Friday, 11 December 2015

مشروع ريماك من مارينا هوم إنتيريورز



مشروع ريماك من مارينا هوم إنتيريورز




السلام عليكم 

محل مارينا المعروف في الامارات وفي دبي بالتحديد كل سنة تقريبا ينظمون مشروع بالتعاون مع طلبة الجامعة الامريكية في دبي ، في عمل مسابقة .. اللي هي اعاده تصميم قطعة من المحل .. 

والطلبة هم اصلا مختصين في التصميم الداخلي ف شي حلو انه محل كبير ومعروف يقدم لهم مثل هالمشاريع اللي تطلع ابداعهم .. 


هذا الكرسي اللي كل طالب اشتغل عليه بفكرته الخاصة ، ونشوف بالخلف بعض التصاميم 





بعض من التصاميم اللي صورتها .. 


وهذا التصميم الفائز للطالبة زينة خوري ، للاسف ماصورته كامل بس فكرته احلى فكرة بصراحة ، لانه حولت الكرسي
الى اضاءة ، بالصورة اللي تحت تبين شكل الاضاءة ، جدا عجبني ، لانا فكرة بشي غير عن انه كرسي .. 

وماشاء الله فازت ب تدريب لمدة ٣ شهور في مجموعة schwizka في المانيا . 

الله يوفقها يارب .. 

وخلونا نجرب احنا بعد نسوي شي ، عطونا صينية من الخشب وادوات والوان وغيره 

انا حبيت اسوي شي يكون عملي و ٢ في ١ 


حبيت اخلي الحواف بلونها الاساسي لونت القاعدة بس ، حطيت دانتيل و لولو .. 

ليش الدانتيل لاني اعشقه ببساطة ، فكرتي كانت اني بالوسط بحط شموع لونها ابيض باشكال واحجام متفاوتة 
واخليها على الطاولة .. والفكرة الثانية ممكن احط اي صورة داخل هالدائرة وتكون اطار .. 

شي بسيط بس فيه اشياء انا احبها .. 


وهذا موقع محلات مارينا للاثاث 

No comments:

Post a Comment