذقت بصراحه ، يجيب راسي هالشي ، وحلاته تاكلونه

 وانتوا فعلا جوعاااانييييين ، حلو للي جاي لدبي مول عشان

 يتسوق


ياكل هاللذه وبعدها شوبق طويل بدون جووع ... 

اخدته مره معاه موكا ، هي لذيذه بصراحه بس خيار خاطئ 

بصراحه مع هالوافل ، الموكا ثقيله و الوافل ثقيل ... 





...

المره الثانيه اخترت اسبرسبو ماكياتو واختيار ممتااز .. 



...

و زوجه اخوي كانت معانا مره واطلبت الوافل مع النيوتلا والموز " 

لذيذ جدا بس ثقيل " بس عن نفسي افضل الدارك بس بعد لذيذ 





قطعتين وافل مع نيوتلا وموز و بندق او جوز ... لذيذ ... 


...


ومره جربنا البان كيك بس نسيت اصوره ، وااااااو ماتوقعت البان 

كيك لذيذ لهذي الدرجه ، الذ مكان اكلت فيه بان كيك 


طعمه بروحه وساده لذيذ ، شلون مع باقي الاشياء بس جد لذيذ 

جدددا عشاق البان كيك لازم تجربونه .. 

وبعد الكريب كان شكله حلو بس ماجربته ... 



بس بشكل عام المكان والاكل يستحق الزياره ، احب اروح مكان اكله 

لذيذ ويكون هادي ورايق تسولفين وتسمعين زين 

مو يكون ازعاج وتاكلين وانتي معصبه ، مااحب هالشي ...


اتمنى تروحون له وتجربونه .. 



ليست هناك تعليقات:

إرسال تعليق