Sunday, 24 April 2016

Purifying Neem Face Wash || Himalaya

Purifying Neem Face Wash || Himalaya

السلام عليكم 


كل بنت تحلم ببشرة صافية وخالية من العيوب ، جربت الكثير من منتجات العناية بالبشرة فيه شي حلو وفيه شي ماناسبني ابدا ، وسبب لي اكثر من مشكله لبشرتي ، عدم توحد في اللون .. حبوب تحت الجلد وحبوب بشكل عام .. وك صاحبة مدونة مختصة بالجمال لحتاج اني اكون اولا راضيه عن نفسي ، وراضية ايضا عن بشرتي .. لاني اسعى انه تكون بشرتي صافية وخالية من العيوب ..

بس للاسف في هذي الفترة اعاني من كذا مشكله ومضايقتني للاسف الشديد .. 

الحبوب واثارها ، متعبين بشكل .. لانها تطلع بشكل مستمر وتترك اثر صعب يروح ، الا بعلاج طويل متعب ومكلف .. 

اخذت ابحث لفتره طويلة عن منتجات طبيعية تساعدني اني ارجع بشرتي لصحتها وتخليها افضل .. بس بعد بسعر معقول .. وكنت مصرة انها تكون طبيعية .. لاني تعبت من المنتجات القوية واللي تتعب بشرتي ، ف كل شي طبيعي اكيد افضل ... 


ف بحثت لفترة عن ماركة حلوه تقدم منتجات ممتازه للبشرة .. وتكون كل مكوناتها طبيعية .. 
لاني وبكل بساطة ماابي اضر بشرتي ابدا .. ف وقع الاختيار على ماركة همالايا ، خصوصي اني اشوف واييييد نساء يستخدمونها من سنين ولا يحبون يغيرون المنتجات من كثر حبهم لها .. 
وشفت انهم متوفرين في اغلب السوبرماركت خصوصي الكبيرة و ماركة همالايا ماشاء الله فيها منتجات لكل شيء .. اخذت فترة وانا اشوف كل منتج واختار اللي يناسبني منهم .. 
لاني عارفة انه مكوناتها طبيعية و بعد لاني كنت مجربة كذا شي منهم من قبل .. والحمدلله حبيت النتيجة 










 غسول النيم لتنقية الوجة Purifying Neem Face Wash 


ليش استخدم هالغسول ، لانه ممتاز لمحاربة الحبوب ويمنع تكون علاماتها ، وهذا اللي احنا نبية بشرة حلوه وخالية من الحبوب والاثار ،و يساعد في ازالة الحبوب اللي تصاحب التغيرات الهرمونية .. ليش اخترت النيم ؟
او شنو النيم بالاساس ، هي عشبة تستخدم من زمااااان فعالة على محاربة الحبوب لانه هالعشبة تقاوم البكتيريا اللي تسبب للحبوب .. وبعد من محتويات هالغسول الكركم .. و الكركم معروف انه مقاوم ل الاتهاب ويخفف بعد من تشكل الاثار .. 

وهذا شكله الغسول 




وفيه نوع ثاني من غسول النيم بس على شكل رغوه والاثنين خاليين من الصابون .. نفس الغسول العادي بس على شكل رغوه 


السؤال اللي دايما يتكرر .. هل فعلا حبيت المنتج ؟ وانصح فيه ؟ 


ايه نعم حبيته وانصح فيه .. لانه قدم لي كل اللي انا احتاجة ف شي طبيعي اني راح احبه ويعجبني

ونعم انصح فيه لاني فعلا شفت نتيجة حلوه .. 

وشي اضافي انه ماركة هملايا متوفرة في كل مكان وغير هذا اسعارها جدا حلوه وتناسب الكل 

ولانه الماركة تستخدم مكونات طبيعية ف هي مناسبة للكل حتي الحوامل . 

اماكن توفر ماركة هملايا .. في جميع السوبرماركت الكبير والصغير .. واسعار الماركة جدا ممتازة ومناسبة للكل .





5 comments:

  1. حمستيني اجربه وعلى حظي وصلني ف جلام بوكس

    ReplyDelete
    Replies
    1. هلا بالغاليه ،

      جربيه وان شاء الله راح يعجبك مثل ماعجبني

      Delete
  2. حمستيني اجربه وعلى حظي وصلني ف جلام بوكس

    ReplyDelete
  3. جربته اكثر من مرة ورائع فعلا بس احيانا ما بكون متوفر قريب مني.. انا من الاردن

    ReplyDelete
    Replies
    1. هلا ايما،
      منورتني عزيزتي ، خساره انه مو قريب منك ، بس الماركة راح تنتشر اكثر واكثر على كلامهم

      Delete