السبت، 9 أغسطس 2014

Aioli Lounge ايولي لاونج الخبر



السلام عليكم 

مكان رايق ، وطله جميله ومريحه للنفس 



ايولي لاونج في الخبر ، زيارتي له كانت قبل رمضان وعلى مااعتقد انه كان وقت الافتتاح التجريبي

..


عندهم جلسات داخليه وخارجيه ، الداخليه انيقه بصراحه ، بس فضلنا الجلسات اللي بره 



المنظر يشرح النفس بصراحه ، وكان الجو حلو 
طلبنا وفي هالوقت اخذت كم صوره 






..




قهوه امريكيه لي طبعا ، وعصير رمان لبنت خالي 


كيكه رد فلفت هذا كان طلبي ، لذيذه واعجبتني ، بس ماقدرت اكملها كلها ماشاء الله كبيره ، غير اني تذوقت من باقي الاطباق شوي 





شوفو الاجرااااام بحد ذاته ، طلبتها وانا ماادري انها بهالشكل حبيتها اكثرررررر 



سلطه الحلوم المشوي 





برياني دجاج ، ولذيذ علي كلام بنات خالي انا ماذقته بس شكله حلو 


حبيت طريقه التقديم 


واخر طلب كان بيتزا بالدجاج والفطر ، لذيذه وخفيفه ، وطلبنا بعد بيتزا مارقريتا بس ماصورتها كانت بعيده عني بس بعد حلوه ، صلصه البيترا نفسها حلوه وضابطينها . 

المكان حلو والخدمه جدا ممتازه ، حتى الويترز نفسهم حلوه ، 
المكان مافيه اي عربي يشتغل حسب اللي شفته فيه هنود وفلبنيين واتوقع مدير بريطاني 

المنيو كان ايباد وفيه كل الطلبات بالصور وهالشي حبيته ، لاني من الناس اللي احب اشوف صور
الاطباق ، وغير هذا لاني احب اشوف طريقه تصوير الاطباق حب التصوير يجري بدمي 


ودي اجربه مره ثانيه بس كفطور لانه المكان يفتح النفس وراااايق 

..

موقعهم الرسمي : www.aiolilounge.com
الانستقرام : aiolilounge

Aioli Lounge
 Khobar corniche
. Al Dughaither village Tel: 013 881 1323 كورنيش الخبر ، جزيرة الدغيثر 

هناك 4 تعليقات:

  1. يمي يمي البوست جداا شهي
    الاكل شكله لذيذ صحه وعاقيه

    ردحذف
    الردود
    1. هلا دانه ،
      ايه جدا لذيذ ، على قلبك حبيبتي
      ومنورتني

      حذف
  2. عليكم بالعااااافية :)

    ردحذف
    الردود
    1. الله يعافيك حبيبتي ،
      منورتني

      حذف