السبت، 28 يونيو 2014

June Empties منتجات خلصتها في شهر يونيو

السلام عليكم 


من زمااااان ماكتبت موضوع عن الاشياء اللي خلصتها اخر شي كان بشهر ٢ واحنا الحين بشهر ٦ 
ماشاء الله الايام تمشي ، 

بحاول المرات الجايه كل ماخلصت شي علي الاقل ٧ اشياء واكتب عنهم لانه ماشاء الله اشياء كثيره تجمعت 

..




...

من اليمين : 


- كريم للجسم من باث اند بودي ب ريحه القطن ، بصراحه ماخلصته اول كريم يسبب لي حساسيه بجسمي مع اني استخدمته من قبل بس هالعلبه يمكن لانها عندي من زمان فما كملتها من شفت الحساسيه . 

- بايو اويل ، احبه واايد ناس تقول انه مانفعها ، انا بالعكس نفعني خفف لي من الخطوط البيضا ، وفيه خطوط شوي بارزه واحس فيها اذا لمست جسمي هذا الزيت خفف من انتفاخها وصار جسمي ملمسه واحد ، احطه بعد اي شاور واقشر بشرتي بالشاور ... و استخدمته بعد مع اي كريم للجسم عندي كم قطره منه مع شوي من الكريم اخلطهم بايدي وادهن جسمي ، واحب الترطيب اللي الاقيه بعدها . 

- كريم الايد من باث اند بودي بالشيا ب ريحه التوايلات وود افضل ريحه عندي في كل باث اند بودي ، احب هالكريم واستخدمه لكل ايدي . 

- كريم للايد من باث اند بودي بريحه المسك ، ريحه خفيفه وجميله . 

- كريم للجسم " عينه " من احد العلب اللي استلمها كل شهر ، خلصته وكريم عادي مافيه زود بكل صراحه . 

..



- قطن دوائر حبيت اجرب هالنوع لانه فيه فيه شكل ووخطوط غير عن القطن العادي وممتاز مع التونر كاني اسوي تقشير خفيف للبشره . 

- مناديل مرطب و معطره ، آحب هالنووووع ريحته حلوه واستخدمه لكل شي ، وترى جدا حلو للميك اب الخفيف . 

....



- ماسك للوجه من كول اند كول حبيت اجربه ، عادي ماحسيت بشي بعد استخدامه . 

- واقي للشمس من بايودرما واخذت هالنوع وهذا مات عشان مايعطيني منظر زيتي على وجهي وهذا حلو بس بالاخير بدا يخلي وجهي رمادي ، باقي في العلبه اقل من الربع .

- سيروم للعيون من استي لودر ، على كثر ماقريت انه هالسيروم خيالي للاسف الشديد ماشفت اي نتيجه منه ، شفت اشياء سيئه بصراحه ، انا وحده اعاني من هالاتي بشكل كبير وهذا مو حلو ، كل ماحطيته بالليل من بكرا الصبح اشوف المنطقه تتقشر بشكل رهيب لدرجه اني اقدر اشيل القشور وحجمها كبير ، قريب وبحثت مالقيت احد نفس حالتي واستمريت عليه بشوف اي نتيجه معاه بس مافيه فايده ، حتى اخليه لاسابيع وارجع استخدمه ونفس المشكله ، وسعره غاااااالي .

- موس صغير للوجه استخدمه لوجهي وحواجبي بما اني اسوي ليزر لوجهي ومااقدر استخدم غير الموس ، ممتاز بصراحه ودايما اشتريه ، موجود ب دايسو ودلتني عليه الممرضه اللي تسوي لي الليزر . 

..



- مزيل للمناكير من دايسو ، قديم بصراحه وماصدقت انه يخلص . 

- قلم من سالي هانسن ، للعنايه بالاظافر والجلد اللي حوالي الظفر ، مكتوب عليه انه يطول الاظافر ، وانا اصلا اخذته 
للجلد اللي حوالي الظفر وماشي حاله . 

- مقشر للايدين من باث اند بودي جميل جدا وقوي ومناسب للايد ، احب استخدمه وبعدها ارطب ايدي باي كريم ثقيل للايد . 

...



