الأحد، 4 أكتوبر 2015

Derma E Refining Vitamin A and Glycolic Scrub


Derma E Refining Vitamin A and Glycolic Scrub


السلام عليكم 


ديرما اي Derma E 

ماركة طبية جديدة في الامارات ، معروفة في امريكا وبدت تنشهر عندنا في الامارات
ولحسن الحظ اني راح اتعاون معاهم باذن الله ، والايام القادمة راح تكشف اكثر واكثر ..

الماركة تستخدم كل شي طبيعي ، ولا تجرب المنتجات على الحيونات ، خالية من مادة الباربين 
وصناعة امريكا 

عطوني مجموعة اجربها واكتب رايي فيها وبكل صراحة وهالشي حبيته منهم ، حاليا اجرب اكثر
من منتج ، بس بكتب عن اول منتج اليوم باذن الله 



اول منتج اللي هو مقشر الوجة | Refining Vitamin A and Glycolic Scrub

شكل العلبة حلو وسهل في الاستخدام ، افضل هالنوع من التعليب 

المشقشر فيه حمض ال Glycolic اللي يساعد في ازالة الجلد الميت ، انزيم البابايا يساعد على تذويب الجلد الميت
و فيه مسحوق من بذور المشمش اللي تساعدك بالتقشير .

+ المشقر هذا مناسب لكل انواع البشرة ، انا بشرتي مختلطة الى جافة وحساسة .

طريقة الاستخدام : 

استخدم كمية صغيرة منه على بشرة جافة او رطبة ، وابدا بالتقشير بحركة دائرية وبخفة .
بعدها يغسل بالماء الدافي . 


رائي فيه : 



جميل جدا ، ناعم على البشرة ولا يآذيها ، ماحسس لي بشرتي ابدا ، وشال القشور الخفيفة من الاماكن الجافة 
واعاد لي التوازن في المناطق الدهنية ، نظف لي بشرتي زيييين ، وتحسين بشد بالبشرة خفيف بعد الاستعمال .

عجبني بصراحة ، عطاني كل اللي احتاجة واطلبه من اي مقشر ، له رائحة خفيفة وحلوه وابدا مو مزعجة .

استخدمة مرتين بالاسبوع ، وهذا كفاية لبشرتي . 



عجبني وممكن ارجع اشترية مره ثانية ، سعره اذا ماكنت غلطانه ١١٠ درهم 

...

اسعار منتجات الماركة جيدة بحكم انها طبية و تستخدم منتجات طبيعية 

تتوفر منتجاتهم في اغلب الصيدليات في الامارات ، ابن سينا ، المنارة وبوتس .

هناك 4 تعليقات:

  1. شكله حلو ودي اجربه
    يعطيك العافيه حبيبتي حنان

    ردحذف
    الردود
    1. انتي الاحلى ياعسسسسل
      الله يعافيك حبيبتي

      حذف
  2. حبيته و اذا لقيته بمكان راح اجربه اكيد
    حبيت البوست حنان و حبيت تصويرك <3

    ردحذف
    الردود
    1. هلا مريم ، ممنوره
      موجود في الصيدليات وبوتس بعد
      تسلمين يالغاليه وانا احاول اتعلم التصوير اكثر واكثر
      عيونك الحلوه

      حذف