Monday, 22 June 2015

Liali Jewellery | مجوهرات الليالي


Liali Jewellery    مجوهرات الليالي 



الذهب والالماس ، عشق كل انثى ..
من فينا ماتحبهم ، او بالاصح تعشقهم ، انا وحدة احب الذهب والبسة باغلب المناسبات 
واحب اشتري القطع الكلاسيكية واللي تعمر معاي ولا تتغير موضتها بسرعة .. 

محل ليالي للمجوهرات ، عندهم ماركات متنوعة ، وعندهم قطع مميزة وتنلبس بأكثر من طريقة 
وهالشيء جدا حبيته ، لانك تشترين قطعة وتستفيدين منها 

باخذكم بجولة بالمحل وصورت القطع اللي اعجبتني شخصيا 



خاتم الماس  و ينفع دبلة ، ممكن تلبسين كل قطع بروحها اول تركبينهم على بعض ويصير خاتم واحد ، بكل الاحوال مميييز 
وفخم جدا على الايد ، صراحة تصويري ظالم الالماس ، لانه صعب تصوير الالماس مع اضاءه المحل .. بس بالطبيعة شي ماشاء الله .. 



وفيه حجمين من نفس الشكل ، الخاتم الواحد ب ٩٠٠٠ درهم .. و الحجم الاصغر ب ٨٠٠٠ درهم .. 


وهذا خاتم ثاني ، بنفس الفكرة انك تضيفين له قطعة ثانية ، والحلو انك تختارين لونها على مزاجك ، بالصورة اللي فوق شكل الخاتم مع الخاتم الاضافة الذهبي .. 

...
نكمل مع الخواتم المميزة ، الخواتم اللي راح تشوفونهم عبارة عن خاتمين في واحد ، بس ابدا مايبين انهم اثنين من الاساس
انا لما شفتهم صراحة تفاجآت 

بس مميزيييين جدا جدا ، حبيتهم بصراحة 





نسيت اسعارهم ب صراحة ، بس ادخلوا مزاجي ..

..


...


هالخاتمين اخذوا قلبي ، حجر كريم مع الماس وذهب اصفر ، وفيه بالذهب الابيض واحجار بالوان ثانية 
الازرق والبنفسجي ، وجدا حلوين مع بعض .. قطع حلوه 

..

و ندخل بالشرقي 


عرضت هالصورة على الانستقرام ، ولاقت على اعجاب الكثير منكم ، بس هالاساور جدا جدا حلوه ناعمه وانيقة 
ومناسبة لرمضان والعيد مع الدراعة .. احب هالستايل ..


عندهم هالثلاث وكل وحده بشكل ، وشي ناعم بزيادة وشي فيه الماس اكثر ، بس حلوين على الايد ، جدا حبيتهم ..

وهذي بعد حلوه ، وتنلبس في اي وقت ، هذي كانت روز قولد 

..


وصلنا للاساور الجميلة واللي شخصيا حبيتها وعملية ممكن تنلبس يووميا وممكن للمناسبات ، حلوه مع الساعة ، ناعمة وانيقة جدا ، هالاساور ايطالية وهم يتعاونون مع فنان ايطالي يسوي الاساور يدويا ، واذا تلاحظون شكلها سهل بالصنع 
بس اشرحت لي الطريقة الصنع وشي صعب بصراحة ، ياخذ الذهب ويحولة الى شرايط ضغيفة ويبدا يلف ، الى ان يشكل اسواره ، بس صراحة شي انيق ومرتب .. 

وهذا شكله مع الساعة جدا حبيته ، ناعم ومميز 

..

ونوصل للعشق ، الالماس الاسود ، مين مايحبه ، اناقة وجمال ، شي فخم ماشاء الله .. 
حبيت التصميم ، مدخلين الالماس الابيض والاسود ، مع الذهب الابيض ، شي ماشاء الله 
جدا فخم وحلو على الايد 



فيه الخاتم والاسوارة ، بنفس الشكل ، روعه والله 

الخاتم .. شي شي شي ، صراحه انييييق باللبس ، وقطعه تنلبس بروحها مع شي بسيط لانها تكفي .. 
سعر هالخاتم حوالي ال ٢٠،٠٠٠ الف درهم ،فيه بعد طقم كامل منه تحت بالصورة 



وفيه بعد حلق وسلسلة و اساور بنفس الشكل ، وكلهم جميلين بصراحة 

...
هالقطعة المميزة جدا جدا ، اسوارة الماس ، فيها حجر كريم ، تقدرين تغييرينة حسب لبسك 



الزمرد


او الياقوت 

فكرت الاسوارة جدا حلوه ، احب هالافكار الحلوه عملية وتناسب اكثر من لبس 

..



هذي مجموعة الاحجار الكريمة ... 

..


هالطقم عجبني ، انيق وينفع ينلبس مع اي شي ، دراعة او فساتين ، 

وهذا الحلق و الخاتم 

..


خواتم الماس ، تآسر القلب 

...

عندهم مجموعة اللؤلؤ مع الذهب البحريني ، معرف انه الذهب البحريني لمعتة رائعة وغير عن الباقي 
هالمجموعة مميزة جدا ، واشكالها حلوووه فيه اطقم ناعمة وفيه هالشي العجيب 

لحالها حكاية 





...

نوصل لاكثر شي عذب قلبي ، اسوارة وخاتم مع بعض 
شي شي شي شي شي ، صراحة من احلى الاشياء اللي شفتها وادخلت قلبي 
قطعة غريبة ومميزة ، وصايرة تنتشر هالايام ، بس تستاهل لانها حلووووه 




 وبلبس صراحة شي انيق وغريب وملفت ، وانا احب هالاشياء .. 

..



وهذا ثاني بشكل انعم ، وكلهم حلوين ، صراحة القطع حلوه وناعمه وتحلي الايد 

...

وهالمجموعة اللي بتشوفوتها بالصور اللي تحت ناعمة وحلوه تنفع لهدايا 

سلاسل متنوعة بين الناعمة واللي شوي اكبر ، واسعارها من ال ٤٥٠ درهم الى ١٥،٠٠٠ الف درهم 

ذهب اصفر مع زيركون ، واللي يعرف الزيركون يعرف انه لمعته مشابهه للالماس 



..

المحل مميز ، يستاهل انه الواحد يقتني من عنده قطع حلوه ومميزة 

ولهم فروع وايد في الامارات 


الانستقرام : https://instagram.com/liali_jewellery

2 comments:

  1. ماشاء الله حبيت تشكيلة الخواتم
    يعطيكِ الف عافية
    ❤❤❤

    ReplyDelete
    Replies
    1. هلا بالزين ،

      ايه عندهم قطع مميزة و احترت وقتها شنو اصور من كثر جمالهم ماشاء الله

      Delete