شرايكم بميكي بس 

- مرطبات للشفايف من لابيلو ، حلوين ، حاليا استخدم اللي بالتوت بس مو حابته كثير لانه يطلع طبقه بيضا على الشفايف بس بحاول اخلصه . 

- كريم جليسوليد ، مين مايعرفه ثقيل بس حلو استخدمه لرجولي وفي ايام البرد كنت اخلطه مع اي كريم عادي للجسم 
لانه جاني جفاف رهيب . 

....



- عطر جميل جميل جمييييل من العطور اللي حبيتها ريحته انيقه و شي انوثي بصراحه ، كل ماحطيته واحد من اخواني يسالني شنو حطيت ، اسمه مونتانا Mantana ، يقولون انه بس في لندن بس ماادري اذا موجود في دبي ياليت اللي يعرف يقول لي ، لاني عشقته . 

- عطر جميل بالعنبر من باث اند بودي شوب ، من العطور المميزه عندهم ، شريت هذا وخلصته في فتره قياسيه بصراحه 
اللي ماشمه يشمه لانه حلو بصراحه .

....




- امبولات للشعر من اروع مااستخدمت في انبات الشعر انا من زمان قلت اني بكتب موضوع عنها وان شاء الله هالمره بكتب ، بس شي رائع . 

- ماسكرا من مافالا للرموش وكتبت عنها ريفيو كامل   هناااااا   رائعه جداااا . 

- فيتامينات للشعر رائعه و لهم موضوع ان شاء الله قريب مع الامبولات ، خلصت علبتين وحاليا انا في الثالثه . 


...



- مزيل للمكياج شبيه جدا ب بايوديرما وكتبت عنه هناااااا ، ممتاز بصراحه ، واللي اعرفه انه حاليا موجود بالسوبر ماركت.

- ماسك لتجديد البشره ، حلو وهو من الماسك اللي تقدرين تشيلينه وانا احب هالشي يعطيني شعور جميل . 

- العشششششق العشششق ، اجمل واخف ريحه ريحه اطفال على بودره على كل شي جميل اتوقع في كل منتجات خلصتها بتلاقون هالمنتج ، هو عطر خفيف للجسم هو اصلا للاطفال بس جمييييل  . 

- مزيل للعرق من ريكسونا ، افضل شي جربته احطه واضمن نفسي حتى بعد النادي مافيه اي ريحه ممتااااز بكل اختصار . 


....



- كريم لليدين من لوكستيان من احب الكريمات على قلبي ، بالشيا طبعا وشريت غيره من حبي له بطل بطل ، بش شوي ثقيل ودبق انا كميه صغيره منه تكفيني . 

- آه على هالعطر ادوخ عنده ، هذا ومع اللي فوق للجسم ومع مسك عبد الصمدالقرشي شي شي شي ، ريحه نظافه خياليه ، بس ماالقاه في دبي ابد ، خبري فيه محل بالراشد بالخبر يبيعه واخر مره رحت المحل كانو يسوون ديكوراته ، احبه وباقي لي علبه وبديت فيها ، ماودي يخلص ابد . 

- غسول للوجه من قارنييه حلو ينظف بشكل حلو خفيف على البشره ويناسب لغسول يومي ، اللي عندي للبشره العاديه الى المختلطه . 

- سبريه للجسم بالورد ، انا احب الورد بس اي شي فيه ورد وللجسم للاسف الشديد مااتحمله وبشرتي تتحسس منه ، حتى اختي فصرنا نستخدمه بالحماام كمعطر جو فقط لا غير ، وريحته حلوه للي يحب روايح الورد ، بس مااتوقع بشتريه بس هذا كان هديه لاختي . 

- شامبو من لوريال معالج ، جاني من العلبه اللي استلمها كل شهر وبصراحه حبيته ، وافكر اشتريه مره ثانيه اذا خلصت كل اللي عندي . 


...



- لصقات للانف اخذتهم على مدح هدى بيوتي ، وصراحه روعه تشيل من قلب ، فيها ٣ لصقات بريحه البرتقال ودي ارجع اشتري نفسها اذا خلصت اللي عندي . 

- ماسكرا من ميبلين ون باي وان ، حبييييتها من الماسكرات اللي اعطتني كل شي ابيه حجم وطول وكثافه ورموشي تبقي على ماهي لفتره طويله ماتنزل . 

