Saturday, 12 July 2014

Nutridiet نظام غذائي قليل السعرات الحرارية



السلام عليكم


Nutridiet  نظام غذائي قليل السعرات الحرارية




تقريبا من حوالي الشهر والنص بديت في حميه او رجيم جديد، Nutridiet .


Nutridiet هو استبدال الطعام بهذا المنتج وهو وجبة عالية بروتين الصويا، ويحتوي على جميع العناصر الغذائية التي يحتاجها جسمك ولكنه منخفض جدا في محتواها من السعرات الحرارية لها - فقط حوالي 110 سعرة حرارية لكل وجبة. عن طريق استبدال كل أو بعض وجبات الطعام الخاصة بك مع Nutridiet، يمكنك خفض وزنك بأمان وسهولة. تكوين Nutridiet يقلل من الرغبة الشديدة الخاص الجوع ويضمن أن يتم الاحتفاظ كتلة العضلات أثناء فقدان الوزن الخاص بك. وطعمها كبيرة جدا!

عندهم ٣ برامج سهله لتخفيض الوزن 

١- تخفيض سريع الوزن ، استبدال كافة الوجبات الغذائية .
٢- تخفيض معتدل للوزن ، استبدال وجبتين من الوجبات الغذائية .
٣- محافظة على الوزن ، استبدال وجبة غذائية واحده . 


تجربتي معاه ...

بالبدايه تحمست بصراحه خصوصي انه شي زين وماشفت احد كاتب عنه انه ضره وسبب له مشاكل ، تواصلت معاهم وماشاء الله ماقصرو معاي ، استلمت العلب فيه علبه كبيره



وبداخلها ٣ علب بنكهات " الشوكولاته - فواكه الغابات - الفراوله " ، مرفق معاهم الكوب الخاص و ورقه فيها تعليمات عن النظام كامل .

كل علبه فيها ١٥ مغلف ، كل مغلف عن وجبه او سناك مثل ماتحبين طبعا



طريقه الاستخدام نفرغ مغلف واحد داخل الكوب و نعبيه ماي باااارد جدا جدا و نرج العلبه لين مانشوف انه البودره ذابت في الماي ، ونشربه على طول . " ماينفع نخليه لوقت طويل " .



انا فكرتي من البدايه ابي انزل وزني لكن بشكل بطيء مااحب فكره النزول السريع بالوزن ، بطيء عشان احافظ عليه واستمر ، فبديت ادخل هالشراب على نظام اكلي لكن ك سناك ، اول اسبوع مره في اليوم وغالبا اخليها بالليل لاني اتعشى على ٩ تقريبا وعلى ال ١١ ونص اجوع فاخذت لي هالسناك .

ثاني وثالث اسبوع نفس الشي مره باليوم وساعات احاول مرتين ، رابع وخامس اسبوع بصراحه اهملته شوي ، سافرت ورديت يعني شوي صارت حوسه ، بس كنت احاول اشربه ٣ مرات بالاسبوع .

يعني في البدايه التزمت شوي وبعدها بدا التخبيص ، بس ماعليه انا راضيه لاني اني نزول بطيء لوزني .



المنتج نفسه كلها فيتامينات ومعادن واللي يحتاجها الجسم يومياا وهالشي ممتاز
المغلف الواحد فيه ١١٢ كالوري ، وممتاز كسناك او كوجبه ، لانه مشبع .

+ الطعم .... انا وحده اصلا مااحب المشروبات البارده ، يعني ملك شيك و انواع القهوه البارده مااقدر استسيغ طعمها ،
وهالشراب ، تقريبا اقدر اقول عنه ملك شيك ، واعاني جدا اذا شربته ، احاول ماافكر وانا اشربه ، حبيت طعم الككاو اكثر وهون شي بالنسبه لي ، ولاني كنت اضيف له شوي قهوه سريعه التحضير فيعني ترقع الموضوع بالنسبه لي ، بس شي صعب لي لاني مااحب شي وصرت اشربه . (( بس فعلا اكرره هالمشروبات البارده باي شكل وباي نوع ومن اي كوفي او محل )))  ...

