Saturday, 18 April 2015

Angel Schlesser Femme



السلام عليكم 


العطور والروائح من الاشياء اللي احبها واعشقها وابحث عنها ، انا من النوع اللي اتذكر المواقف والاماكن والاحداث
من خلال " الرائحة " 


Angel Schlesser Femme 

اليوم بتكلم عن هالعطر الجميل ، اقدر اسميه شي نقي ونظيف 
هذا اول شي جا في بالي اول ماشفت شكله وشكل العلبة .. 

العلبة الخارجية بسيطة جدا .. انيقة جدا .. والوانها كلاسيكية
ابيض وذهبي 

العطر صناعته : اسبانية ، ف تغيير عن العطور الفرنسية شوي .. 

العطر : فرش فرش فرش كمية انتعاش جميلة جدا 

فرش بس شي هادي 

ومااقصد انه فرش يعني ريحه ليمون لا لا ، ريحه شي يفتح النفس ،بعد مايكون فرش تبدا
الروائح الاجمل تظهر 

  سبايسي  على مسك 

 “ العطر باختصار " انثوي ناعم



  • عطر جميل بصراحه وانصح فيه ممتاز جدا للي ماتحب العطور السويت او اللي تكون ورد …
انا من الناس اللي انجذب اكثر للعطور اللي فيها مسك وعنبر ..وهذا فيه ف حقق لي مطلبي 

العطر مو فواح لا ، من العطور الهاديه الانيقة اللي انتي تشمينها على نفسك او اللي يقرب منك .. يعطي جاذبية وانوثة ..

ثباته يعني ٣ الى ٤ ساعات 





نوتات العطر :

العليا : برغموت - مندرين - فلفل اسود 
الوسط : زنجبيل - ياسمين - زهره البنفسج 
القاعدة : مسك - عنبر - فول التونكا “ يعطي ريحه فانيلا”


العطر طبعا نسائي 
يناسب الصيف والربيع / ليل نهار 

السعر : ٥٠ ميل = ١٩٨ درهم 
١٠٠ = ٢٨٠ درهم

No comments:

Post a Comment