الثلاثاء، 6 يناير 2015

زيارتي لمحل K-Lynn


السلام عليكم 

من فتره قريبه جدا زرت محل جميل جدا بدعوه منهم محل K-Lynn 



هالمحل اقدر اسمية عالم من الانوثة ...

فيه كل شي تحتاجينه " ملابس داخليه - لانجريه - قمصان نوم - بجايم - اكسسوارات للملابس الداخليه " 
المحل كله ماركات وممتازه وجودتها عااااااليه جدا ... 



بالبداية اخذوني بجولة جميله للمحل وشنو اللي فيه ، وبعدها تكلمنا وايد عن مشاكل النساء وحاجتهم
 لمحلات توفر قياسات كبيره ومحلهم يوفر قياسات كبيره وتناسب الكل و مبيعات القياسات الكبيره اعلى شيء
القياسات متوفره من A الى I لجحم الكب ... مااتوقع تروح وحده وماتلاقي قياسهاا ... 

+ شي حبيته عندهم البرا جودتها عاليه والخامه المصنوعه روعه ، وعجبني شي انه كل ماكبر القياس 
السيور او الحملات تبدا تعرض شوي عشان تتحمل الوزن وماتكون نحيفه مره وتسبب احمرار على الكتف .. 




وبعدها دخلت مع الجميله connie  ... تعلمني الطريقه الصحيحة لقياس ال Bra المناسب ، شنو اللي ينفع لي
واللي بيطلع علي احلي وارتب ، كانت جدا متعاونه معاي وحبوبه لابعد حد مريحه بالتعامل ، اللي عجبني 
فيها اي شي مو مناسبني على طول تقوله لي هذا مو مناسب ولا انصحك تشترينه ، وهالشي حبيته 
لانها صادقه وصريحه ماتبيك تشترين اي شي ... وانا احب هالنوع من الناس واقدرهم بصراحه .. 

شوفوا رابط الفيديو تحت ، وراح يبين لكم طريقه الاختيار الصحيح .. 



نبدا جولتنا بالمحل 




عندهم ماركه سبانكس المعروفه بالمشدات المتميزه ، اشكال وانواع لاي شي تطلبينه .. 




عندهم هالماركه فرنسية simone perele جودتها عاليه جدا جدا ... 

البجايم .. اللي علي اليمين الرمادي والفوشي ماركه DKNY واسعارهم على ٤٥٠ ، اما البنك ماركه رالف لورين ب ٢٥٠ ..


جزء خاص للعرايس ، عندهم تشكيله كبيره جدا ، وفيه جهه ثانيه بس للاسف نسيت اصورها .. 


هذا الركن فيه اكسسوارات و اضافات للبرا ، اي مشكله بتلاقين لها حل هنا 
...

وهنا غرف القياس ، اولا الباب اللي يوديك للغرف مغطى بستاره لونها اسود ، وبعدها الغرف ،مرتبه وانيقه 





في الاخير قدموا لي هدية ، واشكرهم عليها جدااا .. حبيتها بكل صراحه .. 
والعلبه والتقديم جدا مميز وهذا لاي وحده تشتري .. 







...

المحل والبضاعة اكثر من روعه ومناسب لاي امرأه ، بتلاقين جميع احتياجاتك ، واكيد من المحلات اللي برجع لها 
اكثر من مره و بشتري منهم سواء لي او لاهلي او لهدايا لاي عروس .. 


المحل حاليا عندهم خصم ٥٠ ٪ على اشياء معينه عشان مهرجان دبي للتسوق 
المحل موجود في مول الامارات وهو الفرع اللي رحت له ، في مردف سيتي سنتر و فستيفال ...
واتوقع موجود في ابوظبي ... 

الفيسبوك : facebook.com/klynn.co



هناك تعليقان (2):

  1. يعطيكي العافية ... واضح انه المحل في أشياء مميزة وحلوة

    ردحذف
    الردود
    1. اهلا يسرى،
      فعلا المحل فيه ماركات واشياء جديده ومفيده اذا تبحثين عنها
      حبيت انه كل شي موجود عنهم
      منورتني حبيبتي

      حذف