March & April Empties 2016 || اشياء خلصتها في مارس وابريل + ٥ شهور على التحدي

March & April Empties 2016 || اشياء خلصتها في مارس وابريل + ٥ شهور على التحدي


السلام عليكم 

تاخرت جدا في طرح هالموضوع بصراحة انشغلت في الفترة الاخيرة وايد و بعدها ماشاء الله دخلنا 
في شهر الخير شهر رمضان والكل منشغل فيه عسى الله يعوده علينا بكل خير ...

خلاص الشهرين اللي راحوا خلصت اشياء وايد بصراحة وكنت بحط الاشياء اللي خلصتها في شهر ٥ بس شفت انه 
الموضوع راح يكون طويل بزيادة ، ف شهر ٥ و٦ راح يكوونون في موضوع ثاني باذن الله .. 

بسم الله نبدا .. اول شي اقدر اقول اني حققت هدفي ولله الحمد
انا عندي هدف اني اخلص ٢٠ منتج كل شهر وخلصت خلال شهرين ٥٢ منتج شي جمييييييل جدا 
جدا وفخوره بنفسي لاني انجزت شي ..

نبدا بالميك اب 

- ماسكرا من ميك اب فور ايفر smoky Extravagant 
شكل الماسكرا غير كانها شجرة الارز ، تعطي جحم وسط للرموش وكثافة خفيفة بعد بس سوادها حلو ، بس ماينفع تكون بروحها لازم معاها ماسكرا ثانية ، وتكتل اذا حطيتي طبقتين .. مااتوقع اني راح اشتريها بس عندي سامبل منها بستخدمه وخلاص ماراح ارجع اشتريها .. 

-

ماسكرا Volume Lash Styler من #ايسادورا 

اول ماجربتها ماحبيتها ابدا .. اولا رطبة وتخرب الميك اب وكانت ماتغييير اي لوك بالأساس تخلي رموشك كانهم كم حبة .. خليتها فتره ورجعت جربتها من جديد ❤️

عكس كل كلامي اللي فوق .. تعطي طول حلو مع شوي حجم للرموش .. توصل لمنابت الرموش بشكل حلو ولا تأذي العين .. ثباتها حلو .. ماانصح بأكثر من طبقتين وبشكل خفيف لانها راح تتكتل بشكل مو حلو .. الفرشة بلاستك ومرنة .. اللي عندي لونها اسود ورقمها ٣٠ 

- كريم اساس من ميك اب فور ايفر ، حلو للبشرة العادية الى الجافة ، مااشوف وايد يتكلمون عنه ، خفيف على البشرة

بس الدرجة شوي كانت غامقة علي ف صوت اخلطه بشوي من هلثي مكس من برجوا .. 

مااتوقع راح اشترية مره ثانية لاني حبيت الهلثي مكس اكثر .

- كريم اساس هلثي مكس من برجوا ، من احلى كريمات الاساس اللي جربتها ينفع يكون يومي ولا ياثر على البشرة

وحلو تخلطينة مع اي كريم اساس ثقيل يطلع حلو ، ساعات احط ضغطتين منه مع ضغطة وحدة من دولتشي اند غابانا ويكون حلو للنهار اذا عندي مناسبة .. اكييييييد برجع اشترية اكثر من مره وشريت لي باك اب منه .. 

- بروفيشنال من بينفت ، حلو للمسام على الانف او الخد احط منه شوي ويخفف لي من شكل المسام ..

عندي بعد منه سامبلز بستخدمهم وبعدين بشتري لي بداله .. 

- كريم يخفف من المسام من بودي شوب كتبت عنه موضوع كامل هنااا 

...

وهذي اشياء خلاص قديمة وابي اتخلص منها ، انا كل فترة اطلع القديم او اللي استخدته وايد ..

...

نروح لمنتجات الشعر 

- شامبو الفيف للشعر العادي الى الجاف  انا شعري دهني وماناسبني ابدا .. كان واصل لي في علبة قلام بوكس

بس استخدمه لشعري اذا كنت حاطة زيت بشعري عشان يشيله كله .. اللي شعرها جاف راح يعجبها 

- بديل الزيت من لوريال ممتااااااز يخلي الشعر زبدة ، انا احب احطة قبل الشاور لمدة ساعة وشعري ناشف 

واغسلة بعدين .. يرطب شعري بشكل حلو انا شعري دهني عن الفروة بس الاطراف جافة وهذا يرطب لي شعري ...

