Monday, 16 December 2013

Review Telescopic Carbon Black Mascara


Review  Telescopic Carbon Black Mascara  


السلام عليكم 





كم فتاه تعشق مكياج امها ؟ 
انا وحده منهم طبعا ، من فتره كنت ارتب الميك اب بغرفه الوالده وشفت هالماسكرا عندها وسالتها عنها
قالت لي انها جديده ومااستخدمتها واذا ابيها اخذها ، طبعا طبعا اخذتها 

على الكم الهائل بالسوق من ماسكرات لوريال الا اني مااذكر اني شريت اي ماسكرا منهم فشي جيد اجرب 
شغله جديده علي . 



العلبه انيقه على شكل تلسكوب ، لونها اسود لامع ومزينه بحروف ذهبيه .
النوع اللي معاي هو كاربون بلاك يعني السواد الفاحم وفعلا سواد فاحم .



شكل الفرشه جديد علي ماقد استعملت ماسكرا بهالشكل ، فرشه من البلاستك المرن وجدااا بعد ، 




وهالشي يعني انها قادره توصل لاقصر رمش ومثاليه للرموش السفليه . 

ومكتوب بعد على العلبه انها تعطي طول للرموش " اكستريم " يعني الاقصى . 


ولاول مره احس احد يصدق بشي فعلا تعطي طووووول بعمنى طوول للرموش وحبيت هالشي جدا 
احط طبقتين ورموشي طويله وباقي لها شوي وتوصل للحاجب ، فعلا فعلا تعطي طول للرموش وتفرق رمش عن رمش

بس لاحظت اذا زدت اكثر من طبقه تبدا تتكتل وهالشي ماحبيته ، بس مالاحظتو اني ماجبت سيره اي فوليوم حجم للرموش

فعلا هالماسكرا ابدا ابدا ماتعطي اي حجم للرموش ، يعني افضل اني احط ماسكرا تعطي حجم وبعدها هذي 
وتكون الرموش خياليه ، هذا بالنسبه لي انا 

بس ممكن اللي تبحث عن ماسكرا بس للطول بنصحها في هذي ، اما للحجم ف لا طبعا . 

وممتازه للرموش السفيه توصل لكل رمش ويطلع شكلها حلو وبريء .

تقيمي لها ٤ من ٥  

ونقصت رقم لانه ماتعطي حجم للرموش .


4 comments:

  1. يعطيج العافيه اختيه ع الريفيو
    انا شراتج ما جربت من لوريال اي مكياج ع فكره خخخ
    وصج شكلها غريب شوي

    سلمتي ع الطررح ^^

    ReplyDelete
  2. الله يعافيك يالغاليه
    لرويال ارواجهم حلوه وجربي منهم

    ReplyDelete
  3. إعرفي دوم إن إذا الفرشة رقيقة وضعيفه يعني أنها تطول الرموش وبس أما إذا كانت هيووج وعريضة وضخمة فهي للتكثيف

    ReplyDelete
    Replies
    1. صادقه هذا اللي لاحظته ، لاني دوم اشتري الفرش العريضه ،
      بس حبيت اجرب شي جديد وطلعت حلوه

      Delete