الخميس، 1 يناير 2015

December Glambox 2014 || علبة شهر ديسمبر من قلام بوكس



السلام عليكم 

عوده للبوكس الجميل والهديه الشهريه لنفسي ، احب ادلع نفسي ، واذا احد يعرف عن اي خدمه
تقدم مثل هالعلب انا مستعده اجربها بس تكون في دبي بليز ... 

هالشهر علبتي خاست في ارامكس ، ويوم اتصلت وبكل برود يردون علي هي ماوصلت لك اصلا ! 
عيل ليش دقيت مثلا ! 




 هالمره العلبه مافيها اي خصم او اي اعلانات ، وتوقعاتي لشهر يناير بخصومات اكثر .. 


هالشهر يعني .. 

- مزيل الميك اب من نيفيا ، شي جديد بالسوق ، وبكتب عنه ريفيو بس اجربه زين ... سعره ٢٢ درهم - بس في سبينس ب ٢٣ درهم ... 

- Toppik .. الياف تغطي اماكن الفراغات بالشعر ، من زماااان ودي اجرب هالشي ، والحجم حلو ...

- مرطب الشفايف من لابيلو بنكهه الفانيلا والماكاديما ، كان عندي من قبل وترطيبه حلو ، ب ٩ ونص درهم ..

- ماسك من دكتور جي  صراحه متحمسه اجربه ، سعر هالماسك وهو لاستخدام واحد ب ١٠٠ درهم 

- اخر شي عينات من  dermale وكلها خاصه بالترطيب ، كريم ليلي - كريم للعيون و غسول .. بجربها 

هالمره كلها اشياء جديده علي ماعادا المرطب ، بس شي حلو بصراحه نجرب اشياء جديده وممكن نحبها بالمستقبل 

...




اذا حابه تشتركين بهالعلبه الجميله من هنا سجلي واختاري المده اللي تبين تسجلين فيها ٣ او ٦ شهور او لمده سنه 

من هنااااااااا

..


عندي كود خصم  ٢٠٪ هديه مني لكم 


TWu93raj6T
...

هناك 6 تعليقات:

  1. يعطيج العافيه ع الطرررح
    شوقتيني و رحت سجلت بالموقع

    بس عندي سؤال : الدفع يكون يوم بستلم البوكس ( عند الاستلام ) وو الا ادفع عن طريقه الفيزا
    ؟؟؟

    وسلمتي فديتج

    ردحذف
    الردود
    1. الله يعافيج حبيبتي
      هيه يصير الدفع عند الاستلام ، ويصير بالفيزا ، بس انا اخترت الدفع عند الاستلام ، وقبل مايوصل البوكس يتصلون
      يتاكدون من مكان البيت
      وبعدها يجيبون البوكس وتدفعين لهم كاش المبلغ كامل ، وبعدين كل شهر بس يوصلون لك البوكس بدون ماتدفعين ولا شي زياده

      حذف
    2. شي حلوو ^^
      ان شاء الله باقرب وقت بشترك
      يعطيج الف الف عافيه

      حذف
  2. الردود
    1. اهلا ريم ،
      تسلمين حبيبتي اي شي اجربه واحس انه يستاهل اكيد بكتب عنه
      منورتني

      حذف