The Brownie Box
مساء الخير
لكل عشاق البراوني ، لقيت لكم مكان جميل جدا جدا ، لذيذ جدا جدا
الذ براوني ذقته في حياااااتي !!!!
يستحق التجربة
محل جديد في دبي الجميلة ، محل مختص بالبراوني وهالشي ماشفناه من قبل عندنا ، وحبيته بصراحه
المحل صغير وحلو ، فيه طاوله وحده داخل المحل ، وفيه جلسات خارجية تقريبا ٤ او ٥ طاولات ..
+ الجلسة رايقة بصراحة
..
داخل المحل صراحة ماقدرت اصور وايد لانه كانت فيه عائلة داخل ومااحب ازعجهم بالتصوير اخذت صوره للاشياء المتوفره عندهم ..
انواع وايييييد من البراوني ، وبصراحة التشكيلة راح ترضي الكل .. انواع حلوه وتحتارين بصراحة وقت الاختيار ..
والمحل يقدم اشياء ثانية غير البراوني ، كيك وكوكيز ، والقهوه والشاي ..
..
طريقة التقديم روعه ، تشكلية مصغره من الانواع اللي عندهم ، مع ايس كريم ، وصوص تشوكليت ... يمممممم
صراحه كل ماذقت نوع عجبني اكثر ، بس اكثر شي حبيته من اللي ذقته الككاو و الككاو الفدج .. الباقي حلوين بس انا عن نفسي افضل الككاو ...
عندهم " ككاو بالنعناع - بالقهوه - ب زبدة الفول السوداني - رايس كرسبي - بالتوت - مارشميلو - بالككاو الغامق - بالبسكوت المالح - بجوز الهند وغيرها من الانواع الثانيه "
خدمتهم حلوه وسريعة ، صاحبة المحل " جيهان " متواجدة هناك دايما .. روحها حلوه وطيبة الانسانة
الله يوفقهم يارب ويرزقهم .. فعلا مكان جميل وفكرته جديده ، عن نفسي حبيته جدا ..
وانصح فيه ..
الفيس بوك : thebrowniebox.ae
الانستقرام : thebrowniebox.ae
مكان المحل في المشروع الجديد بوكس بارك في دبي
شارع الوصل
هذا رقم المحل :971434347781
ماشاء الله شكلها مرا يشهي
ردحذفحبيت طريقة التقديم والنكهات المتوفرة ..
فيه بنات كثار مبدعات أتمنى أششوفهم مستقبلاً ولككل وحدة محلها الخاص ..
بالعافيه ي جميلة
ماشاء الله الطعم رائع ،جد لذيذ ، ايه حتى التقديم جديد وحلو
حذفوصادقه بكلامك فيه بنات عندهم افكار ومشاريع حلوه واتنمى انهم يفتحون لهم مكانهم الخاص
الله يوفقكم يارب
يعافي قلبك ياجميلتي