Saturday, 30 August 2014

مشتريات بسيطه من بودي شوب



السلام عليكم 


يوم الخميس كنت في دبي مول واتمشى بدون اي هدف " مشكلتني اذا ماعندي هدف امشي واشتري " 
وطبع ابي اتخلص منه ، اصلا اصلا مو محتاجه اي شي شريته ، بس خلاص شريته 

وناويه مااشتري شي هالفتره واستخدم اللي عندي وبسوي موضوع عن هالشي قريب 

المهم الحين ماعلينا نشوف وش شريت 

..


اول ما دخلت المحل وحاطين بوجهي ستاند كامل للمنتجات الجديده 
واللي اهمهاااا مجموعه زيت الارغان ، المجموعه كبيره صراحه ومنتجات جديده فيه اشياء موموجوده بباقي المجموعات
منها الزيت الصلب . 



اخذت شييئين من هالمجموعه - زبده الجسم انا اعشق هالشي من عندهم 
- والمقشر جربته عندهم بالمحل ورائع بصراحه حبيته حبيته حبيته




المجموعه رائعه والريحه شي شي شي ماادري شلون اوصفها بس جربوها وبتحبونها اكيييييد 
وانا لو ماعندي كريمات وحوسه كان اخذت المجموعه كامله ، تستحق الاقتناء 



هالمجموعه ومجموعه الشيا اقدر اقول انهم التوب عندي من محل بودي شوب 

الزبده والمقشر ب ٧٥ درهم للواحد 

....




اخذت لفيه للوجه او اسفنجه مقشره للوجه " حبيتها ، استخدمتها امس وروعه " ب ١٦ درهم 

واخذت نوعين من الماسك للوجه شي جديد بس موجودين عند الكاشير بجربهم واكتب راي عنهم . الماسك الواحد ب ٥ دراهم 

وهذي كل مشترياتي 


المفروض ماانزل اي موضوع مشتريات 
بس فيه موضوع جاي اشياء شريتها من قبل ولا حطيتها 
ف بحطها بموضوع واحد قريب . 

2 comments:

  1. حمستيني للمجموعه مع اني مااحب ذا بودي شوب مره
    بس افكر اخذها خصوصا انها بالارغان

    تتهني بمشترياتك ياعسل

    ReplyDelete
    Replies
    1. هلا نوره ،
      مري المحل وشوفي المجموعه وشمييها انا حبيت الريحه جددااا
      وثابته .. بس زيت الارغان معروف انه ممتاز

      تسلمين يالعسل انتي

      Delete