+ ينصح بشرب كميات كبيره من الماي يوميا وهذا الشي كاتبينه ومأكدين عليه .



وزني وكمت نزلت عليه .. هو مثله مثل اي رجيم لازم معاه رياضه وتخفيف بالاكل
وزني اول مابديت كان     ٧٠،٣ كيلو
وبعدها وصل الى            ٦٨،٤ كيلو

اول شي الحمدلله رب العالمين ، لاني افتكيت من عقده ال ٧٠ كيلو هذي و اني نزلت هالوزن وانا بصحه وعافيه
وثانيا نزلت ١.٩ كيلو ، قريب ال ٢ كيلو بس شي ممتااااز في هالفتره وهالتخبيص اللي كان صاير وغير اني ماكنت احب الطعم اللي اشربه .

هل انصح فيه ؟ ايه
بس اللي يحب المشروبات البارده وماعنده عقد بتذوق الطعم مثلي .
هل فادني المنتج ؟ ايه
نزلت عليه ١.٩ كيلو

هل ممكن اعيد هالتجربه ؟
بصراحه لا ، صح انه النتيجه حلوه بس مااقدر على الطعم لانه مشروب باااارد .



الموقع فيه كل شي ، ومنه تقدرون تطلبون المنتج ، وفيه توصيل للامارات كلها والتوصيل مجاني للامارات والدفع عند الاستلام، وفيه توصيل لدول الخليج .
والمنتج متوفر في اغلب الصيدليات المشهوره في الامارات وهذي الامكان كلها موضحه هنااااااا



اللي حاب يعرف اي شي او عنده سؤال انا تحت امركم ... 

8 comments:

  1. طيب انا مافهمت فكرته كويس

    يعني استبدل وحده من الوجبات بهذا المشروب والا اخذه كا سناك

    حبيت الفكره حقته افكر جديا اطلبه

    يعطيك العافيه حبيبتي

    ReplyDelete
    Replies
    1. هلا حبيبتي نورا ،
      هو يعتبر وجبه ويعتبر سناك ، على حسب انتي وش تحبين

      لانه فيه ٣ انواع من نزول الوزن
      فيه النزول السريع للوزن - وفيه نزول بطيء - وفيه المحافظه على الوزن اللي وصلتي له او اذا حابه تخففين

      انا اخترت الوسط البطيء
      وهو اني اخذ هالمشروب كسناك واكلي يكون صحي ٣ وجبات باليوم
      مع الرياضه اليوميه ب هدف اني اننزل وزني بس بشكل بطيء عشان ماارجعه
      والحمدلله نزل وزني

      ..

      اذا انتي حابه نزول سريع تقدرين تستبدلين الوجبه بالمشروب
      او ممكن الفطور تشربين هالمشروب
      والغدا اكلك الصحي وبعدها سناك مشروب وعشا اكل صحي وبعدها سناك مشروب

      كذا بعد بتحققين شي جميل افضل مني ،

      هو فكرته جدا حلو وخفيفه وعمليه جدا ماتحتاج تعب وطبخ وحوسه
      وتوصلك لهدفك ، بس بالبدايه اشربي مره باليوم وبعدها تدرجي فيه مثل ماتحبين ، لانه مثل الرجيم اذا خففتي اكلك
      وكذا اول ٣ ايام تتعبين دوخه وحوسه بس اذا بالتتدريج ماتحسين بالاشياء

      تدللي يالغاليه بساعدك باللي تبين

      Delete
  2. Replies
    1. الله يعافيك حبيبتي
      ومنوره

      Delete
  3. مرحبا اختي انا بختار النزول السريع ،، وانا أحب المشروبات الباردة ،، وبلتزم ،، تتوقعين كم بنزل فشهر ؟؟

    ReplyDelete
    Replies
    1. مراحب اخوي سيف ،
      بكل صراحه مااعرف بالضبط ، لانه غالبا نزول الوزن للرجل اسرع من المرأه
      واذا استبدلت كل الوجبات اكيد راح يكون اسرع
      مع الرياضة

      Delete