Saturday, 20 December 2014

Review Macadamia Oil Healing Oil Treatment || مراجعه زيت الشعر من ماكاديميا


 Review Macadamia Oil Healing Oil Treatment مراجعه زيت الشعر من ماكاديميا 





السلام عليكم 

كلنا نحب نعتني بشعرنا وندور اجمل الوسائل اللي تعطينا شعر جميل وصحي ، بديت بسلسه العنايه بالشعر 
وحابه اكملها ان شاء الله وكل ماشفت منتج جميل ويستاهل اكيد بكتب عنه طبعا بعد تجربتي له .. 

اليوم عن هالزيت من ماكاديميا  مجموعه عنايه نزلت للسوق وسوت ضجه كبيره ، انا عن نفسي اقتنيت شغلتين ، 
هذا الزيت و الماسك ... وتجربتي حلوه معاهم .. اليوم بتكلم عن الزيت واذا حابين بتكلم عن الماسك في الفتره الجايه .. 

من مميزاته : 

- يستعمل على الشعر النظيف الرطب او الجاف .
- يستخدم علي الشعر بعد السشوار عشان يشيل اي نفشه ، ويعطي لمعه حلوه .
- يعتني باطراف الشعر خصوصي للي تعاني من جفاف شديد .
- ممتاز للي صابغه شعرها وخصوصي لو كان لون فاتح ، هذا راح يعطيها حيويه ولمعه .
- يعطي الشعر الحمايه والترطيب اللي ناقصه .
- ممكن تحطين كم قطره منه مع الماسك حقك ، او ماسك الماكاديميا نفسه يعطي ترطيب اكثر . 



طريقه الاستخدام : 

- احط كميه صغييره جدا منه ، الزيت ثقيل شوي وماتحتاجين كميه كبيره منه ، شوي وعلى شعرك الرطب من الاطراف بس 
واذا شعرك جاف ممكن شوي على شعرك كله بس من تحت الاذن ونازل ، لانه قوامه ثقيل وزيتي شوي ماينفع لفروه الراس .

- واذا كان شعرك ناشف او مسشور ، حطي كم قطره منه وعلى الاطراف عشان يعطي لمعه حلوه .. 

* عن نفسي حبيته جدا ومن مفضلاتي بصراحه وايه برجع اشتريه اذا خلص ..

- سعر هذي العلبه ب ٢٤ درهم ، واشوف انه شي ممتاز العلبه صغيره وحلو اذا بتجربينها .. اذا موعارفه اذا راح تحبينه او لا ، وفيه حجم اكبر بس للاسف ماعندي فكره عن سعره ..

ومكان توفره بكل محلات نزيه .. 

وبس هذا كل شي لليوم .. 
ولاتنسون تتابعوني 
..



" استغفر الله وأتوب إليه " 

4 comments:

  1. ناويه اجرب مجموعة المكاديميا الكلام عنها كثير و يحمس
    الصورة شدتني صراحة جميلة مره و فيها نقاوة ماشاء الله
    البوست جميل :*

    ReplyDelete
    Replies
    1. هلا بالغاليه ،
      جربيها انا جربت منتجين بس ، بس ان شاء الله باقي المنتجات تكون
      ممتازه ..

      تسلمين حبيبتي عيونك الحلوه ، ومنورتني

      Delete
  2. جربت مجموعة الماكديما من زمان كانت حلوه وناسبتني
    بس هذا الزيت لسا ماجربته

    افكر ارجع اشتري الماسك حقهم ويمكن اخذ هالزيت بس علبته مره صغيره :(

    يعطيك العافية حنان
    والتصوير مره راااايق ماشاالله

    ReplyDelete
    Replies
    1. هلا بالزين ،
      انا جربت الزيت والماسك ،وماحربت غيرهم ، بس روعه والله
      الزيت جميل جدا والماسك يخلي شعري طري طري طري

      الزيت له كذا حجم هذا اصغر شي بس حبيت اجربه يمكن مايعجبني او شي
      بس بتلاقين كذا حجم له ..

      الله يعافيك حبيبتي وعيونك الحلوه تشوف كل شي حلو

      Delete