الثلاثاء، 3 ديسمبر 2013

Haul - مشتريات

السلام عليكم 

مشتريات بسيطه وبعضها من فتره فحبيت اجمعهم في بوست 

اول شي من صيدليه بوتس مسوين عروض حاليا 
اشتري واحد وتاخذين الثاني مجانا 




شفت العرض موجود على الشامبو الجاف .. واستغليت هالفرصه .. خصوصي انه شعري دهني 
واحتاج هالشي .. 
اول مره اخذ اللي عليه دانتيل ريحته حلوه ، والثاني اللي فيه لون بني اخذته عشان لون شعري وقد جربته من قبل
وحللو معاي .. 
سعره ب ٣٥ درهم 
..




منظف للفرش من سيفورا بجد روعه ب ٣٨ درهم 

قطرات للعيون رفرش ارتاح عليها كثير خصوصي مع العدسات واحب استخدمها بعد يوم طويل 
اكون لابسه فيه العدسات او بعد يوم اكون حاطه فيه ميك اب للعيون وثقيل .. يريح العيون 
وسعر القطرات ب ١٨ درهم ومتواجده بكل الصيدليات .. 

مناديل مزيله للمكياج جديده واول مره اخذها .. ومكتوب انها للبشره الحساسه 
وهذا اهم شي عندي .. وسعر المناديل تقريبا ٢٢ درهم 

..



معجون للاسنان من كرست للمعان طبيعي على كلامهم  حبيت اجربه 

علبه لتبيض الاسنان ودايم اشوفها في اليوتيوب وتستخدمينها لمده ٥ دقائق فقط 
بجربها واكتب رايي بعد التجربه ،، سعر العلبه ٣٧ درهم 

غسول للفم والاسنان من اورال بي ، من الشركات اللي اثق بمنتجاتهم 
واول مره اخذ هالنوع كل مره اخذ للي لون الغسول اخضر .. والسعر مااذكر صراحه بس ابد مو غالي 

..


هذي كل مشترياتي هالفتره 
ولي عوده بمشترياتي من الميك اب 

...


هناك 6 تعليقات:

  1. ♥جميلة مشترياتك
    ♥تتهني فيهم يارب

    ردحذف
  2. عندك فكرة إذا علبه التبييض موجوده في بوتس السعوديه ؟

    ردحذف
  3. هلا ساره
    بصراحه مااعرف اذا موجود عندكم بس انا شفته عندنا في بوتس فممكن تلاقينه ، او في صيدليه وايتس عندكم بالسعوديه انا سامعه انها تجيب اشياء جديده ومن بره

    ردحذف
  4. اول شي احب اخبرج ترا تصويرج حلو ماشاء الله
    .
    .
    ودي اجرب قطرات العين لان بعض الاوقات احس عيني جافه
    وغالبا يوم اكون لابسه عدسات
    اورال بي صج حلوةه اغراضهم وكريست احلى معجون للتبييض

    سلمتي ونتريا الزود ^^

    ردحذف
  5. هلا بالغاليه
    فديتج والله وعيونك الحلوه ، وبعدني اتعلم التصوير وابغي استوي احسن فيه ،

    القطرات جربيهم ومول مابتدمين روعه ومريحه للعين بشكل ماتتخلينه جربيه

    وصدقتي اورال بي وكرست روعه

    ان شاء كل جديد يعيبج اكثر

    ردحذف