Tuesday, 6 May 2014

مطعم Bricco Cafe أبوظبي



السلام عليكم 

تقرير بسيط عن مطعم Bricco في أبوظبي 
مطعم ايطالي - قهوه - باستا - بيتزا

...

أبوظبي مدينه جدا حلوه ورايقه وهاديه ، خصوصي لاني من دبي 
وكل شي تقريبا زحمه وحوسه ويعني ، بس مايعني اني مااحب دبي بالعكس الا مااعرف اعيش الا فيها 

احس اللي يبي الهدوء والراحه لازم يروح لابوظبي 
رحنا ل هالمكان الجميل  البندر - شاطىء الراحه  " اسم على مسمى " 

المكان بحد ذاته جميل جميل جميييل قد مااقول انه جميل مااوفيه حقه ، كله مطاعم وكوفي ويطل على البحر 

ويطل بعد على جزيره ياس ، ونقدر نشوف حلبه السباقات من بعيد ونسمع اصوات السيارات 
جدا ممتتتتع . 


هذي كم صوره 


شي يفتح النفس 



وهذي من داخل المطعم ... 

..







ترتيب الطاولات جميل - وهناك الشيف يسوي الباستا وحبيت انه مكشوف والواحد يقدر يروح ويشوف على راحته 





طلبنا طلباتنا وعددنا ٤ اشخاص " انا وامي واختي واخوي " 
جابو لنا هالسله ضيافه منهم وفيها خبز بالاعشاب والزيتون مع صلصه طماط " امي حبت الصلصه " انا مااحب الطماط فما جربتها
انا حبيت الخبز مع شوي زيت زيتون وخل بلسمك " ادوووخ عند هالاشياء مع بعض " 


..




وصل اول طلب " اسياخ دجاج التندوري "  بس طعمه لذيذ فيه شويه سبايسي بس جد لذيذ 



فيوتشيني مع دجاج وفطر امي واخوي نفس الطلب .. 


وهذا طلبي 
باستا مع صلصه بيضا دجاج وبروكلي مخبوزه بالفرن 
حبييييييتها وانا عموما احب الاكل الايطالي ، بس الكميه بالنسبه لي شوي كبيره 
خصوصي انه اكلت خبز ودجاج مشوي قبلها 

.. 
وطلب اختي  " المعكرونه الشرقيه ستيرفري " 
انواع باستا مع صلصه كريميه و نفس الدجاج التندوري 
اعجبت اختي ، وذقت منها حلوه والله 



..


ولازم لازم لازم طلب لعشقي الابدي " ليمون بالنعناع " 
يبررررد على القلب 

.. 

تقيمي للمطعم بحكم تجربتنا واطباقنا اعطيه ٥ من ٥ ماشفت اي عيب فيه 
وودي ارجع له مره ثانيه 
بس فيه كذا فرع في ابوظبي وماله اي فرع في دبي 

بس بشكل عام المطعم جميل ورايق واسعاره مناسبه جدا .. 

وهذا موقعهم 

2 comments:

  1. نفس رأيي عن دبي احس زحمة كثير و افضل ابوظبي عليها
    الشاطيء يفتح النفس و شكله جميييل
    تصويرك بطل و بالعافية <3

    ReplyDelete
    Replies
    1. اهلا مريم منورتني حبيبتي
      أبوظبي جميله ، وحبيت هالمكان رايق وهادي والبحر جدامنا ويكفي بس تاخذين
      كوفي وتشوفين هالمناظر الجميله
      تسلمين حبيبتي

      Delete