Friday, 6 December 2013

Review : Loreal Extraordinary Oil


السلام عليكم 

مراجعه زيت لتجميل الشعر من لوريال
Review : Loreal Extraordinary Oil



زيت للشعر من لوريال متكون من ٦ زيوت مستخلصة من زهور نادرة 
زيت ممكن استخدامه بشكل يومي او بعد كل شور خفيف جدا وغير دهني ، ريحته حلوه .

فيه نوعين منه النوع اللي معاي وهو لجميع انواع الشعر ، وفيه نوع للشعر المصبوغ ولون العلبه احمر .

ممكن استخدامه على الشعر الرطب او الجاف ، انا افضله على الشعر الرطب احطه على شعري 
من نهايه اذني الي نهايه الشعر وازيد الكميه شوي على الاطراف بحكم انه اطراف شعري جافه والفروه دهنيه
فابد مااقربه على الفروه ، بس ممكن اللي شعرها جاف ينفعها خصوصي انه مو دهني ابدا 
فماراح يزيت شعرها . 

وممكن استخدامه كزيت للشعر كامل قبل الشور ، بس انا بصراحه ماجربت هالطريقه ومكتفيه فيه بعد الشور 
لانه يعطيني نتيجه حلوه وعاجبتني . 

تاثيره جميل جدا على الشعر يعطي لمعه حلوه حيويه وصحيه .
انا اشتريته في فبراير و الحين احنا في ديسمبر وعلى قد استخدامي له بعدي ماوصلت الى نص العلبه تقريبا 
وصلت الى عند كلمه جديد ، المنتج اقتصادي جدا ويطول معاك ، فنقطه تحسب له . 

العلبه جدا جميله وانيقة مصنوعه من الزجاج ، بس طبعا العيب الوحيد في المنتج هو لانه زجاج وصعب التنقل فيه بالسفر .

سعر العلبه تقريبا = ٤٤ درهم .

8 comments:

  1. هل يصلح للاستخدام مع أدوات التصفيف الحراية مثل السيروم؟

    ReplyDelete
  2. هلا فيك اختي مسلمه
    لا
    لانه سيروم عادي او زيت خفيف ومافيه حامي للحراره
    وماانصح تستخدمينه بروحه لازم مع ححامي حراره افضل للشعر
    عشان مايتضرر

    ReplyDelete
    Replies
    1. أها.. بعض الزيوت تتحمل درجات عالية من الحرارة ويمكن استخدامها لذا سألت ^_^
      شكرًا لكِ

      Delete
  3. صح كلامك يالغاليه ، بس لاني اخاف على صحة شعري ماودي اسبب له اي ضرر فاستخدم بخاخ حامي للحراره
    شكرا لوجودك الرائع عزيزتي

    ReplyDelete
  4. تسلمين اختيه حنان ع البوست ....
    يعني عاجي لو بحطه كل يوم جنه كريم جي ؟؟

    وشو فوايده غير
    يعني مثلا يكثف والا يقلل التساقط
    والا

    وسلمتي ع الطرح 3<

    ReplyDelete
  5. هلا والله بالغاليه
    هيه عادي حطي منه كل يوم مايضر لانه يعني لمعه حلوه وصحيه للشعره نفسها بس حطي على الاطراف لا تقربين صوب فروه الراس عشان مايبين انه مزيت

    لا هو ماله فوايد تكثيف او للتساقط
    بس وايد حلو لاطراف الشعر خصوصي مثلا اذا شعرك كيرلي او ويفي وايد يبطلع حلو اذا متسبحه والشعر رطب حطي منه وخليه ينشف طبيعي
    يعطيك تمويجه حلوه للشعر

    فديتج يالغاليه

    ReplyDelete
  6. هالسيريوم جميل جميل جميل بشكل ماينوصف اكثر شي حبيته وحبه شعري
    كل ماتحممت حطيت منه بشعري زي ماوصفتي من اسفل منابت الشعر عندي
    لأن شعري مختلط دهني من الفروة وجاف جدا من الأطراف ..
    لو خلص برجع اشتريه مرة ثانيه لأنه له عندي 4 شهور تقريبا او اكثر فعلا اقتصادي

    ReplyDelete
    Replies
    1. هلا بالغاليه ،
      ايييه جدا جدا ممتاااااز ... ماشفت فيه اي عيب صراحه وفيه يقولون غالي بس مااشوف انه غالي لانه
      طول ممعاي وتوني من كم اسبوع خلصت العلبه اقتصاديه جدا

      ايه وطبيعه شعري نفس شعرك

      ممتااااز جدا ، تسلم لي هالطله الجميله ماننحرم منها

      Delete