يمكن ثاني علبة اخلصها منه .. 

- سبريه للشعر من بوتس ، والله جميل كنت مستعجلة ومالقيت الا هو جدامي واخذته وممتاز والله

وحتى ريحته حلوه وسعره رخيص ب ٦ او ٩ دراهم ..

- ماسك الماكاديما للشعر جدا حلو يرطب الشعر بشكل جميل واتوقع الكل جربه لانه اخذ صيت عالي 

- فيتامين الشعر اللي ارجع دايما اشتريه ومناسبني جدا والحمدلله ماشفت اي اثار جانبيه عليه وهذا ريفيو كامل عنه .

...

نروح لمنتجات العناية بالبشرة 

- كريم للوجة من كودالي ، هالمجموعة استخدمتها كلها بس بصراحة ماشفت منها فايدة كبيره للاسف . 

- غسول زيتي لازالة المكياج من Nip+Fab للاسف الشديد ماحبيته ابدا يحرق العين ويغوشها بعد صح يشيل الميك اب بس ثقيييييل ثقيل بزيادة ، ابدا ماراح افكر اشتريه مره ثانية ..

- كريم واقي من الشمس من افين ، هالنوع للاسف ماناسبني ابدا ابدا ، يخلي وجهيي رمادي وابيض اول مااحطه ، ماعجبني ابدا 

- كريم واقي من الشمس من شسيدو هذا حلو وكتبت عنه موضوع كامل هنا شوفوه 

- تونر للبشرة من لاش جدا حلو حبيت انه ماحسس بشرتي وممكن ارجع اشترية مره ثانية ، كتبت موضوع كامل عن منتجات لش وكتبت عنه بعد هناااااا

...

- سكراب ال 7 scrub من كلينك ، جدا جدا حبييييته عادي جدا اني ارجع اشترية حبيته ويقشر البشرة بشكل حلو ويخليها ناعمه بعد التقشير . 

- الجمااااال كله سيروم تفتيح البقع للبشرة من كودالي عادي ارجع اشتريه اكثر من مره جدا جدا ممتاز كتبت عنه في الانستقرام 

- كريم العيون من N 7 ، عادي بصراحة كتبت عنه في الانستقرام 

- سيروم من كودالي من نفس مجموعة الفيتامين سي ، عادي بصراحة ماحسيت معاه بنتيجة حلوه للاسف .

- غسول منظف للوجة من لش ، فكرته غريبة شوي تاخذين شووي منه وتذوبينه بماي وبعدها تغسلين وجهك ، حلو للبشرة الجافة والحساسه .

...

- سيروم للعيون من كيلز ، قريت عنه وايد انه ممتاز ويخفف من الخطوط والتجاعيد ، للاسف ماشفت منه اي نتيجة خلصته كامل بس مافيه اي شي يذكر غير الترطيب . 

- سيروم من Eucerin ، تستخدم كل امبولة لمدة اسبوع كامل وتساعد بتفتيح البقع في البشرة ، والمفروض استخدم كل ال ٦ امبولات مع بعض انا استخدمت وحدة بس ومااقدر احكم عليه .. لين مااخلصهم كلهم مع بعض ..

- عينة واقي من الشمس من بايودريما ، ماحبيييييته ابدا يخلي الوجة ابيض وبعد فترة يصير رمادي ..

- لوشن خفيف جدا للترطيب من جيفنشي ، حبييييييته وممتاز قبل الميك اب جدا جدا حلو ، عينة وصلت لي من قلام بوكس .

- عينة تونر من ماركة كورية ايضا كان من قلام بوكس عاددي ماشفت شي واااو منه .

...

- ماسك من ماركة دكتور جارت لتصغير المسام ، جدا حبيته وكتبت عنه في الانستقرام  وعادي ارجع اشترية .

- سامبل من دريمالوجيكا اعشق هالماركة جدا ومنتجاتها تناسبني ولله الحمد ، هي عطتني هالعينة احطها على اماكن الحبوب والحمدلله خفت ، وناوية ارجع اخذ الحجم الاكبر .

- بعد عينة واقي للشمس من بايودرما بعد ماحبيته .

- الحب والعشق كله ، قطن دايسو راااااائع جدا جدا وناعم على البشرة وورخيييييص يستاهل والله .

..

