Saturday, 13 February 2016

EUPHORIA ESSENCE Calvin Klein



EUPHORIA ESSENCE Calvin Klein 


 السلام عليكم 


العطور منو بس مايحب يتعطر بس ، انا اعشششق العطور 
عطرنا اليوم من كالفن كلاين ، نزل في اغسطس في ٢٠١٥ جديد 
ومن العطور اللي تكون لمدة معينة لمتد ادشن .. 



هذا اول عطر عندي من كالفن كلاين ، صراحة مو من العطور اللي بروح لها واشتريها على طول
بس شميته وعجبني جداااا ، ماتوقعت يعني انه راح يعجبني بس استغربت من مكوناته انه فاكهه و ورد 
وعجبني .. 

نشوف النوتات عشان نعرف اكثر :

العليا : توت - فلفل وردي - بلاك بيري 
الوسط : اوركيد - ليلي - الياسمين 
القاعدة : الباتشولي - كشمير وود - كاكاو ابيض 

فيه مكونات جديدة علي اللي هي الكشمير وود و الكاكاو الابيض 

العطر مكس بين الفاكهه الخفيفة والورد ، اول كم ثانية تشمين هالمزيج الحلو ، بس بعد مايبرد ويثبت 
يكون اجمل و لانه الباتشولي يبدا يبين .. 

من العطور الباردة بس انييييقة جدا ، يصلح للصبح ولليوم كله .. 
مو مناسب للمناسبات الكبيرة او السهرات .. 

ثباته جدا جدا حلو اكثر من ٣ ساعات .. ويبقى على الملابس 

No comments:

Post a Comment