Daisy Marc Jacobs Sorbet
مساء الورد ، مساء الروائح الجميلة اللي تغير نفسيتنا ..
نرجع اليوم ونتكلم بشكل بسيط عن عطر صيفي جديد .. عطر مارك جيكوب سوربيه
عطور مارك جيكوب اولا تتميز ب تصميم العلب المميزه ،واشتهر بتصميم الورد على العب ومن بعيد تعرفين انه هالعطر من عطور مارك جيكوب ..
صار لي فترة وهو ينتج عطور ولها محبينها ، انا عن نفسي ماعندي الا هالعطر اليتيم منه ، ف مااقدر احكم على باقي عطوره ..
وبعد فتره راح ينزل له عطر جديد و تصميمه حلو بالابيض والاسود ..
نرجع لعطرنا الجميل .. هالعطر نزل بمجموعة الصيف ، مع عطر ثاني اسمه Eau so Fresh ..
و هالمجموعة نازلة باصدار محدود ..
نوتات العطر :
العليا : جريب فروت - كمثرى - باشن فروت
الوسطى : ياسمين وزنبق
القاعدة : خشب - حشب الارز - المسك
بنلاحظ انه عطر يجمع بين الفاكهة و الورد ، المسك بتحسين فيه بالاخير اذا ثبت وبرد
+ مناسب للربيع والصيف ، صباحي بحت بالنسبة لي ..
+ فررررش ، يعطيك احساس بالانتعاش والفرح وودك تسوين شي حلو ...
+ ثباته خفيف الى متوسط ، ساعتين الى ٣ ساعات ويحتاج تعيدين رشة بعد فتره ..
+المزيج بين ريحة الفاكهه والورد حلوه معتدله مافيه شي يطغى على الثاني .. حبيت هالشي خصوصي اني
مااحب ريحه الورد بزياده ولا ريحة الفاكهة بزياده ، ف هذا كان وسط ، ومع شوية المسك خلاه شي راكز ..
+ اول ماترشينة بتشمين ريحة الياسمين بشكل قوي بس ثواني وتختفي ..
سعر العطر بحجم ال ٥٠ مل = ٣١٠ درهم .. وهو نازل بس بهالحجم ..
ليست هناك تعليقات:
إرسال تعليق