نوصل ل منتجات الجسم 

- كريم للجسم بزبدة الشيا من ايف روشية راااااائع جدا جدا وناوية ارجع اشتري منه من جديد بس اخلص من كم منتج من عندي 

حبيته وكتبت رائيي فيه جدا ممتاز لترطيب البشرة .. هذا رائي فيه 

- كريم مرطب للجسم بريحة المسك هو تابع لمجموعة ، انا احب ريحة مسك النخبة اعشقها هالكريم حلو كريحة بس اما الترطيب عادي مثلة مثل اي مرطب للجسم .

- شاور جل بزيت الزيتون اخييييرا اخييييرا خلصته ريحته للاسف ماحبيتها ريحة زيت زيتون قوية ابدا موحلوه والعلبة كبيرة 

صراحة صرت استخدمه لاي شي بس عشان اخلصه .. ماحبيته ابدا ..

...

- كريم Complex A، اخذت بعد كلام الصيدلي عنه لاني كنت ادور على منتج يخفف من شكل الجلد المحبب او اللي يكون فيه شعر تحت الجلد .. هالكريم ممتاااااااز خفف لي هالمشكة بشكل واضح .. سعره شوي غالي على حجمه الصغير ٢١٠ يمكن 

بس تستخدمينه كل يوم .. انا مو يوميا افضل استخدمه بعد الشاور وخصوصي اذا سويت سكراب للجسم عشان تكون المسامات مفتتوحة بس ممتاز جدا .. وانصح فيه .

- كريم للجسم بالشيا من كلارنس ، من كثر حبي له مااستخدمه وايد ممتااااااز ، ترطيب جميل جدا واللبشرة تتشربة بشكل حلو والترطيب بدوم لفترة طويلة .. 

- زبدة للجسم من ماركة وش مااعرف وين ممكن الاقيها للاسف الشديد بس حبيته وكتبت عنه اكثر هنااا 

- كريم للجسم هالماركة مااعرفها بس وصلت لي فيه علبة ، ترتطيب حلو ووسط بس الريحة اجمللل شوي سويت بس المكس هذا كله جدا حلو .. مااعرف وين ممكن الاقي هالماركة .

...

- مقشر للوجة من سيام بالعسل ، انا مااحب اي شي فيه عسل بس هالمقشر ممتاز استخدمته لجسم مو لوجهي لاني مااحب ريحه العسل ، تاخذين منه شوي وتخلطينه مع الماي وبعدها قشري كل جسمك فيه ، ممتاااااز لانه بشيل الجلد الميت . حبيته ..

- مقشر لليدين خلصته وعجبني بصراحة  وكتبت عنه بشكل اوسع هناااا

...

- زيت للاظافر من ايسينس ، جدا حلو هذي ٢ او ٣ علبة اخلصها ، يرطب الجلد ووسعره رخييييص 

كتبت عنه ريفيو من زماااااان 

- معقم لليدين حلو مو قوي على البشرة ..

- ديودرنت من فا ، ماحبيته ولا حبيت ريحته قويه جدا ريحة عطر .

- ديودرنت من ريكسونا ولا ارررروع مااستغني عنه ابدا دايما اشترية ولا اغير عنه . 

...

- صابونة للجسم من لوكستيان بريحة الياسمين ، حبيتها الريحة تملي الحماام جدا اعجبتني .. 

- سامبل عينة لكريم للجسم من سسلي ، الريحة قوية قوية قوية لانه العطر ماشاء الله معروف بثباته حتى الكريم مع انه عينة ثبات الريحة لليوم الثاني اشمها بجسمي .. 

- عدسات جونسن احلى عدسات مريحة جدا وتدخل اكسجين للعين جدا حلوه وممتازة ..

..

العطور 

- عطر للشنطة بريحة المسك من مسك النخبة اعشششقة .. ودايما اشتري منه .

- عطر للجسم من تيد بيكر جدا حلو خلصت الحجم الصغير ،عندي الحجم الاكبر جدا حلو للبيت .

- شمعة Red من باث اند بودي، اعجبتني ، وممكن ارجع اشتريها مره ثانية ..

- عطر بخاخ للجسم من باث اند بودي  هالريحة حلوه للي يحب ال

عنبر شوي سويت بس حلوه للبيت ..

...

وخلصت كذا شغلة صغيرة مخلط ، مسك وعطور منوعة سامبلز ..

وبس هذا كله اللي خلصته في هالشهرين والحمدلله حققت الرقم اللي ابيه وان شاء الله استمر 

وموضوع شهر ٥ و٦ ان شاء الله قريب قبل العيد لانه عندي اشياء خلصتها وابي اكتب عنها قبل شهر ٧ لانه وايد 

..