- روج من نكس ماادري شنو الحاله اللي كنت فيها يوم اشتريه من اسواء شي شريته روج وفيه لمعه اللولو ولون مشمشي بس بايخ ، انا عن نفسي مااحب هالنوعيه من الارواج فعلا ماادري شنو شريته ، حاولت استخدمه بس ماقدرت ، رقمه ٥٩٧ .

- روج من برستيج ، عندهم ارواج حلوه ، خصوصي المات الوان خطيره وثابته ، النوع اللي خلصته كريمي بس جمييييل جدا خلص بمعنى خلص رقمه cll-07 ، ماادري اذا موجود حاليا بس حلو ، لونه مشمشي على لحمي جميل . 


.....


وبس خلصت كل شي ، بصراحه تعبت وانا اكتب بس عشان اتوب ومااجمع كميه كبيره . 

فيه شي حابه اقوله كلنا عندنا منتجات نحبها شي غالي منها وشي رخيص بس ساعات نستخسر اننا نستخدمها
بحكم انها غاليه ، بس دامك شريتيها استخدميها حرام الفلوس اللي تحطينها بمنتج ولا تستخدمينه وبالاخير ترمينه بحكم 
انه خلص تاريخه لانتي اللي تهنيتي فيه ولا انتي اللي استخدمتيه . 

بحاول استخدم كل شي عندي واذا الله قدرني اني احلل كل شي دفعت ف الحمدلله اني نفعت نفسي منه . 

وبس ... 

هناك 6 تعليقات:

  1. احب كريم اليدين تبع لوكستيان جميييل ترطيبه لليدين
    لصقات الانف ماقد شفتها عندنا شكلها مو موجوده بالسعودية تحمست عليها :/

    يعطيك العافيه ياعسل

    ردحذف
    الردود
    1. هلا وغلا نوره، منوره
      ايه جدا احبه ومااستغني عنه ، والله اللصقات مااعرف وين ممكن تلاقينها بس ممكن بالتميمي ،
      لاني شريتها من سبينس عندنا وهو يجيب ماركات غير فممكن تلاقينه عنهم

      الله يعافيك يالغاليه

      حذف
  2. السلام عليكم حبيت اعرف اكثر عن امبولات الشعر هل تفيد في تساقط الشعر وكم سعرها ومن وين اقدر اشتريها؟

    ردحذف
    الردود
    1. وعليكم السلام
      الامبولات روعه اذا التزمتي فيها العلبه اللي عندي هي خامس علبه و باقي لي النص فيها ، ممتازه وتقلل من تساقط الشعر بعدها بشهرين تبين تشوفين الشعر الجديد
      طلع ، وهذا اللي آحبه انه اشوف النتايج بعيني

      سعرها ب ٦٥ درهم ، وموجوده في جمعيه الاتحاد ، او محلات نزيه لانه هو اللي يوفرها من الاساس

      ++ ردك علي هنا ، سعاااااده لاتوصف

      حذف
  3. ياجمالك يا حنونه
    أحب أي شي من باث اند بودي وركس وخصوصاً كريماتهم, بس يمكن تحسس جلدك منها لأن فيها عطور
    أما مزيل المكياج من لوريال من قوة ماني متحمسه عليه نفسي اطلع اللحين اشتريه ههههههههههههه
    مسكرة مافالا لتطويل الرموش اممممم مدري استعملتها اسبوع ثمن طفشت :(
    وخط العناية بالشعر من لوريال هذا لا يعلى عليه خصوصاً الكريم المعالج للشعر والماسك جداً جميلين
    ربي يسسعدك على البوست الجميل هذا

    ردحذف
    الردود
    1. هلا بالزين كله ،
      ايه انا احب منتجاتهم واستخدمت كثير منهم بس هذا بالذات حسست منه ،
      مزيل الميك اب من لوريال روعه وحبييييته لازم تجربينه ، ماسكرا مافالا حلوه بس لازم تكملين استخدامها اسبوع ماتسوي شي ابد

      لوريال شركه جميله ورائعه نادرا تلاقين شي سيء منهم و خط العنايه هذا جميييييل

      فديت هالطله الجميله ، لا تحرميني منها

      حذف