Saturday, 6 December 2014

November Empties 2014 - اشياء خلصتها في نوفمبر ٢٠١٤

   

November Empties 2014 اشياء خلصتها في نوفمبر ٢٠١٤

السلام عليكم






متابعتكم تعني لي الكثير ..

...


نرجع لهالموضوع الجميل بالنسبه لي ، احب هالمواضيع وابحث عنها ، لانها بالفعل تبين لك فعلا اذا الشخص حب المنتج
ورايه الصريح عنه ، واذا ممكن يرجع يشتريه او لا .. 

هالشهر ركزت اني اخلص الاشياء اللي باقي فيها نص وربع قبل ماافتح شي جديد .. والحمدلله خصلت كميه حلوه 

..


من اليمين : 

- تونك للوجه منHerbline Essentials ، ب ماء الورد والخيار ،
 جميل وخفيف جدا على البشره حبيته بصرحه ، بس سعره

شوي مبالغ فيه حوالي ال ١٠٩ درهم ، ويعتبر خفيف على البشره

 مو شي قويه ويحرق لا ابد خفيف وجميل ..

- غسول للفم من كولجيت ، هالنوع احبه ويمكن ثاني او ثالث مره اشتريه ،

 جدا حلو وممتاز يآدي الواجب وزياده .. 

- الحب ، بايوديرما ، عشق ابدي وشي طبيعي يكون عندي للابد .... 

...


- كريم للشعر من لوريال ، احطه بعد الشاور علي شعري وهالكريم لا يغسل ،

 اكثر منتج شريته في حياتي ، عشق عشق عشق 

مستحيل اتركه ، بس في الفتره الاخيره ماصرت الاقيه كثير ،

 تجي فتره متواجد بكثره وساعات لا ، ماالاقي هالنوع او النوع البرتقالي كامل 

اللي زيت الارغان

.. مااعرف ليه ، بس الللي اعرفه اني اعشق شعري منه .. 

- فيتامين للشعر ، والبشره والاظافر ، مايحتاج اتكلم عنه 

كثير باختصار شي ممتااااز ، وكتبت عنه هنااا 

- امبولات للشعر من بايو سيل لتساقط الشعر ، من زمان 

وانا بكتب عنها وان شاء الله هالاسبوع اكتب عنها ممتاااازه جدا ، الظاهر انها سابع علبه اخلصها ..

...



- عطر سبريه من باث اند بودي ، بريحه مون لايت جميل جدا ، مسك بارد خفيف وحلووو .. احبه 

- عطر للغرفه بريحه البرتقال والعسل من لايف ستايل ، حبيته بالبدايه بس

 بعدين مو كثير ريحته قويه ، بس فرش .. 

...


- شور جل بالصبار من فازلين ، جميل وخفيف ، وصرت استخدمه شور جل وصابون للايدين ... 

- صابون لليدين من فازلين بالصبار بعد ، حبيته صراحه ناعم ويرطب الايد ولا يتركها جافه ...

- ديودرنت من ريكسونا ، اعشق منتجات ركسونا ولا تخذلني ابدا ... 

....


- زيت الجسم بيبي اويل ، احب اخلطه مع اي كريم للجسم عشان يعطيني ترطيب قوي ، 

وخصوصي في هالفتره جسمي بدا يجف وحبيت هالطريقه ..

- كريم مرطب من سيتافيل ، من فتره جسمي ماادري وش كان فيه كانه محسس 

او مااعرف ، نصحتني فيه زوجه اخوي جربته وعشقته ويني عنه من زمااااان 

ترطيب جميل جدا ، جسمي يظل مترطب لفتره حلوه بعده ،

 خصلته وشريت اللوشن منه كتجربه .. 


- كريم دوف للجسم بريحه الفانيلا والشيا ، صراحه ماتوقعت اني راح احبه

 ومااذكر من قبل اني استخدمت اي كريم للجسم من دوف ، بس حبيته 

وممكن ارجع اشتريه ، ترطيب حلو ، وصرت اخلطه مع البيبي اويل او


 زيت الشيا من بودي شوب .. 

- كريم او بلسم للجسم من كرابتري اند ايفلين ، جاني بعلبه زانيدو ،

 ترطيبه حليو ، مو شي واوو ، ماافكر ارجع اشتري ...

...


الميك اب 

هو انا مو دايم اخلص اشياء ميك اب وايد ، بحكم اني مااحط كل يوم .. 

بس فيه اشياء خلصتها وفيه اشياء خلاص ماابيها .. 



- برونز من ايسنس ، جميل وخفيف ينفع لشي يومي ومايبين انك حاطه بروووز ثقيييل ، 

ماخلصته كله طبعا بس خلاص من زمان عندي ..

- ظل للعيون من نكس ، ماحبيت هالنوع ابدا ، افضل اللي يجيون بعلبه كل لون

 بروحه و يكون مربع مو دائره ، اللون ابد ابد مو واضح واحط وااايد يالله عشان يبين 

، وخلاص برميه لانه قديم ، ومايطلع اللون بسرعه ... 

...



- كونسيلر من ايسنس ، فاشل ، ويقلب رمادي ..

- قلوس من كرازا ، صراحه ماادري وش يبي ، ماله داعي ابدا ، وجالس عندي ومااستخدمه وقديم بعد .. 

- قلم الحواجب من ريفلون ، جميل جدا قلم من جهه ، والجهه الثانيه جل ،

 جدا حلو يبين الحاجب طبيعي ومرتب بدون مايين انه الحاجب مرسوم او مرتب

وهذا ثاني قلم اشتريه ...

- ماسكرا من ماركه بايس ، حلوه والله تعطي روموشي طول جميييل وكثافه حلوه ،

 بس اذا زدت شوي بدت تتكل ، وهي من النوع اللي تشوفين انه فيه شي على رموشك 

وهالشي مو كثير حلو بس اذا حطيتها بخفه تطلع جميله .. 

- كريم اساس من بوبي براون ، حلو وطبيعي جدااااا ، يعطي نتيجه حلوه جداااااا 

- ماسكرا من ريفلون ماحبيتها ، وكتبت عنها هنااا 

...



- كلينكس رطب احب استخدمه لكل شي اشيل الميك اب فيه او امسح ايدي بعد الميك اب ... 

- لصقات للانف من Montagne Jeunesse، المغلف هذا فيه ٣ حبات ، وحلوين .. 

- ماسك بالصبار من ذا فيس شوب ، حبيته بصراحه رطب لي بشرتي بشكل حلو ، 

خصوصي انها حاليا جافه مع تغير الجو ..

- قطن دوائر من جونسن ، استخدمه للتونر او اشيل فيه المناكير .. 

...


وبس هذا كل اللي استخدمته في هالشهر ... والوعد شهر ١٢ اذا خلصت شي .. 

...


1 comment:

  1. بيودرما مدري ليه ع كثر المدح اللي قريته عنه الا اني مترددة اشتريه -
    جاني فضول اجرب كريم لوريال.. احب خط العناية بالشعر من لوريال كل تجاربي لحد الأن حلوة من الماركة هذي -
    العطر الازرق من باث اند بودي وركس جداً جداً جممممميل -
    يختتتي ياجمالك، اول مره جربت طريقتك بخلط الدهن عود مع الزيت طلع جمممميل جداً وهالمره اكتشفت طريقة ثانية منننك واكيد بتطلع احلى -
    احب سيتافيل، وبرضو فيه كريم ثاني حلو من ماركة كيو في جداً جممميل هذي ثاني مره اشترية وترطيبة عالي -
    الستيك فاونديشن من بوبي براون عندي ٢ منه، حلو بس اذا ظليت فترة طويلة استخدمه احس بشرتي ماتتقبله ويطلع بنهاية الشهر مو حلو علي وطبعاً هذا حال بشرتي اذا طولت استخدم منتج واحد بالبداية يطلع ولا اجمل منه ولكن بعد ٣ -٤ اسابيع بشرتي تطفش من المنتج عشان كذا لازم انوع كل ٣ اسابيع او اسبوعين عشان ما اظلم المنتجات بسبب بشرتي ..

    تراني ابداً مو قاعدة اشوف المنتج وانزل اكتب وع هالحال لين ما خلصت قراية الموضوع
    ههههههههههه قرقرتي كثيرة بس ماقدرت اقاوم اشوف الموضوع ولا اعلق
    جداً جممميل الموضوع وحلو ماشاء الله عليك

    ReplyDelete