الجمعة، 19 يونيو 2015

عطر لاليك | Lalique


عطر لاليك | Lalique



السلام عليكم 


مسائكم معطر بروائح محببة الى قلوبكم 


عطر اليوم وبكل صراحة من العطور المحببة لقلبي ، واللي اتحسف اني اخلصه ، من جمالة 

ومااشوف وايد يتكلمون عنه او يمتلكونه ، فحبيت اكتب عنه بشكل بسيط 

العطر نزل في ٢٠٠٥ تقريبا وهو عطر شرقي 


...

عطر فخم بمعنى الكلمة ، ومو اي احد يتقبلة لاني سبايسي ، لانه المكون الاول فيه هو الفلفل الاحمر 

بس عطر راقي لابعد الحدود ، ومن النادر تشمينه حواليك ، الا اللي يحب هالنوعية من العطور 

..


نوتات العطر :

العليا : الفلفل الاحمر - برغموت
الوسطى :  اللوز - الياسمين 
القاعدة : الصندل - الباتشولي - التونكا " وهي رائحة الفانيلا " 

خلطة غريبة بس رائعة جدا .. 

مميزاته :

- فخم 
- مايناسب البنات الصغار ابدا 
-مسائي وممتاز للمناسبات 
- ثباته عالي 
- مناسب للعيد و رمضان 
- رشي شوي منه على شعرك ، راح يظل الشعر محتفظ بالريحة يوم كامل .
.. 

العطر يعطيك احساس بالاثنوثة ، لانه غريب ومميز 




..

الشي الوحيد اللي احبه ومااحبه فيه ، هو علبته ، الزجاج وطريقة صناعته احترافيه ، 
بس ثقيل و مايدخل في اي شنطة سهره ، ف يعني ، 
مع انه لاليك مشهورين بصناعة الزجاج و بدوا بالاساس يصنعون الزجاج الخاص بالعطور 
بعدها بدوا بصناعة العطور ، لهم محل في دبي مول ممكن تشوفون الاشياء الجميلة اللي يصنعونها من الزجاج
قطع فنية جميلة 

بعض زجاج العطور القديم اللي كان صانعة رينية لاليك يوصل سعرها الى ٣٠،٠٠٠ الف باوند في المزادات


..

الحجم اللي عندي ١٠٠ مل 
وفيه ٥٠ مل 
السعر صراحة مااذكر كم اول مانزل حوالي ال ٥٠٠ درهم ، بس الحين كانه ب ٢٠٠ درهم او اقل .

ليست هناك تعليقات:

إرسال تعليق