السلام عليكم
3in1 Micellar Cleansing Water \\ ماء تنظيف ميسلر ٣ في ١
تقريبا كل شركه قامت تنزل هالنوع من مزيل المكياج ، وانا وحده احب اجرب ، ممكن الاقي شي افضل او ارخص
بنفس المفعول ، المنتج الجميل وصل لي من علبة قلام البوكس اللي مشركه فيها لمده سنة .. وهنا الموضوع
+ لجميع انواع البشرة .
+ سعره ب ٢٣ درهم اماراتي .
+٢٠٠ ميلي .
+ يتوفر باي مكان يوفر منتجات نيفيا .
+ العلبة جميلة وشفافه وتبين لك كم باقي من المنظف .
+ خالي من البارابين والعطور .
+ مافيه ريحه قويه بس تشمينها بالعلبه نفسها ، اما عند الاستخدام ابدا .
+ يشيل مكياج العيون بشكل حلو خصوصي الماسكرا .
+ جربته في اثقل ميك اب ، كنت رايحه لعرس او زواج ، والميك اب ثقيل وشي ضد الماي والروج المات والثابت
ابهرني بصراحه ، شال كحل ميك اب فور ايفر ضد الماي ، وروج سيفورا لب ستين ، بشكل حلو .
+ طريقتي فيه احطه على القطنه واحطه على عيني لمده ١٠ او ١٥ ثانيه يتغلغل ويفكك الكحل و الماسكرا بدون ماافرك عيني
خصوصي انه منطقه العين حساسه ورقيقه ، وانا اصلا عيني حساسه ، وهالمنتج ابد ماسبب لي اي حساسيه .
+ المنتج مافيه اي طعم ، ادري بتستغربون بس يوم امسح الروج لازم كذا لحسه للشفايف ، مافيه اي طعم غريب ،
بعكس بايودرما .
+ يترك البشرة حلوه ومترطبة بعد ماتزيلين كل المكياج ، ومايترك اثر زيتي او شي لا لا ابدا ..
بشكل عام ايه حبيته وماعندي مشكله ارجع اشتريه ، سعره حلو وكميته حلوه ..
- اذا بتسافرين وبتاخذين معاك العلبه افضل تحطين لصقه علي العلبه عشان ماتنفتح ، لانه احس ممكن انها تنفتح
اذا كانت شنطه الميك اب او شنطه الكريمات مليانه ..
وهذا رايي فيه بكل صراحه
ونشوفكم في مواضيع جميلة ، ولا تنسوا الاشتراك بالمدونة ، اشتراكم يدعمني ..
كنت أتمنى أجربه لكن منتجات نيفيا غير متوفرة كلها في مصر للأسف.. فقط عدد قليل من المنتجات القديمة :\
ردحذفهلا مسلمه ، منورتني
حذفخساره ، نيفيا عندها منتجات حلوه وماشاء الله مصر دوله كبيره وسوق المستهلك كبير
وشركه نفس نيفيا لازم تتواجد وبقوه بعد
نقول ان شاء الله قريب تتوفر كل منتجاتها
شكلو يحمس ، موفقه
ردحذفهلا فاطمه ، نورتيني
حذفجدا انا عن نفسي حبيته