November Empties 2015 | اشياء خلصتها في نوفمبر ٢٠١٥ + ممنوع اشتري اي شي لمده ٤ شهور

November Empties 2015  |  اشياء خلصتها في نوفمبر ٢٠١٥ 

السلام عليكم 

من فترة كتبت نفس هالموضوع بس لشهر ١٠ شوفوه هنا ، ووقتها كنت كاتبة اني ماحبيت خلال فترة ٤ شهور

اكون خلصت كمية قليلة من المنتجات ، ف في شهر ١١ نوفمبر حطيت لي اهداف ، والحمدلله حققتها 

ليش اهداف ، لاني ابي اخلص من وااااايد اشياء عندي سواء احبها او لا ، وشلون احاول استخدمها حتى لو مااحبها 

ف في هالشهر ركزت على كل شي باقي فيه ربع ، و السامبلز ، لاني جمعتهم في مكان واحد وكل يوم اطلع شي

شي شامبو شور جل او حتى كريمات وسيروم .. 

والحمدلله هالشهر خلصت وااايد وهذا اللي ابيه .. هالشي خلاني اقرر قرار يمكن شوي صعب علي بس باذن الله بقدر عليه

من شهر ١٢ ديسبمر الى شهر ٣ ، انا في تحدي مع نفسي اني مااشتري شي ابدا .. 

الحمدلله عندي اللي يكفيني وزيادة واذا خلصت شي ولا عندي له بديل وقتها اشتري .. 

يعني من الحين الى شهر ٣ ممنوع اشتري اي شيء ، لانه ماشاء الله ساعات توصلني اشياء للتجربة وغير اللي انا اشتريه

صار عندي كمية كبيرة من اشياء العناية والميك اب ، ولا اقدر استخدم شي ، انا مو من النوع اللي يحب يكدس الاشياء

وهالشي بدا ينرفزني واصلا ماصار عندي مكان بالغرفة حتى اني ارتب اغراضي واقدر اشوف واستمتع بكل شي عندي 

ف قرار منع الشراء شي لابد منه في هذي الفترة ، الشي الوحيد اللي ابي اشترية هو برايمر للعيون لاني خلصت اللي عندي ولا عندي له بديل 

هذي الاشياء اللي بركز عليها هذي الفترة عشان اخلصها ، مجموعة كاملة ومنوعة 

واتمنى اني اخلص اكثر عدد منهم ويكونون موجودين في موضوع الشهر الجاي لديسمبر 

...

نشوف الاشياء اللي خلصتها هالشهر 

- منظف للمكياج من لوريال ، حلو وكتبت عنه ريفيو كامل هنا ..

- مقشر للوجه من كلين اند كلير ، بعد كتبت عنه ريفيو كامل هنا ..

- مناديل منعشة لتنظيف الوجة من المكياج من نيفيا ، حلوه ومو حلوه بنفس الوقت هي تشيل الميك اب بس لازم تبللينها شوي ب ماي ، لانها شوي جافة مو مثل باقي الماركات .. الحلو فيها انها ماتحرقني مثل جونسن ..

- قطن للتونر وغيره من سيفورا ، ممتاااز بصراحه وخلصت منه كذا واحد فيه ٧٠ حبة ب ٩ دراهم .

وعشان تكلمنا عن مزيلات المكياج نوصل للميك اب اللي خلصته 

- اول روج من كرازا ، لونه برتقالي هادي ، قديم وخلاص حان وقته .. 

- ونفس الشي ل ٣ قلوسات من ريفلون ، شريتهم من المطار ، اخر واحد عشقته تقريبا خلصت نصه ، بس خلاص 

بعد حان وقتهم ، انا كل فترة اشوف الميك اب اللي عندي اذا فيه شي تغيرت ريحته خلاص اطلعة 

- برايمر للعيون من ايسنس ، حلو ورخيص ، كتبت عنه هنا .. 

- جل لاينر على شكل قلم من بينيفت ، خلصته وكتبت عنه هنا ..

- بيوتي بلندر لي ولاختي خلاص بدلناهم ب ٢ جدد ، وفي الاخير فرشتين عطوني عمرهم ، خلصت عمرهم الافتراضي 

ومشكورين ماقصروا معاي في رحلتهم ... 

- سيروم مضاد للتجاعيد من كودالي ، خلصته كله ، بس ماشفت نتيجة واااااو ، لا كان عادي .. 

- كريم للعيون من افين حلو بس مشكلته ماتقدرين تستخدمينه كل يوم ، انا استخدمه بالليل بس يوم ايه ويوم لا ، لانه قوي على البشرة ، نتيجة حلوه على العين بس اذا استخدمه كل يوم اعلى منطقة في الخد تكون حساسة بزيادة .. 

- كريم الوجة خاص لليل نفس كريم العيون ، حلو جدا ، ونفس الشي استخدمه يوم ايه ويوم لا ...

- جل للعيون من كلارنس Eye Contour Gel ، هالماركة اللي كل شي جربته منهم حلو ، جل للعيون باااارد يستخدم الصبح يخفف من الاتفاخ و الهالات السودا ، هو يخفف الانتفاخ اكثر من الهالات ، يمكن لانه هالاتي غامقة ف ماراح يبين معاي الفرق ..

سامبلز من اليمين :

- كريم للرقبة من Klapp ، كريم عادي مافيه شي مميز .. 

- سيروم للعيون من ديرمالوجيكا احب هالماركة عندي منهم عينات ابي اخلصها قبل ماافتح السيروم الجديد نفسه 

افضل ماركة استخدمها وارتحت عليها هي ديرمالوجيكا ...

- تونر من كيلز ، على انه عينة الا اني استخدمته ٣ مرات ، هو تونر منقي ، بس طلع لي حبوب ، ممكن انه طلع لي الحبوب اللي كانت بتطلع بعد فترة بما انه منقي ..

- جل للوجه من لوكستيان ، خفيف وباااارد على الوجه ، عادي ماحسيت انه وااااو .. 

...

- لصقات بيوريه ، افضل في في السوق للرؤوس السودا ، خصوصي اللي مكتوب عليها الترا ، افضل وقت تستخدمينها فيه ، بعد شور دافي حطيها وانتي بالحمام لانه المسامات تكون مفتوحه ، واطلعي من الحمام وخليها الى ان تنشف تقريبا ١٥ دقيقة ، على ماانتي تلبسين وتحطين كريماتك الا هي جافة .. بتشوفين شي ماشفتيه من قبل اذا كانت عندك رؤوس سودا وبيضا .. 

- النوع الثاني اللي ب زيت شجرة الشاي ، كلش ماانصح فيه ، اصلا ماتلصق زين وتطيح ، وماتسوي شي ابدا .. 

- اخر شي امواس للوجة ، انا استخدمها بين جلسات الليزر .. حلوين ، انا اخذهم من دايسو 

- شريت فرشة جديدة ل جهاز تنظيف الوجة من كلينك ، احب هالجهاااز جدا .. هذي القديمة خلاص انتهت 

اما الجديدة احلى وشكله الشعر منفوش واحلى .. 

....

وخلصنا عطرين 

- Diva Rose ، بارد وخفيف علي ورد شوي  احب استخدمه بالبيت .

- Paris Amour من باث اند بودي ، كتبت عنه هنا .. 

نوصل ل العناية بالجسم 

- زبدة الجسم بزيت الارغان من بودي شوب ، رائعععععععة جدا جدا ، هذي مكتوب عليها ترطبيها لمده ٢٤ ساعة 

غير عن باقي الزبدات اللي عندهم ، انا حبيتها جدا .. 

- مقشر الجسم بعد ب زيت الارغان ، تقشير خفيف اذا جسمك مبلل ، بس صرت اقشر جسمي وهو جاف قبل ماادخل الشور و التقشير افضل بهالطريقة مع المقشرات الناعمة شوي .. 

- زيت Divine من كودالي ، هذا للوجة والشعر والجسم ، انا استخدمته للجسم بس ، وعجبني هو زيت جاف يعني مايخلك مزيته ، انا اخلطه مع اي كريم للجسم او زبدة عشان  ارطب جسمي زين .. هذي عينة صغيرة ..

- شور كريم للجسم من سيفورا ، عينات عندي منهم ويمكن باقي لي واحد ، صراحة حبيته ناعم على الجسم ويرطب .

- امبولات لتساقط الشعر ، جدا احبها ولا استغني عنها .. وخلصت علب وايد منها .. 

- شامبو ريحاب من لش ، اعششششقة كتبت عنه من قبل هنا ..

- شامبو لتساقط الشعر من EST ، هالماركة موجودة في بوتس ، وشعر الشامبو ١٦٠ درهم ، صراحة عادي ماشفت شي انه قلل التساقط او لا ، لكن بشكل عام شعري قل تساقطة ولله الحمد .. 

- شامبو وبلسم من Nanogen ، يكثف الشعر ، اعجبوني بصراحة ، ناعم جدا على الشعر ويرطب ، وريحتهم حلووووه حيل

مااعرف من وين مممكن اشتريهم بس ببحث عنهم اكثر ..

- شامبو وبلسم من rahua ، عادي مافيه زود ..

وبس هذا كل اللي خلصته في هالشهر ، وان شاء الله احاول اخلص اكثر الشهر الجاي 

....

مشتريات و تجارب من لش | Lush Haul & Review

مشتريات و تجارب من لش | Lush Haul & Review 

السلام عليكم 

مساء الدلع ، كل نفس لها حق تتدلع باي طريقة كانت ، واليوم مسانا دلع مع منتجات حلوه من محل لش .. 

مشترياتي وتجاربي مع منتجات من لش ، حبيت اشاركم فيها عشان تستفيدون منها ، وانتوا بعد فيدوني باي شي 

جربتوه وحبيتوه من هالمحل المميز .. 

RUB RUB RUB

 جل مقشر للجسم بملح البحر .. يقشر الجسم بطريقة لطيفة اذا استخدمتيه وانتي تحت الشور ، وممكن استخدامه بتاثير اقوى اذا كان جسمك جاف اخذي كمية صغيرة منه وقشري جسمك فيه وبعدها اغسلي جسمك تحت الشور ، راح يعطيك نتيجة جدا حلوه ، وعلى كلامهم ممكن استخدامه للشعر 

بس مستحيل استخدمه لشعري .. احسه قوي على فروة الراس .. 

ريحته حلوه ومنعشة ، والملح والليمون يساعدك على توحيد لون الجسم ..

سعره ب 100 درهم ، ويتوفر بحجم واحد بس  

EAU ROMA WATER 

سبرية الوجة بالورد واللافندر " خاص بالبشرة الجافة "  اخذته لاني كنت ادور على تونر لبشرتي ونصحتني فيه ..

جربته كم مره خفيف جدا على البشرة وماتحسين انه تونر قوي وممكن يحسس او يهيج بشرتك ، لانه ممتاز للبشرة الجافة والحساسة يخفف من التهيج .. عجبتني لانه عندي منطقة الخدود دائما جافة وحساسة مااقدر استخدم اي شي لانها تهيج وتحرقني في بعض الاوقات .. 

المنتج هذا موجود بحجمين  : صغير ١٠٠ غرام ب ٤٥ درهم " هو اللي عندي " والكبير ٢٥٠ غرام ب ٩٠ درهم .

شامبو Rehab 

صديق الشعر الدهني ، اعشششششقة ولا استغني عنه ابدا ابدا ، لانه شامبو منقي للشعر الدهني ، استخدمه مره في الاسبوع ، ومناسب جدا قبل اي مناسبة لانه يخلي الشعر نظيييف تماما وحلو مع السشوار .. 

وكتبت عنه ريفيو هنا ممكن تشوفونه .. انصح فيه وبشدة 

وفيه منه ٣ احجام الصغير ١٠٠ غرام ب ٦٣ درهم ، الوسط ٢٥٠ غرام ب ١٢٦ درهم ، الكبير ٥٠٠ غرام ب ١٩٠ درهم .

Angels on bare skin 

منظف ومقشر خفيف للبشرة ، شكله غريب صح ! .. هالمنظف ممتاز للبشرة المختلطة الى الجافة ، والحساسة بعد ، فيه زيت اللوز و اللافندر و الورد .. 

طريقة استخدامه : تاخذين قطعه صغيره منه وتبللين ايدك بشوية ماي وبعدها لين ماتذوبين القطعة اللي اخذيتها وراح يتكون عندك سائل وتغسلين وجههك فيه بشكل دائري عشان تقشرين الوجه بنفس الوقت .. 

خفيف ولطيف جدا على البشرة مايحسسها او يهيجها ، بعد ماتغسلين وجههك بالمقشر راح تحسين بوجه مترطب .. 

موجود بحجم واحد ١٠٠ غرام ب ٧٣ درهم .

Full of Grace 

بالبداية بتشوفون كآنها صابونه بس لا ، سيروم للبشرة بس على شكل صابونه ، ممتازه للبشرة الجافة والحساسة ، وتناسب البشرة المختلطة ، هالشيء الجميل تسوون فيه مساج للبشرة ويعطيها نعومه حلوه ، ممكن تستخدمون كميه قليله قبل المرطب الخاص فيكم ، او ممكن قبل اي ماسك للوجه .. 

طريقة الاستعمال تذوبينها شويه على ايدك وبعدها تسوين مساج لوجهك .. او تاخذينها كلها وتمررينها على وجهك وهي راح تذوب بسرعه .. ماانصحك تكثرين منها لانك راح تلمعين ، كميه بسيطها منها تكفي والبشرة تتشربها بشكل حلو .. 

من مكونات السيروم الفطر ، بس ريحته حلوه ..

لازم تحفظ بمكان جاف ، لانها راح تذوب .. 

السيروم ب ٩٥ درهم وحجم واحد فقط .. 

soft Coeur 

زبدة تدليك للجسم ..غنية بزبدة الككاو ، وبكل صراحة انا اكرهه زبدة الككاو عشان ريحتها مااقدر اتحمل الريحة بس فوايدها عجيبة للجسم ، الحلو ب هالشي اللذيذ انه شي سريع ، تاخذين هالزبدة وتدلكينها على جسمك وتبدا تذوب ، حلوه بعد الشاور وترطيبها غني ، صراحه الريحه تخف وماتكون واضحة بزيادة .. هذا اهم شي بالنسبة لي ، عجبني ترطيبها جدا .. 

سعر هالشي الجميل ب ٦٠ درهم .

 Sandstone 

طبعا لش مشهورين ب انواع وايد من الصابون ، اشكال وروايح عجيبه ، كل نوع يناسب شي معين ، انا هالصابونه اخذتها من قبل وجدا جدا حبيتها رجعت اخذتها من جديد ، صابونه تنظف الجسم من قلب مع تقشييير حلووو جدا .. احب تقشير هالصابونه لانه يطلع الشعر اللي تحت الجلد ، هالشي حببي فيها .. 

احب ريحتها ليمون مع زنجبيل .. والشي المميز ب هالصابونه موجود في اسمها ، المقشر اللي بالصابونه هذي عباره عن رمل ، ف يقشر الجسم ويعطي نعومه حلوووه .. جربوها .. تستاهل بصراحة .. 

الصابون تاخذين بالحجم اللي انتي تبينه ، تقريبها هالقطعه ب شي و ٦٠ درهم .

 Catastrophe Cosmetic 

ماسك بخلاصة التوت الازرق ، هذا الماسك طبيعي ولازم ينحظف بالثلاجة وصالح للاستخدام لمده ٣ اسابيع 

فيه التوت الازرق وزيت اللوز و البابونج ، مناسب انه يهدي البشرة 

طريقة الاستخدام : 

تمدينة على بشرتك ماعادا العيون طبعا و تتركينه من ٥ الى ١٠ دقائق ، 

استخدمته مرتين ، وبكل صراحه ماعجبني ابدا .. اولا ماينمد زين على الوجه يتكتل ويحوس الدنيا ..  مع انه شكله تحسين انه راح ينمد بطريقة حلوه بس لا .. 

والشي الثاني انه بشرتي تحسست منه و اطلعت لي حبوب اول مره اشوفها .. وفي اماكن مااطلعت لي حبوب فيها من قبل ..

ماحبيته بصراحه .. ولا انصح فيه .. ممكن الانواع الثانية تكون حلوه بس هذا لا .. 

وسعر الماسك ب ٦٠ درهم . 

وبس ، شاركوني تجاربكم ب منتجات من لش .. 

Lush Fresh New Collection of Innovations

A Fresh NEW Collection of Innovations from LUSH

For Summer 2014

This latest collection from LUSH Fresh Handmade Cosmetics has been designed to make you feel Lush all over this summer. There’s something for everyone; ranging from bath treats, to shaving creams and hair styling products. 

All are made with the finest ingredients, some of which are coming from our Sustainable Lush Funded (SLush Fund) projects; are self-preserving; cruelty free; and handmade freshly to order for our shops nationwide.  

Zest hair gelly

AED 125 / SAR 128 / LL 51,440 / KWD 10 / BAH 13 / QAR 124/ OMR 13

Self-preserving orangey hair jelly that gives both your hair and mood a boost.

Made with a simple formula full of zesty ingredients, this self-preserving hair jelly will give your hair great hold, without leaving it feeling greasy.   The fragrance contains sweet wild orange oil from the fruit we eat; pettigrain oil from the twigs of the bitter orange tree; and neroli oil from the flowers of the bitter orange tree. There is also moisturising and thickening carrageenan extract in there, from Irish moss seaweed, to help create texture.

Good to know

Inspired by punks using sugar to create mohawks, the sugar in the orange juice boosts the holding power of this hair jelly.

How to use

Tap it out and rub it in your hands to lightly coat. Pop the jelly back in the pot and smooth your palms over your hair to create your desired style.

Granny Takes a Dip bath bomb

AED 34 / SAR 35 / LL 13,992 / KWD 3 / BAH 4 / QAR 34/ OMR 4

A multi-coloured bath bomb with an uplifting, spicy citrus scent.

This one will leave psychedelic swirls of foaming colour across your ginger, pepper and lemon-scented bathwater.  Simply drop into a warm bath and watch as its fizzing centre dissolves into multi-coloured waters.  Its spicy, citrusy scent will pep you up; lemon oil boosts the mood, while ginger and pepper are warming and boost circulation.

Origin and inspiration
This ballistic takes its name from the Purple Gang’s song ‘Granny Takes a Trip’ and the 1960s clothing boutique on London’s King’s Road, where LUSH also has a shop and Spa. The colours match the jackets worn by the Beatles on the Sgt Pepper’s Lonely Hearts Club Band album.

African Paradise body conditioner

AED 185 / SAR 189 / LL 76,131 / KWD 15 / BAH 19 / QAR 185/ OMR 20

A heavenly in-shower body conditioner packed with African oils, butters and fruits.

A self-preserving in-shower body conditioner full of conditioning ingredients from SLush Funded projects in Africa, such as: softening Fair Trade shea butter and Fair Trade moringa oil from Ghana to brighten the skin; cooling Fair Trade fresh aloe vera from Kenya; and ylang ylang from Ghana in the fragrance blend. We are also starting to use ingredients from new SLush Fund projects, such as baobab oil from a women’s cooperative in Northern Ghana; and marula oil from South Africa.

Sympathetic Buying
Due to the way we encourage farming of ingredients, these materials can be limited availability and as such are subject to change. We are working on a sympathetic buying programme to ensure the farmers and the earth are cared for too.

How to use
Use it like a conditioner: after washing, apply to damp skin in the shower and lightly rinse to leave your skin feeling soft and silky all day.

D’Fluff shaving cream

AED 70 / SAR 72 / LL 28,806 / KWD 6 / BAH 8 / QAR 70/ OMR 8

A fluffy shaving cream made with FRESH strawberries, coconut oil, maple and corn syrups and egg whites.

Fresh strawberries are whisked together with moisturising Fair Trade Cocoa Butter from the FUNDOPO collective (in the Dominican Republic) to create a gorgeous bit of fluff that leaves you silky smooth. This marshmallowy treat contains coconut oil, maple and corn syrups, and egg whites to create a light texture that makes defluffing a dream. The fragrance contains comforting Fair Trade vanilla absolute, sweet wild orange oil and rose absolute. Suitable for both lady’s legs and men’s faces.

How to useApply to damp skin and shave, rinsing the blade frequently. Alternatively, use as a body wash.

Mangnificent soap

AED 45 / SAR 46 / LL 18,518 / KWD 4 / BAH 5 / QAR 45/ OMR 5

A ripe and juicy mango soap with uplifting lemon, mandarin and neroli oils.

This refreshing soap awakens the mind and body with its luxuriously fruity mango and lemony aromas. Mangnificent contains a blend of dried and fresh mango. The fruit cleanses the skin and is an excellent nutritional source, containing an abundance of vitamins, minerals and antioxidants - calcium, potassium, vitamin A, E and C and several B vitamins. The bar also includes floral Tunisian neroli oil that is uplifting and toning on the skin. Twinned with the fresh Sicilian lemon and mandarin oils, it’s the perfect soap for those sluggish mornings.

Parsley Porridge soap

AED 45 / SAR 46 / LL 18,518 / KWD 4 / BAH 5 / QAR 45/ OMR 5

A herbal soap with detoxifying parsley, antibacterial tea tree and milky oatmeal.

Clean up your act with this antibacterial soap suitable for body and face. This solid soap is the perfect combination of bacteria busting thyme and tea tree oil with deep cleansing fine milled porridge oats. The porridge oats lift dry and dead skin whilst the aloe gel cools and revives. Perfect for oily acne prone skin. 

These products are available in LUSH stores across the region. For shop details or to order online, please log onto at www.lush.ae