افتتاح توسعت سيتي ووك
السلام عليكم
اللي متابعني في السناب والانستقرام اكيد شاف اني يوم الاربعاء اخذتكم في جولة
في سيتي ووك بس مو القديم ، اكيد التوسعة الجديدة ..
بكل صراحة من اروع ماشفت ومختلف تماااما عن القديم ، وانا ابصم لكم انه راح يكون هو حديث البلد لهذي الفترة
لانه ماشاء الله السيتي ووك مكان رائع ويوفر لج كل احتياجاتك ..
والتوسعة ماشاء الله تشمل كل شي ، حاليا ٣٠ محل مفتوح وباقي ٧٠ محل باذن الله قريب ..
كل شي تتخيلونه راح يكون موجود باذن الله ، وحبيت انه تم حل مشكله المواقف لانهم خلوها تحت الارض وتكفي ل ١٨٠٠ سيارة ..
من المحلات اللي فتحت حاليا
Karl Lagerfeld، وDiane Von Furstenberg، وMaje، وSerendipity3، وArmani Exchange، وM Missoni، وTory Burch وCoach و مايكل كورس ، بوبي براون ، سواروفسكي ، كالفن كلاين ، ليفل لاحذية الاطفال
وايضا لا بد من السينمااااا ، وطبعا ريل سينما
فيه مكان مخصص للاطفال للعب ، ومتحف حريم السلطان ، وايضا مستشفى
وفيه مكان جديد " ذا جرين بلانت " اول مكان يجمع ٣٠٠٠ نوع من الحيوانات و النباتات تحت سقف واحد .
وطبعا غير المطاعم المتنوعة و الجديدة على دبي ..
المكان طبعا طبعا راح يعجبكم وانصحكم بزيارته ..
شكرا جدا على الدعوة الجميلة استمتعت بالجولة واكيييد راح يكون من الامكان اللي افضلها في دبي .
ليست هناك تعليقات:
إرسال تعليق