Saturday, 11 April 2015

Lady Gaga Eau De Gaga Perfume


السلام عليكم 


عطر جديد من ليدي قاقا ، لها عطر من قبل وسوا ضجة بالعالم لانه اول عطر يكون لون الماي اسود 

هالمره شي غير وشي مختلف تماما عن العطر الاول لها .. 




- العطر هذا مناسب للرجال والنساء ، انا بطبعي مااميل للنوع اللي يكون مخصص للجنسين .
- علبته انيقة وشيك ، و علبة العطر نفسه شيك وساده مافيها الا معدن بالوسط وعليه الاسم .
- شكل العلبة رجالية اكثر .
- وبالنسبة لي العطر احسه يناسب الرجال اكثر من النساء .



العطر فيه ٤ روائح : 
النوته العليا : ليمون اخضر 
النوته الوسطى : زهره البنفسج 
القاعدة : خشب + جلد 



- اول ماترشينه ريحته فرش ليمون اخضر بعدها فتره تتغير ريحته وتشمين ريحه الجلود .
- من العطور اللي لازم لازم تشمينها قبل ماتشترينها خصوصي لو كانت لك انتي ، اما للرجال احسها مناسبة جدا .
- ثباته حلو وقوي مايحتاج انك تعيدين عليه ، كم رشه تكفي .
- عن نفسي مااحبه اول ماارشه ، بس اذا برد ريحته جميله .. 

العطر مااحسه يناسب ذوق اي بنت شوي من العطور اللي عليها اختلاف كثير بالرأي. 


سعر العطر
٧٥ ميل = ٢٨٠ درهم 
٥٠ ميل = ٢٢٠ درهم 

متوفر في : باريس غاليري - سيفورا - وجوه 

4 comments:

  1. حبيت شكله بسيط بس مرتب مافيه خربطه
    بالنسبالي احب روائح الجلد و الخشب ع الرجال مو عليه , ذوقي مختلف شويه
    حبيت البوست حنان :*

    ReplyDelete
    Replies
    1. هلا مريم ، منورتني

      هو العطر غريب يعني مابيعجب اي احد بس شي جديد
      ومناسب للرجال والنساء ، وانا اخذت فتره والله لين تقبلته شي غير بس مميز

      Delete
  2. حبيت شكله مرررررة
    تركيبته غررريبة ومايمنع آشم ريحته عن قريب

    ReplyDelete
    Replies
    1. شكله انيق جدا ،

      ايه التركيبه غريبه ، يعني ليدي قاقا لازم شي غريب

      Delete