الخميس، 6 نوفمبر 2014

Murad Skin Care



السلام عليكم

من فتره قصيره تواصلت مع شركه مراد للعنايه بالبشره ، وارسلو لي عينه بشنطه حلوه 
واعجبتني ..








AHA/BHA EXFOLIATING CLEANSER





غسول مقشر للوجه ، من احب الغسولات المقشره اللي استخدمتها ، ناعم جدا على البشره  يخلي البشره ناعمه ومشدوده
الغسول كريمي وفيه حبيبات ، هي اللي تقشر بس بشكل ناعم جدا وماتآي ابدا ... 

استخدمه هالفتره خلال الاسبوع ٣ مرات بس ، لانه هذا المكتوب على العلبه ، وحاليا بشرتي جافه ومتقشره من الجو وغير
اني كنت مريضه وحساسيه لعبه بوجهي  يعني جافه وبقع متقشره ... 

خفت انه الغسول يهيجها او بشرتي تحسس بزياده ، بس ابدا ماحسيت بهالشي ... 

حبيته وبكمل عليه لين اخلصه ... 

...



RENEWING EYE CREAM






كريم العيون ، وآه من العيون والهالات اللي لحد الحين مالقيت لها حل ابدا ، قريت وايد عنه والكل يمدحه وهالشي حمسني جدا عليه ...
ترطيبه حلو جدا فعلا يرطب الجلد وناعم وتشربه البشره بشكل حلو .. 

يخفف الخطوط الناعمه والهالات ، طبعا انا ماشفت شي لحد الحين لانه مده استخدامي له قصيره بس بكمل والكريم يبي له ريفيو كاااامل عنه 

ان شاء الله بعد فتره اكتب عنه اذا شفت نتايج حلوه معاه ، بس لحد الحين جدا حلو 


موقعهم على الفيس بوك https://www.facebook.com/muraduae

موقعهم الاصلي وممكن تطلبون منه http://www.murad-uae.com/

هناك تعليق واحد: