الأربعاء، 20 يناير 2016

محل ومدونة CraftsLove


محل ومدونة CraftsLove


الابداع؟


. أن ترى ما لا يراه الآخرون، أن ترى المألوف بطريقة غير مألوفة
 تنظيم الأفكار و ظهورها في بناء جديد انطلاقاً من عناصر موجودة

هو القدرة على تكوين و انشاء شيء جديد ، أو دمج الآراء القديمة أو الجديدة في صورة جديدة ، أو استعمال الخيال لتطوير و تكييف الآراء حتى تشبع الحاجيات بطريقة جديدة أو عمل شيء جديد ملموس أو غير ملموس بطريقة أو أخرى.

اعشق البنات المبدعات في اي مجال سواء طبخ ، تصوير ، تصميم او حرف يدوية . 

انا من عشاق الاعمال اليدوية وللاسف الشديد هالجانب ماطلعته في مدونتي، لكن انا اتابع الكثير من المدونات المهتمة والمختصة بالاعمال اليدوية ، وفيه مدونة لازم لازم ازورها شبه يومي عشان اتاكد اذا فيه موضوع جديد او لا .. 




مدونة اماراتية متميزة ماشاء الله ، تصميم المدونة بروحة يتكلم عن المحتوى 
بساطة واناقة في نفس الوقت ، كل شي واضح وسهل للوصول له .. 

حتى تصويرهم وشرحهم شي يفتح النفس اولا وثانيا واضح ومرتب وغير شرح الفيديو بعد ، لانه الفيديو صعب مو الكل يقدر يسويه بس هم ماشاء الله قادرين على هالشيء ، ربي يوفقهم اكثر واكثر ياااااارب 

ماشاء الله المدونة ثرية بمحتواها ومتنوعة في اكثر من مجال يخص الاعمال اليدوية .. 

الافكار جميلة وسهلة ، حتى طبيقها سهل وسريع ولا تحتاجين ادوات خيالية وصعب انج تلاقينها 



عندهم اقسام متنوعة وراح اذكر البعض ، قسم خاص بالاعمال المجانية اللي انتي تقدرين تطبعينها وتستخدمينها مثل التقويم الميلادي والهجري " واللي صعب نلاقي تقويم يجمع الاثنين " .. وفيه علب و واظرف ومطبوعات خاصة بالعيد 


وفيه قسم مختص بزينة الحفلات .. حبيت الافكار اللي فيه بيسطة وسهلة ونحتاجها بتزيين حفلاتنا
التخرج و لعشا بسيط .. 



والقسم الاجمل قسم افكار الهدايا .. 
كلنا نبي افكار جديدة للهدايا سواء الهدية نفسها او طريقة التغليف لاننا ملينا من الشكل المآلوف ونبي شي جديد ، صراحة فيه كم فكرة بطبقها اذا اهديت احد هدية .. افكار بسيطة بس ناعمة وانيييقة  بنفس الوقت ، احب الهدية اللي يبين انه صاحبها تعب فيها مو شرط تكون غالية لكن فيه لمسات تبين انه هالشخص مهتم .. 



غير كل الابداع عندهم محل الكتروني ، تلاقين فيه كل شي هم مستخدمينة في الدروس 
والحلو انهم في الدروس يشرحون طريقة استخدام المنتجات مثل اداة ١-٢-٣  اللي تحتاج شرح شوي عشان تعرفين القياسات المناسبة للتصميم اللي انتي حابه تسوينة .. 

المتجر منتوع ويوفر اغلب الاشياء اللي ساعات صعب انج تلاقينا في مكان واحد و يقدم خدمة التوصيل بعد .. والتسوق الالكتروني صار اسهل واسرع .. المتجر يوصل للامارات طبعا ولكل دول الخليج ..

طلبت اشياء منهم ووصلتني ماشاء الله بسرعة خيالية ، ووصل لي شي بعد جمييييل بتكلم عنه بعد شوي .. بس نشوف شنو طلبت بالاول .. 

طلبت كذا شيء ووصلوني مرتبين ومغلفين بشكل جدا حلو و آمن عشان ماينكسر شي او يخرب ، حبييييت هالشي جدا اقدر الناس اللي ترتب وتغلف الطلب بشكل ممتاز عشان يوصل سليم لصاحبته .. 


