Monday, 17 November 2014

مطعم ومقهى الفنر الاماراتي

السلام عليكم


من فتره رحت انا واختي لمطعم الفنر في تاون سنتر في دبي ، الجو كان خيالي ونبي جلسه بره
علي هالجو ، ترى جو دبي هالايام خيالي ... يازين دبي بهالاوقات ...

مطعم الفنر هذا ثاني فرع لهم في دبي الاول في فستيفال والثاني في تاون سنتر
اللي يسال وين تاون سنتر في شارع جميرا قريب جدا من ميركاتو ..

...

المطعم كبييير من داخل صراحه ماتوقعته كبير من داخل ، بس عجبني ومرتبين الطاولات بحجم العوايل
مااذكر شفت طاوله ل ٢ ، وهالشي حلو لانه المطعم جميل جدا لغدا وسبق لرحنا له غدا ..


رحنا له في فتره العصر والمغرب انا واختي واخترنا الجلسه الخارجيه ، وماكنت مقرره اصور شي
بس صورت كم صوره بالجوال ،
...



اول ماجلسنا جابوا لنا المنيو وطلبنا وعلى طول جابوا لنا حمص  ك ضيافه من عندهم 


طعمه زين احس يبي له شوي بعد يستوي اكثر يمكن لاني احبه لين بزياده 

...



صوره على مايوصلنا الطلب  ..




خبز جباب ، اماراتي بحت ، اقرب مثال له البان كيك بس فيه سكر وهيك وزعفران من قلب يعني 
اكله بكذا مكان ودايما حلو ، بس هنا للاسف خيب ضني انا واختي فيه طعم ماعرفت شنو هو ماقدرت استسيغه 
شي بالبهارات ، اكلنا اقل من ربع وحده .. بس ماعجبنا ، اخذنا الباقي للبيت 


نجي لسيده السفره ، اللقيمات ، انا من عشااااقها ، احبها احبها احبها 
حتى في رمضان لاني مااكل تمر ابدا ، افطر على ماي وبعدها حبه الى ٣ حبات منها 

اعشقها ، كانت ممتااااااازه وطعمها بالراس ، عجيبه ، وبرجع للمكان عشاااانها ، اكلناها وبعدين طلبنا صحن ثاني للبيت

بس روعه .. 

وطلبنا شاي بس للاسف ماصورته ، يجي قوري شاي وشاي مخدر يعدل الراس .. 

المكان بشكل عام جميل جدا تراثي وحلو ، اذا رحت مره ثانيه صورت لكم اكثر ،،، بس يستحق الزياره 

....


No comments:

Post a Comment