Friday, 23 May 2014

My Travel Makeup Bag شنطة مكياجي للسفر



السلام عليكم 

تدوينه اليوم عن  شنطه مكياجي الجديده في اخر سفرتين لي ،
اخذت اشياء بسيطه وماكثرت ، وغالبا هي اكثر الاشياء اللي احبها اوستخدمها 

...




 هالشنطه العجيبه اللي ماصدقت اني لقيت شي مثلها ، مليييييييت مليت وانا ادور على شنطه ميك اب شوي قاسيه 
وماتاخذ مكان كثير وآهم شي عندي اني مكياجي ماينكسر ، لانه مرت علي حوادث اليمه من قبل 

هالشنطه شفتها صدفه في محل موجي MUJI الياباني المحل موجود في دبي مول في الطابق السفلي ، وقريب بيفتح في
مردف ستي سنتر ، المحل عالمي طبعا وبعد موجود بالكويت بالافنيوز . 

هذا موقعهم  www.muji.com

سعر االشنطه = ١٢٠ درهم  ، وفيه منها احجام اللي معاي الوسط ، وحبيت حجم الكبيره بس بتاخذ مكان كبير بشنطه 
السفر ، وحجم الوسط جدا مناسب لي . 


مثل ماتشوفون الشنطه فيها افكار جميله ، اول شي الفرش لها مكان خاص فوق ، ممكن تحطون فرش او اقلام الكحل والتحديد ، و على الجوانب فيه اشياء اقدر اسكرها عشان اوقف الغطا ومايطيح واقدر اشتغل على راحتي . 



..




ومن مميزات المحل بعد انه يوفر لك علب ترتيب للشنطه بحسب احتياجك فيه اشكال كثيره واحجام 
حتى فيه علب اقدر احط فيها الاقلام وتكون واقفه بالشنطه ، اشياء كثيره وفعلا احترت وقتها 

اخترت هالحجمين بحيث اني احط مثلا الكريم اساس والعلب الكبيره تحت ، واللي فوق اخليها للاشياء الصغيره 
وفيه مرايه كبيره تكون غطا للعلب البلاستك حبيت فكرتها جداااا بس بصراحه ماراح احتاجها بس اللي يحب 
ممكن انه ياخذها وكانه سعر المرايه ب ٦٥ درهم .

سعر العلب = الكبير ب ٤٠ درهم والصغير = ٢٠ درهم 

بصراحه ماندمت على فلس واحد دفعته بهالشنطه ريحتني تشيل اغراض وايد وأهم شي انها تحافظ على
كل شي بداخلها ، اذا لكم زياره لدبي مول مرو على المحل لانه روعه ، حتي فيه اشياء كثييره لترتيب الميك اب " العلب الاكرليك اللي طايحيين فيهم باليوتيوب " 
وملابس وشنط سفر واثاث و قرطاسيه .

+ ممكن ماتاخذون العلب وتكتفون بالشنطه وممتازه وقويه وتتحمل .

تقيممي لهالشنطه ١٠ من ٥  توب توب توب 

...



هذا كل اللي كان بشنطتي " كل اللي فيها احبه " . 

9 comments:

  1. الشنطه جميلة وتشبه وحده عندي
    أتوقع من وجوه او دبنهامز هديه مع مجموعة مشتريات
    بس فعلا تحفظ المكياج انه ماينكسر وحتى ترتب لك اغراضك

    تتهني فيها يارب ..

    ReplyDelete
    Replies
    1. هلا بالغاليه ، جدا جميله
      لاني ابي احافظ على الميك اب انه ماينكسر ،
      تسلمين يالغاليه

      Delete
  2. حبيت الفكره مره عمليه بالذات لو بتسافرين لمكان عندك فيه مناسبه وتحتاجين فرشك وشغلات كثيره من مكياجك راح تساعد
    غير كذا جد تحافظ على المكياج انو ينكسر يعطيك العافيه حنان *.*

    ReplyDelete
    Replies
    1. هلا نوره ،
      ايه افكار المحل جميله جدا كلها للسفر وعمليه ومريحه ،
      ايه وهذا اللي عجبني احط كل شي في مكان واحد بدون ماتتوزع اشيائي
      وأهم شي انها تحافظ عليه من الكسر
      تسلمين حبيبتي

      Delete
  3. واايد حبيتها
    احس ابا شراتها و سلمتي ع البوست الرائع
    وحبيت تصويرج ماشاء الله
    عندي سؤال خارج الموضوع شوي
    لمحت فرش سيقما
    ممكن اتخبريني رايج فيهم ،،، لان محتاره اخذهم او لا
    غير هذا سمعت انه شعر فرش الويه يهرر واايد وبسرعه
    افيديني اذا ماعليج امر فديتج
    تنصحيني فيهم والا

    ReplyDelete
    Replies
    1. هلا مرايم ،
      حلالج فديتج ، مايغلى عليك غالي ، تسلمين حبيبتي

      فرش سيقما روعه بصراحه وصار لهم اكثر من سنتين او شكله اكثر بس ناسيه والله بعد يمكن اكثر حلوين ومااشتكيت منهم بشي
      وهالمجموعه جدا حبيتها وتقريبا كل شي استخدمته فيها وجودتها عاليه جدا ، والكل يقارنها بفرش ماك ، انا عندي الاثنين ماك وسيقما
      وبصراحه مافيه فرق ابد ، فرش ماك يمكن من ٦ او ٧ سنين عندي ومهتمه فيهم وكانهم جديده

      وسيقما نفس الشي بعد بالاهتمام يطولون معاك في الاستخدام
      الاثنين يهرون بصراحه ماك وسيقما بس شي بسيط لا يذكر يعني لازم تطلع شعره مني ولا مني
      بس وقت الغسل ، اما وقت الاستخدام لا ماصادفني اي شي

      ممكن لاني اهتم فيهم وارجعهم بعلبتهم تحفظهم اكثر مااخلي الفرش باي شنطه
      عشان الشعر مايتأثر

      ...
      اذا بتشترين اشتري سيقما و ريل تكنيك بعد روعه
      ووفري عليك فلوس فرش ماك

      Delete
    2. سلمتي عزيزتي ع التوضيييح وااايد استفدت منج صرااحه
      عندي فرش ريل تيكنيك و ابا اجرب بعد فمحتاره اخذ شو
      وعوقي الفرش يعني ما اكتفي كل شوي ابا اجرب شي ان شاء الله بجرب فرش سيقماا
      الله يعطيج الف عافيه <3

      Delete
  4. الله جمييييله فكرت الشنطه حبييييتها
    مررره مرتبه وطريقتها جديده وعمليه والله اذكيا اليابانيين :D

    ربي يسعدك ياعسل

    ReplyDelete
    Replies
    1. هلا بالزين كله ،
      جدا جدا انتي لو تشوفين المحل مدري وش تقولين ، اليابان كلها افكار جميله ومفييده
      الشنطه مرتبه جدااا جدا جدا

      فديت قلبك ياعسل

      Delete