...


طلباتي الجميلة :


اول شي : ملصقات او ستكرز للعلب او الاظرف ، تكتبين عليها اسمك واسم المرسل له ، كل تصميم احلى من الثاني من الالوان اللي احبها ، وجدا متحمسة استخدمها .. تلاقونها هنااا 


دفتر صغير يجمع اوراق قاسية شوي ، هذي عاد ابدااااع الحلو انه دفتر كامل وكل ورقة يختلف تصميمها عن الثانية مناسبة لعمل بطاقات تهنئة او تاق لهدية ، او تستخدمين القطاعات وتسوين اشكال فراشات وغيرها .. هالاوراق بحر من الافكار .. تلاقونها هنااا 



طلبت الوشي تيب ، لونه جميل جدا ، واستخدماته متعددة باذن الله بعرض في يوم ثاني كم شي استخدم فيه الوشي تيب تلاقونه هنااا 


واخذت رول كامل من الشرايط وكميته كبيرة ، تلاقونه هنااا

...


وطلبت هالاعواد الجميلة نكشخ فيها الميسن جار ، حبيت التصميم وفيها الوان متنوعة ، تلاقونهم هناااا

...


واخر شي طلبته هالجماااال كله ، اداه حلوه وسهله تساعدك انك تسوين علب ، اظرف وفيونكات من الورق 
اداة راح يحبونها محبين الورق الفترة القادمة راح استخدمها واراويكم النتايج بس اولا راح اشوف الدروس الخاصة على المدونة عشان اتعلم على الاداة بشكل جيد ، تلاقونها هناااااا
...




وبالاخير قدمت لي هدية جميلة جدا ولا توقعتها حبييييييتها جدا جدا جدا جدا ..
اولا بس شوفوا التغليف ، ذووووق بكل شي ..

نشوف محتويات الهدية : 


اضييييييع عند كمية هالجمال كله ، الالوان كلها تعبر عن نفسها ، من الالوان اللي احبها ناعمة وانييييقة .. 
صراحة بعد هالهدية حمستني اعيد ترتيب مكتبي واستخدم هالجمال كله ، لازم لازم اعيد ترتيب المكتب عشان اشوف هالجمال ... 

شوفوا الدفتر ، المشكله ارسلت لي دفتر كانها تدري اني مجنونة دفاتر واقلام و هالاشياء ، اشتريها بس مااستخدمهم 
احب الجمال هذا .. هديتك على الجرح ياريم .. 


او شي ، منظم للاوراق فايلات بحجم ال A4 ، تساعدك علي تنظيم الاوراق 


شوفوا جمال الالوان ، ذووووق 


بورد قتلني بجماله شفاف وفيه نقط ذهبية ، جميييييييل جميل جميل بستخدمة قرييييب  


اقلام رصاص ، بكل صراحة ماراح افتحها ، واذا فتحتها بخليها ديكور فقط ، حرام استخدم هالجمال " ويههي كله قلووووووب " 


وهذا شكل الدفتر من داخل ، بس لحظة شفتوا الشي الجميل ، ايه ٣ مساحات بالعلبة 
هذا الشي اللي من صج من صج ماراح افتحة هذا ديكور فقط .. عشان امتع عيوني بالاناقة 

هدية جدا حبيتها ، ودخلت المحل عشان ابي اكمل الطقم بس للاسف مالقيت اي شي موجود منهم 
بليز حطيهم في المحل اكييييد راح يعجب الاغلبية ، ماشاء الله شي مرتب جدا .. 



والجميلة ريم مسوية عرضين :

الاول : خصم ١٠٪ لكل طلب فوق ال ١٥٠ درهم بس اللي عليك انك تدخلين هذا الكود OPEN10  .

العرض الثاني وخاص للامارات : اول ١٠ طلبات راح يكون لهم هدية ، كل ماطلبتي اسرع راح تضمنين انك راح تاخذين اكبر هدية ، لانه الهدية رقم ١ اكبرررر من باقي الارقام وال ١٠ هدية صغيرة 

العرض يخلص بتاريخ ٢٤ \ ١ \٢٠١٦

ويالله روحوا شوفوا جمال المدونة وابداعاااتها 

هناك تعليق واحد: