Black Musk || المسك الاسود
السلام عليكم
المسك ، من احب الروائح على قلبي ، بجميع اشكاله ، وابحث عنه في مكونات العطور
لانه غالبا يعجبني اي عطر فيه مسك ..
بودي شوب معروفين ب مجموعات المسك المتنوعة وصار لهم سنين وهم ينتجونها بكل حب
البداية كانت مع المسك الابيض واللي احبه شخصيا ، بعدها السموكي روز مسك ، المسك الاحمر
ومسك العود الاحمر ، والاخير هو المسك الاسود
وهو عطرنا اليوم
كنت احد المدعويين الى اطلاق العطر في الامارات ، بتواجد الجميلة سندس القطان ، الجوهرة ساجر
كان يوم جميل استمتعت فيه وتعرفت على العطر
مكونات العطر
النوتات العلوية : الكمثرى - الفلفل الودري - البرغموت
الوسطى: عرق سوس
القاعدة : المسك الاسود - الباتشولي - الفانيلا
ريحة العطر حلووووه بصراحه اذا تحبين هالمزيح مع بعض راح يعجبك ، العطر اول ماتبخينة شوي سويت
بس بعدها لا .. العطر ناعم وانثوي .. ومناسب جدا ل جونا حاليا وحلو بعد بالجو البارد
العطر نازل ب ٣ اشكال
بيرفوم - ادو تواليت - زيت عطري
عندي ال ٣ ، اذا بتاخذين شي وتبينه ثابت ، اخذي البيرفوم والزيت
ثباتهم اكثر واقوى ، ماانصحك بال ادو تواليت لانه ثباته خفيف ، انا من النوع اللي احب العطور تكون ثابته
الزيت العطري ، حلو بصراحة وحبيه هالفكرة انه العطر معاه زيت ، تقدرين تحطينه مثل الدهن عود على جسمك
وفوقة العطر ، وياسلام على الريحة والثبات ..
طبعا العطر موجود في كل محلات بودي شوب
ليست هناك تعليقات:
إرسال تعليق