Wednesday, 31 December 2014

زيارتي لمحل Happy Socks




السلام عليكم ..

اليوم باخذكم بجولة لمحل Happy Socks ، الموجود في ميركاتو في دبي ....
المحل من السويد وتتم التصاميم فيه ، والانتاج من تركيا ...
محل مختص بالجوارب لكل من الرجال والنساء والاطفال ، وبعد عندهم جزء خاص بالملابس الداخلية
الرجالية والنسائية ، وعندهم تشكليه جميله من الاكسسوارات ..

نبدا الجوله الجميلة ..


هذي واجهه المحل او الكشك ، متواجد مثل ماذكرت في ميركاتو في الطابق الاول قريب من المطاعم ..


هنا ركن الاطفال .. وصراحه المحل يتميز بالتصاميم الغريبه والالوان اللي تجذب وهاذا ثيم المحل كله ..
جوارب الاطفال تجي ٢ في العلبه ، اما الكبار لا بس ١ ..


وهذي علبه جاهزه حلوه تكون هديه ، اصلا حتى علبهم جميله جدا ، هذي العلب تكون من اختيارهم وماتقدرين تغييرنها .
وفيه علب تكون من اختيارك


هذي العلبه انتي تختارين انواع الجوارب واشكالها ...


المحل كله فتره يتعاون من ناس مشهورين ، وهالمره تعاونوا مع فريق من فرنسا  Paris Saint-Germain ، وصمموا الجوارب
مع العلبة المميزه ..



جزء من الاكسسوارات اللي يقدمونها " اكواب - اغلفه جوال - دفتر - بوك - اقلام خشبيه - شنطه للابتوب "



جزء من الملابس الداخليه الرجاليه ..


اشكال وانواع والوان جميييله جدا ...





هذي مميزه زي ماتشوفون ، المميز فيها انها تنور بالظلام ، حبيتها جداااا


وعندهم جوارب قصيره شوي وهالنوع جميل بعد ...


وهنا بعد تعاونهم مع سنوب دوق ، صمم لهم ٣ تصاميم ..

...

وفي الاخير اشكرهم قدموا لي هديه جميله ، واخترت ٤ .. ٢ لي و٢ لعيال اخواني 




هذي للاطفال ومثل ماقلت تجي ٢ مع بعض ، وكل وحده مختلفة عن الثانية .. 




موقعهم : www.happysocks.com/gl
موقعهم على الفيس بوك :www.facebook.com/happysocksme
الانستقرام :instagram.com/happysocksme

وقريبا راح يطلقون موقعهم الخاص بالامارات و تقدرين تشترين منه مع التوصيل ... 

No comments:

Post a Comment